鯉景灣 吹水館 抵食 好食!
係柴灣做左四年野.食飯既時間都係一粒仲.但係唔知點解搵食既範圍可以越食越遠…由柴灣醫院Canteen --> 杏花村杏花新城--> 筲箕灣柬大街--> 西灣河太安摟 --> 到依人人稱之為蘇豪東既鯉景灣!
呢間野之前食過一次,上次已經留下非常既印象.今曰同同事再試完之後,呢排懶到出汁唔寫野既我都發覺點都要寫番幾隻字介紹下…
我地一行十人,2架的士12點半到.午餐分2個價錢$42同$56,分量一樣,只係種類唔同.我地叫左…
1) 黃薑飯配羊肉串($42)-- 兩大串羊肉串燒至9成熟,串燒汁香口微棘,羊肉入味之餘帶有少許Show味(個人認為要食唔Show既羊不如唔好食羊) 黃薑飯就只係一般.
2) 蟹肉炒飯($42) -- 呢個最唔抵.個炒飯雖然好味,但真係冇乜送〈蟹肉真係唔覺眼)慼覺唔係好抵.
3) 南瓜汁豬扒配薯棻($42) -- 碟野一黎到,個個都忍唔住”嘩”左一聲!賣相一流不特止,塊豬扒仲成寸厚!平時食閞果d豬扒都係得1CM厚,仲要擔心佢會唔會又UN又乾身.點知真係喜出望外!!色,香,味俱全!豬扒厚成咁都唔UN兼有肉汁,實屬難得.仲要只係收42蚊tim!!
4) 香草牛油西冷扒($56) -- 呢樣貴少少.一橠物有所值.香草牛油整既野好難唔好食.牛扒有半寸厚,落單時待應會問幾成熟.賣相又係一流.我冇試過所以唔知好唔好味,但見同事食完之後隻碟識反光!
筲箕灣 吹水館 值得推介!
地址: 西灣河鯉景灣觀峰閣地下GA8-9號舖
電話: 2967-1666
2 則留言:
Man, you are making me hungry. I stumbled across your blog last year coz I was looking for chicken wings receipes. And man, now I know where to get food around Hong Kong Island.
http://hompy.netvigator.com/main/page/oisum811
August 18,2007
椰子煲雞雞煲奶
嚷了很久, 終於煲了這個湯。
看回電腦內的照片, 成了3x暴族其中一員, 驚覺自己真係老左! (但願只是心理作用....)就憑利嘉兒一句 : 飲左會靚架! 魔咒般, 死也要煲來飲。(唉, 女人...)
其實唔難煲,(起碼一定易過吾湯吾水那些) 但原來找椰子很有難度, 小妹胡亂找了椰皇(沒有毛的, 細個很多, 你去百佳也可以找到)代替, 味道不錯, 但劈開椰皇是整個湯最艱辛一環, 足足用了半小時斬崩刀, 差點沒把自家手指也劈斷, 可恨家中沒有電鋸...(所以明知椰香味不夠也死不肯買多個回來)
幸而煲出來的味道不錯, 飲至停不了口, 不過未知道哪裡有椰子及免費劈開服務前, 小妹要抖一輪方再encore的了。(手還有點軟軟的狀態, 就像國產凌凌漆內中了梅花間竹槍的李香琴)
recipe如下: (係阿利嘉兒教既)
材 料
雞 1 隻 、 椰 子 1 個 、 瘦 肉 300 克 、 紅 棗 15 粒 、 鮮 奶 1 公 升
做 法
1. 雞 去 皮 切 4 件 ； 椰 子 起 肉 切 片 ， 椰汁 留 起 備 用 ； 瘦 肉 出水 ； 紅 棗 去 核 。
2. 煲 滾 16 杯 水 ， 下 雞 件 、 瘦 肉 和 紅 棗 同 煲 ， 滾 後 加 入 椰 汁 以 慢 火 煲 3 小 時 。
3. 下 鹽 調 味 ， 加 入 鮮 奶 ， 煲 滾 起 即 可 。
貼 士
怕 肥 可 用 脫 脂 奶 。
隻雞其實唔切都得, 小妹懶, 就咁用水及鹽「省」乾淨, 出出水, 就成隻「死啦你」咁掟左落去。因為煲成幾粒鐘, 你搵個湯殼撩兩撩, 隻雞自己都散。不得不說洗雞時腦海略過一絲恐怖及罪惡感, 「你安息啦安息啦下世你會投胎投得好d架喇對唔住呀原諒我本人實在太為食呀真係食唔到齋呀南無阿彌陀佛」, 暫時是煮食生涯中最難過的一關。我就係慢火煲住, 返街檔, (屋企梗要有人啦唔好咁危險), 返完就放奶及鹽調味。
賣花讚花香, 好味架, yeah!
再講究d既, 可以用薑幫隻雞出左水先。
如果大家知道哪裡有椰子及免費劈開服務, 請告之, 小妹大可煲俾你飲。
發佈留言