118
前日放工後想行下街，結果坐118由柴灣坐到深水步。成程車只係用左5個字鬆D，係未好快呢? 呢架咁快係因為佢係柴灣上完客之後就直上東區走廊，下個站已絰係紅磡海底燧道，當你試過106既香港1日遊+訓醒2搞都仲未埋站，你就知道118係...幾咁偉大!坐118除左可以享受”快感” :p 之外，仲有一種感覺我係極之享受既。

我每次坐118都係放工之後，往往正值日落時間。東區走廊係沿海公路，沿途全個維港+九龍半島盡入眼廉。我最enjoy既係坐係舒適寬敞既空調巴士上，輕輕躺下身子，從倘大既玻璃車窗向外探頭一看，天朗氣清，萬里無雲既維港美景係斜陽夕照既陪襯下，散發出難以言語既醉人之美，沿途不自覺地凝視著，陶醉於美境之中，挺刻頓覺身心悠然，悶氣全消。如此良晨美景，令我想起張學友首舊歌，仲不期然咁亨左兩句tim。

夕陽醉了落霞醉了任誰都掩飾不了
因我的心因我的心早醉掉......

蒙牛（２３１９）
投資界消息透露，下周二（６月２日）公開招股的蒙牛（２３１９），公開招股總額３﹒５億股，其中２﹒５億股舊股及１億新股，主要減持股東包括ＭＳ　Ｄｉａｒｙ、ＣＤＨ　Ｃｈｉｎａ　Ｆｕｎｄ和ＣＧＵ－ＣＤＣ　Ｃｈｉｎａ　Ｉｎｃ。

招股價為２﹒６９元至３﹒７２元，涉資９﹒４２億元至１３億元。招股基本市盈率為９﹒０６倍至１２﹒５３倍，攤薄市盈率１３倍至１７﹒９７倍。６月１０日主板上市。

買2手玩下先~ ^__^

我的歌
如果有日你問人知唔知呢首歌係邊個唱，除非咁好彩俾你問中伊健d fans，如果唔係恐怕十個都冇一個可以答得到你。本身唔係伊健d fans，雖然係咁, 我自己都幾仲意聽伊健d歌。好似together呀，友情歲月呀咁，不過講到最仲意既，就肯定係-我的歌。

曲: 葉良俊 詞: 黃偉文 編: 陳光榮

若我將一生 高低轉變 譜出來
然後唱過去 過去目前 到未來
善變的曲式 音階起跌 是人生的感慨
願我這一曲 不風流也精彩
　
有許多風光 今生今世 亦難再
若我捉不緊 它將消散 空氣內
故此必須將 當中曲折 用旋律 記下來
沒這憑據 問記憶 怎裝載?
　
*要是聲線 亦耗損 就以五指 奏下去
指尖一旦 亦擦穿 就以記憶 唱下去
思緒仿似行雲 讓感受像流水?
如能繼續唱 都必須唱下去
　
也許天生的 很多感覺 很多情
期望這性格 替我換來 你用心的感應
用我的歌聲 敲醒心裡 淡忘了 的率性
像那些點水的蜻蜓 那麼輕
　
最好的光景 今天跟你 做人證
若有天分開 孤單的我 怎確認?
願我這首歌 它朝可以 做回憶 的保証
讓我一直唱 讓這歌 永莫停
Repeat **
能繼續唱都必須仍陶醉

人當對一首既歌詞產生共嗚，個種感覺尤如弱小既心靈得到撫慰，亦尤如在茫茫人海中找到知音。每次當我聽到呢首歌，完左之後就會不其然地按Repeat制，跟住Repeat完再Repeat，直到用完最後一格電為止。因為聽呢首歌”自我感覺良好” ，結果就好似吸毒咁放任自己一聽再聽毫無節制，直至客觀環境制止我為止(即係無電)。而個一剎那既感覺,就好似..夢醒一樣~~

