十六年前 十六年後

小學六年級 學校週會 禮堂 四年級學生

“佢地一定食左藥…之前獻花..佢地都掉頭支持北京既學生….點解突然咁無人性!!鎗殺手無寸鐵既學生!!佢地一定俾人喟左食藥…””

說時聲咽淚下,人人為之動容.自已心裏亦不甘期然冒出一團火!人人都口徑一致.係果時…

唔好講中共做得岩.邊個講中共做得有少少道埋,都係死路一條.肯定唔洗出街!

四年後 中學三年級 中史堂 中史阿Sir

"六四係錯,但係…件事發展到六四巳一發不可收拾.學生口號開始由支持民主法治,到後期巳變成打倒李鵬,推翻共產黨.本質巳根本地改變!推翻執政者,即係搞緊革命.呢樣,並唔係一件小事!"

若然成功中國現已變成民主自由國家.比較之下,

會俾現今之中國更強人民更富足?
或百廢待興又落後多外國幾十年?

我傾向相信後者.

民主自由固然要追求.但成功推行民主前,是需要符合一定絛件為先.好多例子巳充份顯示,追求民主一步登天並唔係一個合情合埋既方法!學生又有冇諗過?

掌握唔好,不單不能帶來希望,後果更可以是毀滅性.六四係錯!但係未錯得晒,我個人認為有所保留.不過點講都好我都希望千祈唔好再發生,因為大家都係中國人!