星期三, 4月 27, 2005

電單車強制試,搞點!

真係 真係 真係
開心到震 興奮到暈
惦晒!

星期二, 4月 26, 2005

葡京VS金沙

由讀大專開始已喜歡往澳門賭錢。千祈唔好誤會我並非病態賭徒。賭吸引我既地方係過程而並非成果。當然唔會咁變態望自己輸錢,但係放得賭枱既錢,一定會做好必輸既準備,呢d錢,係可有可無既,咁先可以放心咁玩、盡情咁玩。

葡京現在與巳住相比巳好左好多。以前一入去就好似倩女憂魂咁煙霧瀰漫,現在則撥開雲霧見青天。不過,二樓都係同舊時一樣。不時聽到如狠似虎既大陸人玩百家樂時幾十人大叫有邊有邊。感覺非常親切。完全有草根大排檔feel。I’m loving it!

之後去左金沙。知道會黎頭先食飯就唔叫野飲。因為呢度野飲跟足維加斯咁係任飲既。同葡京一樣一樓禁煙二樓就冇。好光猛好乾淨。d荷官差唔多全部fresh grad,仲有唔少正野tim。細細聲問過佢地成都有皮幾野一個月,真係羨慕死唔少人。

玩既款式基本上同葡京一樣,當然角子機會多d。之前睇CSI有集講到賭場為左吸引多d人黎玩。所以係角子場係特登做到keep住有人中獎。入錢時聲音係Major,特別好聽。結論四個字 -- 所言非虛。

最離譜既,都可謂有四個俄罹斯六尺幾高既Model著住T-Back係度巡遊,全場俾佢地斜鬼住晒。中間個stage仲離譜,竟然有妙齡女郎艷舞表演,咁仲駛賭既。通常賭錢一近女色就會輸。d洋鬼子真係絕! :p

雖然最後贏左唔多,但真係過左過開心無憂兼超盡興既一日,超讚。

星期一, 4月 25, 2005

睇蔡志明表演 -- 8138 康健國際控股有限公司

上個星期自從蔡志明入股之後,股價即升近倍。今日25042005再升近五成。升到近年最高位1‧32。

蔡志明入股,d人固然憧景用蔡志明既成功營商手法帶進康健之中,之前康健業績同質素乏善足陳。再加上佢"朋友"陳妙英既收身生意。注入康健之中,擴展美容業務。

一個星期升近幾倍,成交量真係幾何級數上升。現時極可能在派貨之中,跟住再買再派。呢隻股票我只會玩即曰鮮,股價越高,越易爆破。睇少陣分分仲冇左近半。現在才買,其實同賭錢冇分別。
澳門黃枝記(總店)

星期六約左朋友出旺角,行行下興起想過澳門,二話不說即刻直奔中港碼頭。到澳門時,已近四時。係萄京玩左幾手之後,就搵處地方醫下肚。

黃枝記係澳門冇人不曉,最近仲猛龍過江係香港開分店。不過價錢就真係唔平。難得黎到澳門緊係要去總店會一會佢。

澳門有兩間黃枝記。總店就up up dup dup,分店就富麗堂煌。佢最出名既係蝦子撈面同雲吞面。叫老闆娘拎d最好食既野黎。個老闆娘就話唔駛講野雲吞蝦子撈啦,都係23蚊咁大把。d面真真正正爽口彈牙冇規水味。雲吞蝦肉豬肉比例恰到好處妙到亳癲。最正既,都係滿佈係面上既蝦子,香口到難以形容,食完後久久都仍齒頰留香。咁正既一碗面都係廿幾蚊。古鎮煌講得arm。錢,識得駛,其實好好駛。

不過有樣野不得不提既係,正所謂十隻手指有長短。幫襯d出名既item就最保險。其他既item就睇彩數。我叫左碟炒蜆,只係食左2隻。唯有下次小心d。

飽餐之後,我地就不知不覺咁去左金色沙灘度漫步同埋‧‧‧‧‧‧攞船飛錢。:p

星期日, 4月 24, 2005

傳北韓擬核試,美國國債價格上升!

