新野, 板燒雞腿漢堡, 12蚊個, 香港遲d應會引入.

廣東,蒜茸生ho,28蚊一打,抵到爛!

民生銀行獲中國證監批准發行Ｈ股將來港上市
中國民生銀行在上海證券報刊登公告,表示已獲得中國證監會批准,發行最多13億3900萬股H股.預期稍後會來港上市.

民生銀行表示, 上市計劃仍有待港交所同意 . 另外 , 民生可能在招股前 , 因為派發紅利 , 以及資本公積金轉增股本等因素, 令總股本擴大 , 並會因此而按比例增加境外上市外資股的發行數量 .

民生銀行早前表示, 希望在 05年內完成發行H股. 又預計 05年度實現總收入 211億4800萬人民幣, 稅後利潤25億5000萬人民幣.

民生去年淨利潤20億3800萬人民幣, 增長4成7, 04年底資本充足比率百分之8.59.

有又機會賺餐晏仔呢~ :)

電單車強制試

今日上第一日強制堂
落電單車時真係腳到震埋
仲辛苦過行路! :p

迎喜大酒樓 -- 大帝宴

大帝宴, 五六日收3千,一至四則half price收1488, 無加一無茶芥,放低1488即走。

一行12人, part-time同事敍下舊,雖則做半價,餐牌一D都唔失禮。有蝦, 有翅，乳豬，帶子，鮑魚，東星斑等等貴價野全部落齊，份量一D都唔少。當然心理上梗係會覺得原價份量會多D啦。味道我相信大家都會對稻香都會有dd信心gua，小弟就覺得相當唔錯。十二個每人埋單位位125。抵!

咁正都唔係無缺點,就係要儲夠12人先有得開餐,真係唔易架。 ^__^

地址: 旺角雅蘭商場三樓全層
電話: 2390-0882

Batman Begins

只睇劇照
已知呢套Batman
必睇！

Winona Ryder

希特拉的最後12夜(Downfall)

尋日睇左。

真係出乎意料之外地好。故事係講希特拉自殺前十二曰夜既人和事。講起香港以前都有套叫十二夜,好似張柏芝做既。

呢套戲姑且物論內容真定假.呢套都算係一套好戲。女主角夠靚,有幾分似戴安娜tim。戲內對希特拉既心理描寫亦夠深入。強人末日時仍然眷戀惜曰光輝,縱使心知大勢已去,even自殺方式都諗埋，仍幻想可以扭轉困局東山再起。戲內可見開會時希特拉縱使聲力揭，但實情已係無兵可用,所做一切都係徒勞,充份顯現出強者末人既悲涼。各將領亦各自盤算自己既出路。走既走留既留。留低既,都只係借酒消愁，等待末日既來臨。但到最後，仍有不少死硬派以死效忠。你就會明白到點解可以有成千萬人學法輪功。

呢套戲最俾到驚喜我既地方。就係佢既戰爭場面。場面雖然不多，但個人認為比雷霆救兵更為真實。睇完之後唔知點解即刻幻想若中國有日打台灣，台灣既導彈射黎香港既恐怖情況，若不幸成真後果真係不堪切想。

復活節想睇套另類好戲，希特拉的最後12夜值得推薦。

Just ok -- 上海源發飯店

2個人，叫左客小籠飽，一客sin餬客飯同獅子頭客飯。

小籠包咬落乾爭爭，真係一滴汁都冇，包皮算厚，d料則ok。

客飯就sin餬唔算肥美但d肉質夠結實彈牙，獅子頭份量雖然唔多但算好味。其實最值得一提既係佢個菜飯。平時上海菜館菜飯都係有油同菜同飯既，呢度平平無奇既菜飯食落特別香囗，睇真d，原來加左d魷魚粒係入面，有心思!