出前一丁煮法
出前一丁煮法原來都好多種架:
1. 想食入哂味既話:
滾好適量既水, 然後落麵, 等o的麵散開哂之後, 再落麻油,味粉
然後撩佢幾o下熄火,蓋好個煲等5分鐘左右,搞掂
2. 想食香口既話:
滾好適量既水, 然後落麵, 等o的麵散開哂之後, 用筷子夾上碟,
個煲o的水倒哂佢, 然後用個煲加少少油, 燒兩燒之後將o的麵
倒返落去, 然後個煲輕輕離開火面, 同時用木筷子勁撩o的麵,
唔好俾佢痴底, 炒幾炒之後,落3/4包味粉,再勁撩,
撩到o的色澤平均o的
然後上碟再加麻油, 搞掂...(記住唔好用穫黎炒,難食好多)
3. 想食爽口既話:
先放一大煲凍水
用另一個煲滾好適量既水, 然後落麵, 等o的麵散開哂之後,
用最短既時間倒左o的熱水去,再將o的麵倒落果大煲凍水果度,
再開大水喉勁沖o的麵
等o的麵凍左,然後要即刻隔哂o的水去, 唔好用水沉住o的麵
(成個過程動作要快..), 然後用個細煲,放適量水, 落味粉,
較好味之後水滾熄火
將o的湯倒落o的麵果度, 加麻油..又搞掂...
4. 芝士撈麵
用另一個煲滾好適量既水, 然後落麵, 等o的麵散開哂之後,
用最短既時間倒左o的熱水去, 然後將o的麵上碟.
跟住煲滾o的新水, 用個大湯殼, 放適量既卡夫芝士落去個湯殼果度
隔水將o的芝士煮溶, 溶左之後即時淋上麵面, 食得...
5. 勁懶煮法
滾好適量既水, 然後落麵落粉落麻油, 蓋好個煲然後由得佢煲,
聞到公仔麵既香味之後,就可以熄火落碗....

你仲意邊種呢? ^__^

鹿嗚春
今晚好間心，因為好耐都冇同中學d好朋友食飯。今晚難得有得食兼有人請，真係倍加開心。飯後仲直落睇埋史力加2，認真盡興。今晚餐飯認真一流，去到全場full晒，冇訂位肯定冇得食。訂左枱8点3,不過都要係出面等左大約半個鐘。有超多外國人幫襯，特別係日本人添，我記得有好多介紹香港嘅日本書都有介紹鹿嗚春，同埋 片 皮 鴨 係 日 本 賣 得 好 貴，所以有咁多日本人幫襯都好合理。呢間野俾到我既感覺同 鑽石山時既詠 藜 園 一 樣,感覺都幾懷舊下~
講返正題，呢餐飯叫左大約十樣餸，差唔多全部都清哂，質素認真唔錯。我地食左:
前菜油浸花生同酸菜-呢樣不過不失啦。
什 錦 拼 盤 - 海 蜇 幾 爽 , 其 他 一 般 啦 ~
賽 膀 蟹 - 值 得 推 介 ， 尤 其 是 賽 螃 蟹 ， 真 係 要 試 試 ， 加 了 點 瑤 柱 的 鮮 味 ， 特 別 好 味 道, 而且一 d都 唔 油 , 個汁仲超 好 味~~~
北 京 填 鴨 - 依 家 無 新 鮮 鴨 , 所 以 d鴨 都 無 咩 鴨 味 ,d肉真係唔係咁好食。不 過皮就 燒 得 好 靚 ~片 出 來 塊 塊 都 皮 脆 、 鴨 油 甘 香, 一 向 以 來 都 覺 得 吃 片 皮 鴨 要 食 肥 先 好食 ， 以 薄 餅 再 夾 上 京 蔥 青 瓜 再 點乳豬 醬 ， 真 係 百 吃 不 厭。
宮 爆 蝦 仁 - 小 小 酸 甜 , 無mud特別 .
魚 翅 - 唔 錯 ， 算 係 睇 到 幾 大 梳 翅 ，不過老實講我唔識食翅，剩係知個汁幾好味。
我 地 最 後 加左 個 拔 絲 香 蕉。 冰火製法令香 蕉外脆內軟 ，有碎 玻 璃 糖 表 面 的 口 感 。
埋 單 一 千 四 百幾 ， 以 食 物 水 準 計 是 物 有 所 值 。
另 外 最 要 讚 賞 o既 係 部 長 先 生 , 好 好 禮 貌 , 幾 玩 得 ~
今次食得咁開心,真係要多謝2個人。
多謝Salin, 多謝呀B~ ^__^
地址:尖沙咀麼地道42號二樓
電話:2366-4012