癲佬玩核武

不幸成真東北亞有得震冇得訓
日本仔仲唔借勢大條道理擴軍


仲要唔係講緊幾百點!
港燦兄,掛住你阿!

見唔到你個blog幾日以為server有事
現在差不多一個星期了
真的很掛住你和你的文章.

你沒什麼事吧?
雖與你素未謀面
但如需協助可留e-mail給我
bonbon2468@yahoo.com.hk

希望可以快d見番你blog野:p

星期三, 4月 20, 2005

中遠集團6月來港上市集資逾15億美元

(經濟通專訊)市場消息透露,中遠太平洋(1199)母公司中遠集團計劃,將整合後的集裝箱運輸公司,安排在六至七月來香港上市,計劃中的上市公司名稱為中國遠洋控股,集資超過15億美元,集資所得將用於擴充船隊。
今年小弟既重點投資.

今年隱憂特多:

1. 流感(仲未爆)
2. 地震 (起碼震多年,若有日震中日本金融區lor wor...)
3. 恐怖襲擊 (911都格左咁多年,若不幸返"丁"...完美既防衛,明眼人都知係冇可能)
4. 美國2赤...
5. 人仔升值

仲有好多未能盡錄
所以今年要投資
永遠要為大跌市做充分準備.

優質既IPO,好少死錯人
係我今年既投資重點之一!

星期二, 4月 19, 2005

服裝零售商 bauhaus 擬下月上市

計劃下月上市的包浩斯(bauhaus),據其初步招股文件披露,02至0 4年度純利及營業額(3月年結)逐年遞增;截至04年10月止的7個月,純利2415.3萬元,較上年度同期升71.82%,營業額約1.28億元,增長26.43% 。

包浩斯計劃動用上市集資所得,於本港、內地、台灣及其他地區, 開設更多「BAUHAUS 」、「 TOUGH 」及新品牌「 SALAD 」的分店。04 年度公司曾派發股息5167萬元,公司指,日後有意維持股息 比率於30%水平。

包浩斯計劃發售9100萬股新股,9成配售,1成公開發售。每手2000 股。市場消息指,公司管理層已開始進行路演,擬集資1億元左右,上市保薦人為新鴻基證券。不計算超額配售部份,上市後包浩斯的公眾持股量約為27%,大股東、即包括公司主席黃銳林、執行董事唐書文及其他關連人士持股量則為73%。

包浩斯為一潮流服裝零售商,銷售絡網主要集中於本港,在港有39家自營店舖,其中27家以「 BAUHAUS 」為品牌;台灣有10家自營分店。

講檔次I.T.就高一個層次
雖則係咁佢d野都唔見得平~

小注怡情玩下先~ ^__^
蘋論:新加坡能香港為何不能?

人地就一鎚定音.

你就要mud咨詢物咨詢,
剩係減少膠袋,食肆全面禁煙呢d德政
搞足幾年都e家仲搞緊!

香港為何不能?
未就係咁解lor.
「搵錯老闆都係風險」 張宇人惹火言論捱轟

稍有政治智慧都唔會講埋d咁既自殺式言論.

佢究竟收左張耀榮幾錢?
盧少蘭獲准上訴終院

房會盼盡早完結。房委會發言人表示,期望這項重大事宜能盡早完結,並就房委會分拆出售權力的問題得到最終判決,以便領匯盡快重新上巿。

想快,人大幫到你! :p

阻住地球轉,妖~

星期日, 4月 17, 2005

星期天休息:顧全大局穩定和諧 長遠利益齊向前看

最後一段:

世上沒有永遠的敵人,也沒有永遠的朋友,只有永遠的利益。團結、和諧、新思維,無論南京屠殺還是文革,既然兩不言悔,通無賠償,也就不要總是活在過去,要向前看。中日關係,其實一片光明,令人樂觀。

世上沒有永遠的敵人,也沒有永遠的朋友,只有永遠的利益?