例湯係味精水，可以倒左佢。

埋單一百四十幾，勉強可以話合理，但肯定唔係超值。總括黎講，一生人試一次都無妨。

地址: 油麻地彌敦道491號地下
電話: 2384-7204

大磡村

從幼稚園開始, 舉家就住在大磡村既木屋度.間屋有兩層,好似一間House咁.不過最特别既係因為歷史問題,間屋係俾一棵大樹所貫穿.所以夏天有大樹好遮蔭而變得清涼,而冬天時它能減少熱能散失而令家變得溫暖. 真真正正做到冬暖夏涼.下雨時大大小小既雨點落在樹葉上既聲音亦更覺詩情畫意,呆時望窗,黃分時睿見一剎斜陽,更tim浪漫……

地鐵真正近在只尺,購物亦異常方便.最正既,都係莫過於一條”食街”.呢條街係往返新蒲崗必經之道.大大小小食肆都有十數間.有車仔麪,早餐既有粥有炒粉麪,有盅頭飯,有兩餸飯,有麪檔,有碗仔翅,有煎釀三寶,有超好味魚肉燒賣亦有充滿懷舊風味既古式上海麪……各式其式應有盡有.而且兼具質素.到現在仍有很多人懷念呢.不過自大磡村清析後不少食肆再沒有到其他地方發展.真在係有一點兒可惜.

我係星期四男人

擁有與生俱來的獨特魅力，喜歡無拘無束的體驗人生
崇尚獨立自主的生活方式，開朗外表下藏著敏感的心

本身情感其實是十分多情，一愛上對方會馬上栽進去
開始的時候甚至無法自拔，在人身上可看見多種面貌
個性是不同的性格並存的

試試..!
http://home.kimo.com.tw/ewormeworm/city/fate/01/daylife.htm

醫療保險的兩難

財政預算案新鮮出爐，身在醫療介既我當然要細閱自己果部份。閱畢後，發覺購買醫療保險已非為更高享受，而係真正為自己條命仔。

其實香港既醫療既定位已經被周一獄徹底地改變，到依家仍然卷戀楊永強時期既病態醫療體制巳經係不切實際。正所謂此一時，彼一時矣。

香港既醫療體制小弟覺得應會向美國醫療體制進發。達至最終全民皆保。呢個制度事實上並非完美。好既係市民所付出同所得到既係比較合理，同時亦可減輕政府既負擔。不過針無兩頭利，既然人人都一定要俾，d人就自然會諗唔好虧俾佢，有乜頭暈身興都即刻去睇醫生，好似食自助餐咁回本先。係美國就大把呢類濫用既人，到E家佢地都仲頭痛緊。

保險概括黎講都係越早買越好。但可惜既係，香港既醫療保險市場並無美國咁完善同全面，結果往往保費俾足但到救命時一句份單唔包，到時就真係欲哭無淚。

依家都係靜觀其變先。若果落實中央醫保，都唔洗再點諗。但若果中央醫保閣置，到時就真係好認真咁諗買醫療保險既問題。

旺角聯發

幾年前已經聽過個大名，最出名就係佢個炭燒邊爐。據我所知全港只得三間，一間係土瓜灣鴻福,跟住就係旺角聯發，笫三間就好似係沙田。

之前都有意無意路過幾次。發覺都幾多POLY學生幫襯。d枱全部開係路邊同卷仔,毫經環境衛生可言。咁都仲幫襯?無計啦，鬼叫佢d野好食咩!

一行六人七點到，好快有抬。呢度最出名既係紅衫魚湯底，魚先煎香辟腥再煲，行貨都要講句真係幾鮮甜。最好開波前每人整番啖先。佢地d料碟碟四十，係個醉雞六十。千其唔好嫌鬼醉雞一定要叫。新鮮既雞同入晒味既醃料，又香又嫩滑，真係正到非筆墨所能形容。

d海鮮超新鮮，皆因佢地曰曰新返永無格夜。本想推薦帶子，大粒又鮮甜，不過呢排都係避避先。d丸係街市貨可食可唔食。另一正野就係肥牛，真正做到有雪花兼食完仲齒頰留香!去親韓國都實食活生生既八爪魚，好此道者呢度都可以滿足到你。八爪魚上碟時仍然係度郁下郁下。不過呢度d八爪魚唔可以生食，如果唔係下場同食流浮山既生蠔一樣。

六個人食左十幾碟，埋單都係六字多d。野飲都係五皮，一個字抵。

不過呢閒野留底俾我最深刻印象並唔係以上仲仲，而係食到半路九點幾，見到d呀姐忽然個個mud都唔做剩係做一樣野啫……齊齊食蕉!

