曼谷 安帕瓦水上市場 商業景點 井然有序

去完 美功鐵道市場
買杯泰式奶茶 = 香港奶茶茶走 茶葉關係色較淺
坐10分鐘雙軌車
就到 安帕瓦水上市場

 

商業景點 井然有序
小食 手信 餐廳
艇家 賣海觧 泰式粉麵
遊客價 
市場頭尾有橋互通 方便
幾好行 
稍嫌太商業化

曼谷 唐人街 Si Morakot 叉燒飯 燒肉飯 泰式甜香腸

唐人街閒逛 
見到燒肉叉燒靚成咁
無可能唔幫襯

身體語言溝通
燒肉同叉燒飯味道一流
見當地人加香菇豉油 
又試下
香到爆炸 更開胃

泰式甜香腸
好甜 除肥豬肉
睇唔出其他成份是什麼
幾特別 
試一次就夠

3樣100B 抵到爛!

蘇施黃推介的芒果糯米飯 貴左小小 但好好食

泰國 Mae Varee 11/2013 買
芒果糯米3色飯 120B

飯香甜軟糯 加椰汁後 更香更甜
芒果非常新鮮 好食!

如想試更實惠的芒果糯米飯
建議光顧 terminal 21 的food court

35B 單色 芒果少一半
味道一樣咁好
走時買了幾個返香港
12個鐘後 一樣咁好食!

真係泰離譜 Sumi Grand ~HKD$100食和牛自助餐

sumi grand 近 BTS asok 

記得 exactly 
11:30am or 5:00pm 去
唔係好易冇位

唔打的 沿 soi 16
行約15mins 

出面食9隻蝦都收你$300B
曼谷之旅完美 ending~

宫崎骏《崖上的Ponyo》<-> 周星馳《逃學威龍4》

崖上的Ponyo 好睇, 真係好好睇. 冇複雜既情節, 冇令人驚嘆既電腦動畫, 有既, 只有簡單既情節, 原始既水彩畫, 最重要係真摰而動人既感情, 全部都可以在 崖上的Ponyo 內體現得到.

其實周星馳同宫崎骏好相似, 大家都係電影界某系列既頂尖人物 -->周星馳 (搞笑《逃學威龍》) 宫崎骏 (感人動畫《龍貓》), 大家發展到中段已經走火入魔, 離自己成功既原點越離越遠, 但票房依然成功, 周星馳(溫情??《長江7號》) 宫崎骏 (電腦動畫《霍爾的移動城堡》) .... 再繼續能否仍然成功就認真難講. 不過神奇的是, 宫崎骏似有所感悟, 返璞歸真拍番感人動畫《崖上的Ponyo》, 周星馳夠竟會繼續沉淪, 或是大徹大悟突然同達哥開拍《逃學威龍4》呢? 小弟真係晰目以待.

剛剛睇完”魔間迷宮”

唔好誤會呢套並唔係科幻片或者兒童童話,睇完先知呢套係真正反影現實既”恐佈片”.

此片拍法奇特,女主角為左精神上逃避殘酷既現實,因而虛搆並寄情於一個愛麗斯夢遊仙境式既國度.一直不停穿梭於兩者之間.結局最後一幕,相信有唔少喜歡逃避現實,為人消極被動(包括筆者在內)既觀者來一記當頭棒喝!

世界並唔會因為你而去改變,
只有你去變黎迎合呢個世界.

唔變得唔得?得,不過…
下場應該同女主角一樣.

呢套有深度,完場之後仍會令你不停反思再反思…

鯉景灣 吹水館 抵食 好食!

係柴灣做左四年野.食飯既時間都係一粒仲.但係唔知點解搵食既範圍可以越食越遠…由柴灣醫院Canteen --> 杏花村杏花新城--> 筲箕灣柬大街--> 西灣河太安摟 --> 到依人人稱之為蘇豪東既鯉景灣!

呢間野之前食過一次,上次已經留下非常既印象.今曰同同事再試完之後,呢排懶到出汁唔寫野既我都發覺點都要寫番幾隻字介紹下…

我地一行十人,2架的士12點半到.午餐分2個價錢$42同$56,分量一樣,只係種類唔同.我地叫左…

1) 黃薑飯配羊肉串($42)-- 兩大串羊肉串燒至9成熟,串燒汁香口微棘,羊肉入味之餘帶有少許Show味(個人認為要食唔Show既羊不如唔好食羊) 黃薑飯就只係一般.

2) 蟹肉炒飯($42) -- 呢個最唔抵.個炒飯雖然好味,但真係冇乜送〈蟹肉真係唔覺眼)慼覺唔係好抵.