利益之後,還是有分朋友或敵人的.有利益就可無視其他,呢個世界邊有咁簡單.難保他朝有日冇利益...到時又會點!

南京屠殺還是文革,既然兩不言悔,通無賠償,也就不要總是活在過去,要向前看?

文革中共都已定調係十年浩劫.(雖然64仍未平反,可能你唔同意,但係未全錯我個人認為有保留.)
南京屠殺?到e家都仍有部份日本人質疑係未真有其事!
如果日本人好似德國人咁一早坦承錯誤,就唔會有今時今日既反日or準確d反罪惡既事情發生.以為事隔幾十年就可以過骨? 唔係下話? 可預見既係類似事件只會持續落去.因為最根本既問題一直得唔到解決.要解決,根據日本人既民族性格,似乎係冇可能.呢個問題可以話係一個死結.除非有你同我都估唔到既事件發生.

中日關係,其實一片光明,令人樂觀?

家人就冇得選.好壞多少都要硬食.
但朋友唔同.
你會同一個做事專一認真,但倔強硬頸嗜血兼死唔認錯既人做好朋友嗎?
態度一流但品行九流,做拍檔互利互惠還是可以的.

呢度可以睇日本人點睇日本人自己.
"結論也許會令和平愛好者氣餒,但這是事實﹕日本的確是從戰爭裏崛起的國家,就像十九世紀的美國一樣,南征北戰,國家是靠打仗打出來的,端的是槍桿子裏出政權。" -- 日本精神分析家岸田秀有

http://hk.news.yahoo.com/050416/12/1bnsh.html

一片光明,令人樂觀?

我唔同意.

關於陶傑

我尊重佢既學識.
但今次佢既觀點認真不敢栒同.

星期五, 4月 15, 2005

蠱惑老闆:有罪就拉我

「無理由要我借貴利還債,如果認為我有罪,咪拉我囉!」
「大佬呀,我點償還呢筆債務,如果我上身,咪要賣田賣地,正常人都唔會咁做啦!」。

係衰格d, 不過係我都會咁做.不過我唔會出聲,因為結果根本只得一個.
寄全球H2N2兩樣本失蹤 散播致命流感病毒現危機

星星之火可以燎原.
幾十年就番”丁”一次既流感,
之前都係天災.

今次?
可能例外.

星期四, 4月 14, 2005


"編號 89757"

林俊傑, 新加坡歌手,又係睇台灣節目時認識.
最近出第三張國語個人專輯"編號 89757".
主打歌「木乃伊」帶少許埃及風情,幾過癮.

"木乃伊的心在燒 金字塔裡悶到老"

呢排日聽夜聽, 真係聽出耳油.
又係一個可造之良才!

話時話新加坡都唔少猛人! :)

Posted by Hello
郭富城約滿百事功成身退

呢十年黎歌,影,視?全面仆直.
老實講,
真係唔係好明佢點捱到今時今日!

最重要都係,
仲有人會俾機會佢捱到今時今日!?

星期三, 4月 13, 2005

家庭計劃指導會標語創作比賽

「兩個根本唔夠腳,生夠四個打麻雀」

呢句野,差少少就令到我成杯奶茶嘖晒出黎! :)
文記粉麪茶餐廳

慈雲山既毓華里食肆很多。高級既就欠奉,草根有歷史既就有唔少,尤其是茶食廳。短短一條街就差唔多有成十間。質素當然有好有唔好。但講到優質既茶餐廳,莫講話慈雲山,就算全港黎講,文記粉麪都應榜上有名。

好食既野,實在太多,就抽幾樣簡介下。

常餐 -- 同其他茶餐廳一樣,都係奄列,叉燒/牛肉公仔麵加杯野飲。Mud都唔講,公仔佢地十年前已經只係用出前一丁唔駛加錢,其他茶餐廳用既大光麪有幾好食大家心照。剩係呢樣小小既心思巳可知老闆係對食有要求既人。其他既,當然唔會差。