超搞笑。

地址:旺角長旺道15-19號地下
電話:2395 6359

用SK-II產品既女士們請留意

南昌工商局查封SK-II涉案产品

江西一位女性消费者听信知名化妆品品牌SKⅡ关于“连续使用28天细纹及皱纹明显减少47%”的广告宣传，购买了一支SKⅡ紧肤抗皱精华乳，结果使用28天后非但没有出现上述效果，反而导致皮肤搔痒和部分灼痛。

且根据此款产品的日文说明，这款SKⅡ紧肤抗皱精华乳的成分包括氢氧化钠、聚四氟乙烯、安息香酸钠等化学材料，其中氢氧化钠俗称“烧碱”，具有较强的腐蚀性，而聚四氟乙烯俗称“特氟龙”“特富龙”是用于电饭煲不粘锅制造的常见化学材料。

为此，消费者向法院提起诉讼。江西南昌工商行政局有关执法人员已经依法对该南昌太平洋购物广场销售的SK-II紧肤抗皱精华乳产品和宣传手册进行了扣留，并指出：“该产品广告违反了中国的《反不正当竞争法》，涉嫌虚假广告宣传。至于被告提出的SK-II产品质量的问题，需要其他相关部门进行检查。”

彭浩翔新作 -- AV

未睇都已經夠晒吸引

睇睇內容講mud,

成長中最迷惘的時刻..........世傑、阿華、明仔和老鼠..........被電影學院勒令退學.........[借拍戲溝女事件]..........其實也不是不成的...........三十萬..........請一個心愛的AV女星..........發生關係.........不惜一切.........申請青少年自僱計劃貸款..........進行他們「假拍片，打真軍」之瘋狂計劃。

青少年自僱計劃貸款真係估唔到可以有咁既妙用!

導演係新進導演彭浩翔, 前作有公主復仇記,大丈夫,買凶拍人等等,質素無容致疑~

復活節去捧下場先.

我給你最好的疼愛是手放開

認識李聖傑
係因為睇台灣綜藝節目"我猜我猜我猜猜"
佢地每集都會安排d最近出碟既藝人
或出書既作家上節目做嘉賓同做宣傳

歌手就一定最少要清唱番一兩段

最近睇果集有李聖傑
佢清唱左佢首主打"手放開"
把聲靚到非筆墨所能形容!

曲：方文良 | 詞：方文良

"我給你最好的疼愛是手放開
不要一張雙人床中間隔著一片海
感情的污點就留給時間慢慢漂白
把愛收進胸前左邊口袋
最好的疼愛是手放開
不想用言語拉扯所以選擇不責怪
感情就像候車月台 有人走就有人來
我的心是一個車牌 寫著等待"

回想番我地香港果d所謂歌手
恐怕都冇mud邊個新人有資格上呢個節目.

8006 香港國際網絡公司

集團目前經營以中國為基地之流動通訊增值服務供應商－掌中萬維（中國），以旗下域名www.hongkong.com 及www.china.com 分別經營互聯網入門網站及以新加坡為基地的旅遊貿易出版商－亞洲博聞有限公司，以及兩家中國售票系統及軟件公司（統稱中鐵時代）。

香港網(8006)行政總裁陳啟宇表示,加息對公司有利,因為公司持有債券年期不長,故風險不大,而去年底公司持現金淨額及附息證券超過10億元,較去年9月底增加2%,其中7.5億屬有息債券,年期介乎一至三年,其餘屬現金。

2005年3月1日，香港網(8006)公布，截至2004年12月底止全年業績，錄得股東應佔溢利倒退44.71%至5813.30萬元(2003年同期錄得純利1.05億元)，每股盈利1.41仙，不派息。

公司質素唔太好
不過......

10億現金
加息週期
最重要
股價新低

如果唔睇好前景
e,g, 中台,中日危機,禽流,美國雙赤......等等

到時恆指大跌
Cash is King
即係 Hongkong.com is King.

到時佢不費吹灰之力
就可購入大量優質資產.

Blog中未開始收購
升幅已可數以倍計!

0.4-0.45小注買入
如無特大問題不設止虧

長遠既
可博恆指大跌
升幅數以倍計!

短線既
炒波幅
年內升一成無問題
祝各位嬴多d~ ^__^

小事兩則

1. IT抽唔到,唉~

2. 澳洲個Course,返到HK都仲要考牌，及格率高到呢．．．＾＿＾！

香港藥劑業及毒藥管理局公布藥劑師註冊考試成績.本屆分別有二十九名和三十三名,參加香港藥劑法例;藥劑執業及藥理學三科考試,相對的合格率為五成半至六成七.

所有在香港以外地方修讀藥劑學的畢業生, 如欲在本港註冊成為藥劑師 , 除了要符合管理局規定的其他條件外 , 還須考取上述三科成績合格. 管理局於每年舉行兩次考試, 通常在六月及十二月舉行.