神啊，請給我一手平安
平安保險終於都定於六月尾上市，集資大約一百一十七億，發行股數約十三億股，即每股大約九元。定價幾有吸引力，因為匯豐之前入股每股成本約為十二元，不過平安同匯豐有協議，如今次上市定價九元佢就會退番差價俾匯豐。今次上市我相信好多人都引頸以待，我都係其中之一，相比係咁多隻國企紅籌，無論上左市同未上市都好，咁好質素既公司確係小見。今次全力出擎就一定，不過至驚抽唔到啫，希望唔好烏鴉口俾我講中啦。^__^

係迎喜，唔係稻香
星期二好開心可以同TC識既好朋友係旺角迎喜(稻香其下食店)食左餐又飽又好食又抵食既飯。今次有成十幾個人黎可算係奇蹟，今次真係多得稻香唔少。講返餐飯，個名好似叫做皇帝宴，差唔多間間稻香或其下酒家有做。原價本來二千六，但係星期一至四就做半價。餐牌一D都唔失禮，蝦(選龍蝦就跟條青班，選海蝦就跟絛柬星),翅，乳豬，帶子，鮑魚，東星斑等等貴價野全部落齊，份量一D都唔少Tim，當然心理上硬係覺得原價份量會多D。味道我想信大家都對稻香都會有dd信心掛，我自己就覺得相當唔錯喇。半價後加一，Nuts…….呀唔係係茶芥全包先arm。十二個每人埋單位位三條一。席間即刻有人話呢個席可以用黎酒就好喇，我心諗到時D禮金收到報紙真係唔好問點解~ ^__^

李鵬飛封咪
大陸共產黨無乜叻，鬥爭就肯定攞第一。由創黨開始到依家都未停過，講手段講權術巳達爐火純青既境界。尋日人大代表李鵬飛都要封咪，可見今次71真係玩出火。做仔既挑戰富豪老豆，食佢既著佢既俾飯你食俾錢你洗仲係度撒野，個老豆無性你又唔係唔知，今次剩係叫你收聲算執身采，真係冇唔俾飯你食都算偷笑。係香港做人民喉舌既除左大班，疏民同飛哥之外，仲有深信市場力量既一報一刊，黎智英今次同中央過招，希望佢可以大步攬過啦，不過睇到大班，疏民同飛哥既近況，情況認真唔樂觀，乜都唔洗講啦，凡係蘋果壹仔落廣告既就當係反共，即死。

我終於見到隻"蒙牛"啦.....^__^

近 期 屢 次 揭 發 毒 火 腿 、 毒 午 餐 肉 、 毒 龍 口 粉 絲 等 有 害 食 品 ， 成 為 內 地 名 牌 電 視 節 目 的 《 每 周 質 量 報 告 》 ， 昨 天 突 然 無 故 停 播 ， 引 起 內 地 觀 眾 極 為 不 滿 。

本 港 市 民 可 能 不 太 熟 悉 《 每 周 質 量 報 告 》 這 個 節 目 ， 但 香 港 媒 體 報 道 過 的 「 毛 髮 醬 油 」 、 「 病 豬 午 餐 肉 」 、 「 有 毒 龍 口 粉 絲 」 等 新 聞 ， 均 是 出 自 這 個 節 目 。 該 節 目 在 內 地 很 受 民 眾 歡 迎 ， 已 成 為 央 視 新 聞 頻 道 所 有 欄 目 中 獲 評 價 為 第 一 位 。 凡 是 上 過 這 個 節 目 的 內 地 企 業 ， 命 運 就 是 瀕 臨 破 產 。

另 外 ， 有 網 民 分 析 稱 ， 央 視 竟 然 不 顧 後 果 ， 抽 起 這 期 《 每 周 質 量 報 告 》 ， 很 可 能 是 因 為 節 目 觸 及 有 勢 力 、 有 背 景 人 的 利 益 ， 於 是 逼 使 央 視 停 播 節 目 。

香 港 消 費 者 委 員 會 研 究 及 普 查 部 主 任 劉 燕 卿 則 表 示 ， 希 望 內 地 部 門 可 繼 續 提 高 食 品 資 料 的 透 明 度 ， 因 其 有 警 示 作 用 ， 亦 可 保 障 消 費 者 食 用 安 全 。 但 她 對 內 地 央 視 停 播 《 每 周 質 量 報 告 》 ， 不 作 評 論 。


