澳門黃枝記(總店)

星期六約左朋友出旺角，行行下興起想過澳門，二話不說即刻直奔中港碼頭。到澳門時，已近四時。係萄京玩左幾手之後，就搵處地方醫下肚。

黃枝記係澳門冇人不曉，最近仲猛龍過江係香港開分店。不過價錢就真係唔平。難得黎到澳門緊係要去總店會一會佢。

澳門有兩間黃枝記。總店就up up dup dup，分店就富麗堂煌。佢最出名既係蝦子撈面同雲吞面。叫老闆娘拎d最好食既野黎。個老闆娘就話唔駛講野雲吞蝦子撈啦，都係23蚊咁大把。d面真真正正爽口彈牙冇規水味。雲吞蝦肉豬肉比例恰到好處妙到亳癲。最正既，都係滿佈係面上既蝦子，香口到難以形容，食完後久久都仍齒頰留香。咁正既一碗面都係廿幾蚊。古鎮煌講得arm。錢，識得駛，其實好好駛。

不過有樣野不得不提既係，正所謂十隻手指有長短。幫襯d出名既item就最保險。其他既item就睇彩數。我叫左碟炒蜆，只係食左2隻。唯有下次小心d。

飽餐之後，我地就不知不覺咁去左金色沙灘度漫步同埋‧‧‧‧‧‧攞船飛錢。:p