Ｉ．Ｔ公開招股獲８７３倍認購以１．９５元定價

服裝零售商I.T(0999)宣布,香港公開招股部分獲約873倍認購,並以招股價上限,即每股1.95元定價,集資約5億9千萬元.

由於香港公開發售部份獲得 873倍認購, 須執行股份回撥機制, 香港公開發售股份數目, 因而增至1億5227萬股.

I.T股份將於3月4日(周五)在主板掛牌 .

希望抽到一兩手,賺餐飯已於願足矣~

ＲＯＪＡＭ（８０７５）勁呀!

最新價: 0.245
交易時間: 3:58PM HKT
升跌: 0.045 (+22.50%)

呢度其實都幾有歐陸情調,隔幾年入黎一次,實是人生一大快事.

入面空氣清新,景色怡人.

果度好多觀鳥屋.入到去唔驚影響到d雀,你亦可細心咁欣賞佢地.

頸對上有執白毛既,叫白頭翁.

今日好好彩,不單無落雨,仲有好多雀tim~

入口.入面有望遠鏡租,又有靚靚紀念品賣.

米埔自然教育中心,到達之前要經過條獨木橋.

潮濕過後~

元朗勝利牛丸 -- 係好食wor!

係元朗住既都唔需要多介紹

聞名已久
今日入米埔玩
出番黎去開餐之前
死都要試下!

成間野就只賣牛丸同牛腩
即刻整碗剩丸同剩腩先
d丸比想像中細粒但極富口感
咬落真係"索索"聲
d腩一個字"抵"!
一碗第度起碼二三十呢度都係15蚊
蚊得又淋又入味
特別係d牛根tim~

元朗住既人
真係有食神~ ^__^

去澳州讀書

係TC讀完個課程，可以係醫院裹找到一份工作。這種程況，薪高糧又準，巳經係最理想的了。可以肯定既係無得升職，如果一直有得續約做落去，爬格仔約十數年後就會到頂薪，之後就逗兩皮到蚊既人工，做又三十六唔做又三十六咁既態度做到退休，咁，就一世嘞。

我唔想。

襯仲後生，想去博下。知道澳州有個課程，讀四年每年約十萬。但學成歸來之後真係不可同日而遇，人工不但三級跳，前境仲一片光明!

但係現實環境又唔容許我咁做，雙親退休，兩個妹又未出身，唔通就咁就犧牲自己黎成全佢地?夠竟會唔會有兩全其美既辨法呢……要決定又要快，不知不覺間,原來自己已茫茫然站在人生交叉點之上。

Rojam Entertainment Holdings Limited（8075.HK）

從事為一間綜合性音樂製作公司，業務包括音樂製作、音樂發行、唱片分銷、藝人經理以及型活動籌辦、商標特許權批授和音樂娛樂入門網站。

集團在上海有個娛樂城,經常在港請人上去表演。

主要股東是小室哲哉, 持股量:42.46%

截至2004年12月底止9個月業績，錄得股東應佔溢利增長1107.31%至8044.30萬元(2003年同期錄得純利666.30萬元)，每股盈利5.2仙，不派息。

期內，營業額４﹒７５億元，經營溢利８８２１萬元。

舊年重組完後營利業績大躍進.

最新價: 0.184
現價接近2毫附近為近年高位~

據不可靠消息透露
近日將會有基金公司做家訪
若成事股價就唔係講緊一兩毫!

不過唔成事仙都可能俾多佢
自己會搵位近~0.15-0.17小注怡情

跟住擺半年放長雙眼睇下點~
祝各位羸多D!

蛋撻王--中環擺花街泰興

讀書時已知係好野
老字號, 肥彭至愛
仲記得果度掛左唔少元首相
其中一個仲係德國前總統"科爾"tim

蛋撻有分用曲奇皮同酥皮
酥皮又分64層同128層
舊式多數賣曲奇皮
泰興都係其中一間

讀書時有日唔知慶祝mud
真係朝早六點踏鐵去中環
再飛鐵返杏花村

8:30上堂
8:25送到
雖然索左d倒汗水
但仍然非常好味~

佢d沙yung都好出名架
有機會不防去試下~

生病了

咋日感冒初起，看完醫生食過藥後差不多睡了一整天。以為訓番十小時八小時就會痊癒,因為以往都是這樣。但到今早乘車上班時，在油塘站突然感到有點不對勁,眼前的東西由彩色成黑白。跟住就像油晝甩色一樣黑色部分越來越少。還開始失去知覺。係將暈低五秒前，我諗係未應該即刻打999。又諗唔通呢世就咁玩完?忽然記得坐低會有幫助，即刻席地而坐睇下點。過左幾分仲真係好番d。跟住就繼續行程，返番office繼續做我既無間工作。

麥當奴的新地筒主要係CREAM+水+雞油

上網時睇到,希望唔係真.