奶茶 -- 有茶味有奶味又夠香滑,仲想點。真係試過同十大奶茶之一銀龍比較過,真係不相伯仲 。

煲仔飯 -- 冬天先有,價餞稍貴。雖然唔係好似廟街興記咁用炭爐,但係仍然煮得爽身有飯味兼粒粒分明。皆因每煲煲仔飯皆由老闆係店門口親自操刀,每煲都係精心傑作。可惜既係只得冬天有得食。北菇滑雞乃係不二之選。

晚餐 -- 老實講我食佢地既晚餐分分仲多過係屋企食飯。佢地每晚都有特價晚餐,只收廿蚊之餘仲有四款可楝。咁平既價錢咁正既質素,可謂超值到予欲無言。小弟既至愛獨沽一味,咸魚雞粒炒飯。炒飯夠乾身,咸魚夠咸香,雞粒夠口感,再加埋杯凍奶茶,食完之後此生無憾矣。

有好野就一定要同大家分享。特登上黎就無謂。有緣經過既,不妨試一試。

地址: 慈雲山毓華里31號D 地下
電話: 2242-2446

星期一, 4月 11, 2005



頭文字d預告片,正!
http://hk.geocities.com/jaychou_toby/J.htmPosted by Hello
持刀尖銼跟蹤施襲 校花被毀容男友囚四年

12月23日時寫過:

她表示這次非常「好彩」,因對方如再大力一些或傷口深一點,便會割破頸部大動脈,隨時可能送命。現時何麗珊最擔心的是自己會否容,但因傷口被紗布包裹,無法察看傷勢,醫生亦未有詳細交代。此外,對於有報章稱她為「校花」,她覺得非常好笑,向朋友笑言「無端端做了校花」。

今日 12042005

女法官昨判刑時怒斥男生為令前女友吸引力不再而狠下毒手,事件不但令女生的面頰、鼻樑留下明顯傷疤,頸項一刀更險取其命,事件打擊女方的自信心造成長時間噩夢連連,故重判他入獄四年,服刑期間須接受心理輔導以學習控制情緒。

法官指女生遇襲後患上創傷後精神問題,時而憶起當日遇襲情景及被告行兇的表情,事後她噩夢連連難以入睡,亦因處處防範再次受襲而引致情緒緊張,面上傷疤令她難以忘記當日可怕的經歷,嚴重打擊其自信心及造成心理障礙,其母親亦因此陷入極度緊張,而母女須接受心理輔導。法官昨以六年為量刑起點,指被告因認罪而獲三分一的刑期扣減屬「好好彩」,兩罪刑期判囚四年,法官要求被告在獄中須接受心理輔導,以學習處理個人情緒。

廿二歲既何健聰,呢d人,坐4年,真係益左佢!
最慘係佢前女朋友,咁...........就一世~
8 Simple Sell Stock Rules

Copy form yahoo.com,for reference~

1. Sell when the stock falls 7% or 8% from the purchase price.This works as a good insurance policy against serious losses. More.

2. Sell when the stock makes new price highs on low volume. This is a good way to tell if a stock is stalling and probably peaking.

3. Sell when the stock's Relative Price Strength Rating falls below 70.This IBD Rating helps determine if a stock is still acting like a leader.

4. Sell when the stock goes up too high, too fast.Most great stocks end their long advances with a "climax run."

5. Sell when the stock's 200-day moving average trends lower. With the right chart, this technical signal is easy to spot.

6. Sell when the industry leaders start struggling.Keep an eye on your stock's leading peers. If they falter, chances are your stock will too.

7. Sell when "distribution" hits the major market indexes.
A series of declines on heavy volume means institutional investors are exiting the market.

8. Sell when earnings growth slows down.

星期日, 4月 10, 2005


台劇「鬥魚」,好睇!

之前好多朋友都話正.呢兩日得閒d就狂煲.內容就似"古惑仔"既電視劇版,從小混混一路混到幫派老大,主角卻因愛上標準中產階級人家乖女孩,在黑社會與愛情之間作掙扎.劇中充斥著真性情、熱血的角色,還有許多打鬥、飆車的戲碼,並且將不同於一般偶像劇的圓滿大結局!20集都冇悶場,真係幾驚訝!

