出得黎行 預左要還

今日

港股隨美股稍為高開後，靠地產股支撐，濠賭股明顯受壓，跌幅不斷擴大。午市過後，市場焦點仍在濠賭股，恆指最後收１３６２３，上升３９點，成交１７２億元。

濠賭股炒風熱潮，證監會擺明高姿態打擊，上個禮拜已進行電話諮詢經紀行，開始有收歛蹟象，沈主席臨走前再做番件代表作，避免呢個熱潮無休止咁進行。據悉，證監已針對個別升幅勁濠賭股，進行徹底打擊。倘如是，濠賭股跌勢仍未止。

跌幅最大濠賭股，首推奧瑪仕（０９５９）、世紀建業（００７９）同結好（００６４），三間跌幅大公司，無獨有偶都係大股東減持股份。奧瑪仕大股東沽得最徹底，一股不留，世紀建業控股股東最少沽５％，但有大劉、彤叔貨結好，主席高價沽出１０％貨；大劉、彤叔響１．８元接貨價，考驗佢支持力。缸邊人語，大股東減貨可能係最好既明燈。

似乎今次係真爆煲~