我相信各位必定有品嘗過新地筒了, 但當中的材料又有幾多人知? 不如我話比大家知.

首先,M記果D唔係icecream, 而係叫ice-confection.icecream(雪糕)其實係解 當中其份量 最少有10% 係脂肪, 168/1000既牛奶或牛奶粉(不含脂肪)Ice-confection係 水同其他份量而成, 最少有80/1000既牛奶或牛奶粉(不含脂肪) .

M記賣果D 絕對唔可以叫雪糕,所以佢從來只叫新地筒,當中其份量主要係CREAM+水+雞油,可怕吧~大家不妨下次食果時可以留意下,當食完之後,用條舌頭頂下上顎,會有一層東西的,再用手模下D新地,應該感覺到成手油, 佢比汽水還要肥呵=.="

少食為妙, 希望大家身體健康!!

妹:我要食M&Ms呀？哥：好呀，五毫子俾你鈕一野!wahaha.....哥：喂，喂，你周圍搵係度搵mud呀?妹：你d五毫子呢?(好認真咁搵緊．．．!)哥：．．．．．．．．

上環 -- 美仔記

真係慘。十年都唔去上環一次,今曰難得有机會,就緊係即刻飛去九記整碗清湯腩伊啦‧點知行到遠處見到冇人都知mud事。即刻180度u turn轉落生記食番碗生滾粥補數啦。點知大大張紙貼住初六啟市,真係唔話香港經濟好都唔得,個個都唔洗做既!咁冇計啦。難得黎到點都要試d新野，生記轉過彎，就俾我見到呢間坐到爆晒棚既美仔記。

自己好鍾意食墨魚丸，經過銅纙彎文輝同新浦崗合利，都一定入去整番碗墨魚丸麪歎番下。

入到美仔記，典型粉麪鋪格局，都係d丸呀，牛腩牛雜咁。不過有張手晝既手打墨魚丸海報引起我既注意。唔洗講即刻整番碗墨魚丸麪先啦。碗野黎到,d墨魚丸size並唔係兵bump波咁既size, 即刻feel到應該係好野,大喜,佢既size就好似麥文記d雲吞咁樣. 一咬落去,真係唔得了,彈牙夾爽口,成粒丸都充斥住煙un既墨魚粒.真係好正好正,食完好耐好仍然齒頰留香…..真係好正!

其他未試過,三年又三年之後,一定再試下。^__^


地址: 上環蘇杭街142號鋪對面。

花街朱古力.細細個成日食,覺得好"nau"又唔算好味,但係又成日食~同睇無線劇一樣,一路閙但係又一路睇!真係犯賤~

年宵隨想

今次年宵，我最希望找回遺失已久與客人互動既技巧。可能打政府工打得耐左好多方面自已陰d陰d退步左自己都唔知，希望今次可以增進番d。

經過呢幾日既買賣,自己對顧客既口味,想法同有效既銷售方法有親身既體會同埋有更深層次既暸解,自己既轉數都俾以前快左, 真係可喜可賀.

仲有今次真係要thanx god, 之前祈禱希望唔好落雨,結果度度年三十晚都有落雨就係元朗冇落, 多謝袮~ ^__^

曾蔭權任滿告老歸田

【東方日報專訊】被視為第三屆特首的熱門人選的曾蔭權(相關新聞 - 網站)，傳媒昨日到其官邸拜年時，被問到○七年後的計畫，他笑稱屆時要告老歸田.