大家熟悉FIR既"我們的愛"同"lindia" ,原來都係鬥魚入面既主題曲呢.

個女主角幾似大s而大s個男朋友藍正龍係套劇入面真係幾靚仔! ^__^

Posted by Hello

星期五, 4月 08, 2005

與黃國英見面

從蘋果黃國英個專攔得知,佢係聽日會有個期權講座。黃國英係我一位比較敬佩既股評人。佢善於發掘工業股,推崇價值投資法,成功例子隨手就有富士高,勝獅貨櫃,太平洋恩利等等。佢最常提及買股票最緊要講"值博率"。呢三個字幫我虧少唔少錢。

不過唔可以否認既係佢近年真係幾運滯,始終股票係有賭博成分,機關算盡仍有虧錢既可能。搞到佢自己既核心價值都動搖左,結果輸得仲金。另一位同佢同撈同煲既,首推壹仔入面既tony。最近連舊年個股票倉都冇再登,因為紀錄認真麻麻。

以上兩位股評人都係我最尊敬既,係佢地身上我學唔少亦賺唔少。一曰為師終生為師,尊敬佢地,係一世既。

聽日可見其一,諗起都興奮! :p

星期三, 4月 06, 2005


金濠海鮮火鍋酒家 -- 任坐又任食,好食兼超值!!

同朋友出街,有時搵地方食飯有時都真係幾煩下。最希望既,當然係任坐又任食,好食兼超值啦。火wor自助餐係一個幾好既選擇。幸福樓,倫敦大酒樓平係平,不過次次出門口都要講粗口。女人街入面曾經有間平得黎又抵食既福星,不過今晚想再幫襯時驚覺佢已經執左,結果游下游下,入左一間裝修勁新勁乾淨既,結果認真令人喜出望外。

未入門口先問埋單幾錢,門口寫既四十幾當然係宣傳技倆,老實講又真係幾有效。企門口既靚女即答位位八十二,既然唔過百都唔洗點諗,即入。

湯底有成十款,有棘有唔棘。要左個荽茜湯底, 唔錯。食物方面有成超過六十款, 夠晒多選擇, 不過特別既食物講真就無mud。可喜既係款款食物都睇得出夠新鮮 , 鱔片呀 ,手打四寶丸都好正,水餃雲吞就油麻地。飲品方面蔗水 ,酸梅湯同夏枯草就任飲。收你80蚊,有咁既質素,個老闆都算係咁law~

仲有啊.呢度又有部大plasma tim。今個星期,已經係第二晚係街睇大長今!

肯定再幫襯. 

地址: 旺角彌敦道610號荷李活商場2樓
電話: 2989 1919
Posted by Hello

good~ Posted by Hello
大紀元時報

我每日到要搭地鐵返工,係入黃大仙地鐵站之前,實會見到有個呀伯賣香花。最近呢幾個月,仲多左個阿伯或阿婆派免費報紙”大紀元時報”。

見免費緊拎份黎睇,一望頭版就開宗明義反共。每日都刊登大陸每日退共黨人數,當然傻既都知係吹水。心諗直覺上又係法輪功搞鬼。但係粗略一睇份報紙又唔覺有大大篇法輪功教義呀,李洪志幅靚仔相呀咁,咁就開始懷疑反共班友仔mud今次咁揼本,事關搞一份免費報紙肯定唔平,仲要係幾乎可以肯定冇廣告補助既添。

姑勿論佢d政治文章,佢既副刊都算做得唔錯,內容真係幾充實。作為一份免費報紙簡直超班。

不過最後都發覺呢份報紙係同法輪功有關既,因為我係副刊入面見到亦係唯一同法輪功有直接關係既三個字”真,善,忍”。今次仲唔斷正! :p

初時都覺得呢份報紙都注定係同文匯大公同一命運,永遠小眾永不入流,因此不以為意。但幾個月後既今日越諗越唔對路。好似我咁我會攞而同時亦會買蘋果。但大紀元只會望幾眼既jei。但若果上年紀又冇mud錢,連每日攞六蚊都有困難,每日消磨時間就可能就係份大紀元。呢班就係佢地既核心讀者群,即係維園阿伯、盧少蘭果類人,最易受人影響,最易控制果班人,咁就真係可大可少。