有d野...始終都係要向現實低頭, ai~

平安保險
又話五月上市。五月中都黎緊頭啦大佬，影都冇嘅！！！

黃國英放棄了
今日睇黃國英專欄，他......他終於都敵不過殘酷現實既洗禮。最終都放棄了價值選股法(簡單來說是以公司質素作選股標準), 轉而加入跟大隊行列(即跟勢買股)，市升買股，市跌買沽。我覺得真係非常極端超級失望。我支持他，睇他的專欄，很大原因是認同佢既投資方法實而不華。雖然可能表現長時期低沉，但一發圉肯定一鳴驚人。佢深明此道理，但經過長時期實踐後他自己也忍耐不住，可能因為冇耐性，但最重要的是我相信他用此理念投資賠左唔少錢。始終買股票既係人，所以佢既價值亦會因唔用人對佢既估值不同而改変，好似你認為佢係寶，而其他人就認為係草，而客觀現實就算佢真係寶，但是只要認為佢係草既人夠多，佢都只能夠顯示佢係值顆草，直到認為佢係寶既人夠多為止佢先可顯示佢係寶既本身價值。黃國英買親我覺得都係寶，理論上佢地始終有日會應該顯示佢係寶既價值，而我亦深信此，但係我亦瞭解係現實情況係可能要1年甚至更多時間由草変寶。不過可能佢認真唔好彩,買親大部份股都変草，呢樣都唔緊要，最慘係等極都唔見佢変寶，等等下都心灰意冷。但係同時又見到唔少人炒市跟風賺大錢，自己講食力就坐度等運到，相比之下就會質疑自己既價值觀, 呢樣野講真好正常, 我估唔到既係佢竟然會去到放棄呢個地部啫。而我始終會堅守價值投資法, 因為我深信有d野係始終會守得雲開見月明,如果…………………我夠長命既話!!

李慧玲
唔知大家睇報紙鐘唔鐘意睇專欄嘅呢。我自己就好鐘意睇。除左之前講過嘅黄國英同左丁山之外，我每曰都一樣有拜讀李慧玲嘅專攔。佢對政府內部運作，政冶氣候，政治人物及政府政策嘅認識既深且廣，令人折服。拜讀佢既文章有助預測政治人物的更替同未來政策既制定。對於我嘅投資，呢2樣資料有決定性既影响，講真句睇少日真係會囉囉孿架。

R66
好耐都冇食過好食又抵食嘅自助餐，今日下晏好開心食到一次。

R66位於合和中心62樓，係一間旋轉餐廳。自從富丽華個間冇左之後呢間好可能係香港唯一一間。轉一個圈大概1個鐘鬆D，全程香港及九龍嘅景致一覧無違，5星級景致，加上5星級招呼，侍應勤加水收碟亦快，認真唔錯。

建議訂近食物抬嘅位，如果唔係有排行。價錢原價$138，依家至5月底星期一至六特價$88。連加一100蚊有找。食物主要分3大類，有熟食，冷盤，同埋甜品。生蠔大隻新鮮，三文魚夠鮮甜。甜品有曲奇，黑森林蛋糕，鮮果蛋糕，架啡芝士餅，泰式椰汁糕，萍果穌(好正),仲有Q版雪糕tim。熟食十幾款無乜特別。中間有一檔小型粉麵檔，都係D丸呀粉麫呀咁，但係特別嘅係我D朋友問佢哋攞蝦子佢哋好似唔駛錢咁俾一大碟我哋，你知啦，D蝦子唔平架麻，真係估佢唔到。

呢間餐廳價餞平只係午市自助餐啫，夜晚要成3百幾，值唔值就睇人啦。不過若果係午市自助餐5月尾前我本人鄭重推薦，絕對值得一試!

死人天文台
今日真係俾天文台玩死，7點幾掛黑雨，開心到好似中左六合彩咁，諗住可以訓多陣歎番半日啦，即刻落街買早餐報紙。點知一上到黎櫈都未坐暖新聞就話黑雨轉紅雨，半個鐘都冇就轉番紅色，真係俾佢激到啤一声。好心天文台就掛耐小小啦，星期六我返9放12，又係櫈都未坐暖就要走個隻。天文台只要掛到9点我就唔駛返，佢係要玩野掛到8点就完，妖~