告老歸田?
我信.............你就奇

以退為進
呢d未就係政治智慧lor~

年宵之年廿八年廿九

做左一日生意係場內有乜同類鋪頭大家都心中有數。我地最留意當然係佢地賣乜貨啦，冇相同就最好，有相同就要鬥價。最搞笑係上兩星期返大陸入貨時我地所幫襯其中一間鋪頭有個箱係送去元朗既，果然不同所料真係同行。好彩佢地只入左少量貨款，我地所賣既款式俾佢地多好多。

呢兩日生意俾尋日再好d，但係侷係帆布幕內其實都幾辛苦。早，午市生意如常地一般，但一到飯後時間就黎料，忙得不亦樂乎。

恭喜大家發財！

祝大家身體健康, 心想事成
過番個充實既05年~

赌波既波運亨通
赌馬既馬運興隆
買股票既財息兼收!

年初一 4:00am 完滿結束.搞年宵我最enjoy都係呢個moment. 因為呢個時候咁多位年宵檔都會返番去遠古既以物易物時代.大家雖無明言,但係唔知點解搞得年宵既都有仲咁既默契係度.我呢d暖包e家就真係大派用場.^__^!自己換左兩條魚, 一盤花(無紅火蟻既), 小食數十包, cutie雞風車兩個, 棉花糖一支.........等等等等!真係好開心. 呢幾日要返工又做年宵,每日訓得幾個字,真係唔係講笑!不過辛苦得黎都係值得既!

年三十 12:00pm, 大獲, 反應好到出乎意料之外.所有賣得既貨(除左d暖包外, ai~)真係mud都賣清,包括之前唔係咁賣既超級忍者劍.你可以見到張抬係用黎擺自己d野飲!每當有人問我地有冇mud賣既時候,我地都會仰天長歎......

年三十,8:00pm-12:00pm,決戰時刻.人潮飯後魚貫進場,生意多到做唔晒.真係吹都吹唔切!

年三十, 6:00pm 人潮開始聚集, 我地d貨主打年青人市場,估唔到bb到對我地d玩具咁有興趣lei~>

《喜馬拉亞星》唔好睇!

新年流流諗住睇套笑片開心下.睇左十幾分仲開始唔對路.笑位唔好笑都算(都唔知劉青雲都唔知想扮訐冠文定Mr Bean?!),睇完都唔知佢想講mud野,似係講緊d禪呀佛理呀咁.d野搞到一忽忽一時又天馬行空都唔知佢想點!!

大佬,新年係人都想開開心心架啦.睇戲特別係新年時份緊係希望唔用腦開開心心輕鬆一下,你仲嫌我地平日d野唔夠煩睇戲都要用埋個腦去參透固中玄機?韋家輝真係走火入魔!你係要上都唔應該係呢個時候上啦, 玩咩!

錢冇左可以搵返,時間冇左就唔可以.各位睇呢套戲之前敬請三思!

逆思考實驗

一年前我決定做個關於逆思考既實驗。由於每期六合彩既号碼都係random咁抽出黎，所以我就相對咁買死一組number(10, 12, 19, 20 ,37, 46)，直至中左2獎以上為止先轉買新一組冧把。

自止之後每期六合彩我都會買。

今期真係中左......................六獎咁大把~
$160 就同屋企人食餐好d既慶祝下先~ ^__^

年宵篇之年廿七

尋日搭好檔，今曰正式做生意。

朝早主要執貨同佈置，之後先正式開始。雖然今日巳經年廿七，但環顧四周仍有幾檔乾貨檔未開，估計應該係有經驗之人。因為第一次玩年宵既人都會以為做生意日數越多生意就越好。嚴格黎講係冇錯但當你做過第一次就知。年廿九會做約三成生意而年三十則做超過六成生意!即係話超過九成既生意係最後兩日做番黎，所以有d檔年廿九先開一d都唔出奇。不過因為今年年廿七廿八係星期六日，所以早兩曰開始試反應都冇壞。

今日生意做左幾千蚊，第一日有咁既成績出乎意料之外。特別係晚飯後八至十呢個黃金時段，d生意多到做唔切。直情d人攞左上手俾左錢未都分唔到。年廿七巳經係咁，年廿九三十真係唔敢想像。

經過今日試業後巳經大概知道有乜賣得有乜唔賣得，我地既主力"超級忍者劍"竟然...........。真係大獲!

^__^!

our booth -- very colourful lei~ ^__^ 

what we sell in the booth -- warming kit 

what we sell in the booth -- stationary 

農曆年宵市場

今年係元朗玩~

元朗東頭工業區遊樂場27號鋪

主打吹氣玩具, 少量精品同暖手包.

希望天公做美

"我們在天上的父,願以你的名為姓...............

千祈 唔好 落雨 阿門" ^__^