而且e我所見佢地既傳教方式亦有長足進步。你可見佢由本來既硬推銷,即係法輪大法好,法輪功書藉等。直接思想貫輸大多不為人所接受。現在則照我估計佢地希望藉大紀元時報作軟推銷,表面反共暗裹推銷法輪大法,真係一絕。

據我所知,現左最少在黃大仙及柴灣地鐵站有派大紀元時報。而且在深水步近鴨寨街長期掛住大量法輪大法d展板。種種跡象顯示似乎法輪功行勳有積極化既趨勢,今年係o5年,離o8奧運有三年,夠竟佢地會唔會為將來某些大型行動在香港做緊準備呢,大家不妨晰目以侍。

星期二, 4月 05, 2005

兩隻都升,又幾好彩 :p

AMER INTL GROUP INC(AIG)
最新價: 53.30

合和公路基建有限公司(0737.HK)
最新價: 5.65

星期日, 4月 03, 2005

感冒有得醫?

原來真係唔少人以為感冒有得醫

感冒其實係冇得醫既
因為係病毒所引致

西醫開俾你既
全部都係禁住病癥既jei
好似咳同發燒咁
等你係好番中間果段時間冇咁辛苦

你好番
會因係你既免疫系統
所以西醫都會叫你多d休息飲多d水
等你自身既免疫系統好好打仗

個人認為感冒睇中醫比較好
SARS已證明中藥比西藥更有效

不過其他病就則作別論.:)
737 合和公路基建有限公司

港珠澳大橋爭取年底動工
737股價大家可以留意下~

港珠澳大橋
係合和建議左n咁多年
e家先真正落實!

雖然仲要投標
不過737中既機會都好大
鄧小平生前接見香港富商
佢一見到胡應湘
第一句就係
"你條橋起好未呀?"

胡應湘講過港珠澳大橋
會係佢呢生人最後既大作
佢今次仲肯定會親身上陣做工程司tim!

737 最新價: 5.45
good luck :)
AIG -- 會唔會係MRK番版??

美國股市周五收低.油價觸及紀錄高點,美國供應管理協會(ISM)制造業報告引發投資者通膨憂慮,而且美國國際集團(AIG)重挫8%,均拖累大盤.

AIG下挫4.46美元至50.95美元,因針對該保險企業的調查擴大,該公司另有三名法律部門職員離職.

70幾趺落~50
又有冇跌多左呢?

最新價: 50.95
交易時間: Apr 2
升跌: 4.46 (-8.05%)

星期六, 4月 02, 2005

六鼎記 -- 迴轉中式火煱自助餐

約左朋友食飯,放工後旺角等。係旺角搵食既當然唔難,不過想試新野就唔易。朋友話奧海城有間過癮野,即管行過去試下。

遠處望過去見到條迴轉壽司果條迴轉帶,但奇怪明明間野唔係食曰本野,門面大大隻寫住中華料理添。睇真d,原來係食中式火煱自助餐,d位附近有條運輸蒂,d野食就好似食迴轉壽司咁自己攞。中式野咁食,真係第一次。

人手唔多,不過收碟落單都算快,服務oK架。不過......

講到最重要既食品質素就真係不敢恭唯。佢既食品質素同幸福樓同級,實食飽你不過就冇樣好食,我自己要求高當然非常唔滿意啦。但普通食個飯都oK既。

埋單2位260。唔算貴。食足4個仲。不得不提既係果度有部超大p1asma,食住睇大長今都真係幾過癮架。:p

地址: 大角咀海庭道18號奧海城二期商場1樓高層地下UG05號舖
電話: 2273-4688