許冠傑復出
許冠傑復出開演唱會，只用了48小時所有飛就賣晒。歌迷對阿sam嘅瘋狂不减當年。對上一次如此盛放空前相信各位恐怕要睇番當年今日。此情此景，可見阿sam歌迷並未变心，我相信有不小人希望藉此机會對往時阿sam七、八十年代由窮變富，再到紙醉金迷呢个時期好好懐舊一番。亦有歌迷希望好好細聽阿sam嘅歌聲。阿sam嘅歌歌詞通俗易懂，情感親切感人，為Catonpop嘅代表人物，地位超然。但佢已經俾人一仲上一代人嘅感覺，特別聽左佢個首新歌繼續微笑之後此感覺尤為明顯。得罪講句呢首歌以經係上一世紀嘅產物，句與句之間毫無連貫可言，聽完之後真係有D懐念佢D舊歌。有D野始終都係新不如舊。

深水埗
唔知點解我對深水埗真係有D情意結，雖然呢區比較舊兼且龍蛇混雜。但係呢度真係乜都有，好似有抵食兼好食既食肆啦,好似劉森記呀，維記咖啡粉粉面呀，公和豆腐花等等，買電腦就有唔洗講都知既高登同黃金啦，仲有買賣二手野隨時執到寳世界知名既(鴨記)鴨寮街。打机就有高手雲集既威利同長江，佢地重成日有新机試玩添。買衫買褲重有福榮福華一帶，全部做批發同零售，保証D款唔會舊。深水埗真係要乜有乜，希望有生之年可以係度住番一年半裁，親身經歷下深水涉既生活，好好感受一下D草根情懷先得。

野蠻師姐 就快有得睇！

網站
http://www.koreafilm.co.kr/movie/girlfriend/girlfriend_main.htm

trailer
http://211.239.150.235/windstruck_300k.asf

全知賢not very beautiful, but she is really charming lei~ ^__^

黃國英專攔
另一個每日必睇既專欄就係黃國英個專攔。初時睇其實都有D悶，但係睇落就簡直如獲至寶。佢所寫既文章非常客觀，簡單直接，唔會寫埋D睇完等於無睇既野。就係因為作敢言既作風令佢成日俾人鬧，尤其是係佢D行家添。佢揀選股票既方法亦深得我心。佢介紹得既股票一定有實質業務及良好前景。好似勝獅貨櫃，中遠太平洋，雅視光學等等。有好幾次佢介紹完隻股票之後個隻股票之後仲跌左十幾個巴仙，我心諗隻股票介紹得就梗有一定質素，依家個價大超賣，仲唔買真係唔知等幾時。結果有好幾次類似情況都略有斬獲，從此就培養左睇佢專攔既"好習慣"喇。

大頭奶粉
大陸D劣質食品可謂無孔不入。先前有頭髮做豉油啦，人造雞蛋啦，致癌燒味啦等等等等。不過以大頭奶粉為最。食壞人就算啦，依家直情係食死人。仲要係下一代，未來嘅主人翁tim。行為簡直令人髮指，有關人仕必遭天衍。呢D劣質食品肯定只是冰山一角。以前一直都知道大陸多假野，但通常只知而未見。因為大陸改革開放，令新聞較以往自由開放。因此開始有此類事件的報道,以前一定唔會有。值得留意既係有唔少呢類報道都係黎自中央台。由此可知中央都開始關注此問題, 睇黎有d人都”天國”近了lor 。

依家係XX處打工真係越黎越辛苦。
今晚大家終於忍唔住約出黎食晚飯借機大吐苦水。一D資深嘅同事大講初入職時的美好光景。人工高、出糧準、工作又輕鬆。以前所講求嘅係Get the job done.最緊要係完成件事，錢銀都係其次。依家真係今時唔同往曰。返工要簽薄，人工就越黎越少，工作又越黎越多。呢樣都唔緊要，最重要係我哋D老細睇唔起我哋，成日都當有工俾我哋返係施捨我哋，好似派錢咁。好多同事已經敢怒不敢言。我哋巳經當E份工係雞肋。正所謂食之無味棄之可惜。如果照現時嘅情況，遲D可能有好多同事会唔Do呢。

在大陸什麼都是假的, 只有騙子是真的 。
一個老農夫，買來種子播下，到秋後竟然顆粒無收，因為種子是假的。
老農決心一死，買來一瓶農藥喝下，結果沒死，因為農藥也是假的。
由於人沒死，一家人慶幸，買來一瓶好酒全家喝，結果全家人都死了，因為
.................酒也是假的。..........@_@
What a real story!