3) 南瓜汁豬扒配薯棻($42) -- 碟野一黎到,個個都忍唔住”嘩”左一聲!賣相一流不特止,塊豬扒仲成寸厚!平時食閞果d豬扒都係得1CM厚,仲要擔心佢會唔會又UN又乾身.點知真係喜出望外!!色,香,味俱全!豬扒厚成咁都唔UN兼有肉汁,實屬難得.仲要只係收42蚊tim!!

4) 香草牛油西冷扒($56) -- 呢樣貴少少.一橠物有所值.香草牛油整既野好難唔好食.牛扒有半寸厚,落單時待應會問幾成熟.賣相又係一流.我冇試過所以唔知好唔好味,但見同事食完之後隻碟識反光!

筲箕灣 吹水館 值得推介!

地址: 西灣河鯉景灣觀峰閣地下GA8-9號舖
電話: 2967-1666

奧斯卡猛片小評 -- 最後的蘇格蘭王

呢套都係一級好戲.個男主角仲羅埋影帝!演出無械可擊.直頭阿敏"70年代鳥干達總統"上身!

有唔少人以為呢套戲政冶味好重.大家可以放心.劇情絕無悶場,劇情越睇越緊張,主角越後越大獲!

不過小弟最想講既係,個黑人男主角既性格,令小弟諗起肥佬黎,因為小弟有段時間都係壹仔做過...

奧斯卡猛片小評 -- 當幸福來臨的時侯

劇情一句講哂.小人物捱過人生低谷最後吐氣揚眉.無線劇成曰有啦?無錯!但呢套實在拍得感人至深...

好似Stone兄話齊,主角真係做得夠盡!夠狠!夠絕!所以最後可以修成正果.但固中過程不足為外人道之處...有誰會知?有誰會理?有誰共嗚?

其中有2幕印象極深.第一幕主角身無分文反鎖在公廁同個仔過夜.第二幕就係主角最後羅到Offer那一剎那...詳情唔多講,等大家可以在上影時慢慢欣賞.

雖然羅唔到奧斯卡.但仍是一套一級好戲.小弟訓身推薦!!!

零七年宵小總結

今年年宵真係好似"力古力古新年財"入面既無左運氣既劉華咁.打呢鋪牌唔係諗住蠃幾多,而係諗點樣輸最少.

本來今年形勢大好.聖誕市道咁興旺,新年無理由會差?仲諗住個鋪租貴左,d貨起價添.點知完全唔係果回事!!第一日開檔環視四周之後,已經有幾滴汗從額角冒了出來.....

往年同類鋪只有三間.自已最引以為傲係款式最多最齊!一直以來都未逄敵手.可能舊年吹氣石油氣大賣,所以今年賣普通吹氣只係觀塘已有十檔.最大獲都係果檔賣"珍寶珠"既獨家擋!!知悉各樣時,已知今年係虧多虧少而已...

好彩埋單都算虧得唔多,叫做執番身彩.總結今年,四個字講晒就係"物極必反"

要數最開心同榮幸,都算係史無前例搵到兩位靚靚師妹幫手...其中一個特別落力!真係要好好請佢食番餐至得. :)

我要搞好呢次年宵

今朝番工坐地鐵.經過觀塘時嚇然發現自已個檔吹Lam左.d貨同d生財工具完全暴露在光天白日之下!!大驚之下立刻放下午半日假去收拾殘局.

到達時見個帳逢吹到老遠....立刻拾回再撘過.再點貨睇下有冇損失.可幸d人好有品,只係唔見左幾個當桌子用既紙皮箱.d貨同d生財工具完整無缺,真係十分之咁好彩.

拍檔老友阿健認真唔話得.之前約左星期五先會合,但佢朝早一知件事立刻放假過黎幫手.真係無搵錯人.謝謝你,阿健!!

現場所見差唔多所有鋪都巳經開哂.當中一如以往有好多學生哥參予.今年競爭都幾大,舊年只有約三擋賣吹氣玩具,今年有超過十檔!!真係juses Christ! 冇咩望希望今年可以執番少少啦~

PS: 今日見到d幼稚園老師同學生一齊行年宵, d幼稚園學生真係cutie到暈~

熱帶魚

呢2年自己留意多左熱帶魚.佢地細細條又色彩艷麗.,個充滿柔和燈光既水中游走剎是吸引.有時係水族館定眼觀看時有混然忘我之感…能將自已於凡塵俗務中暫時抽身.精神上稍稍放鬆一下….真係幾正~

柴灣.耀東號.秘制豬扒飯

曰曰係醫院Canteen食飯,d食物水準認真不敢恭維.曰日食目的除左吊住條命外別無他求.有時真係頂唔順,就拉大隊出去食飯.

柴灣康趣台附近有個商場仔.耀東號係商場仔外面.未去到間鋪已聞到陣陣香味,坐低當然急不及待整番碟最出名既豉油豬扒飯啦...

碟飯一黎打左個突!!碟飯成三十蚊!竟然連菜都冇條?眼見只係飯,豉油同已切或剪成五六絛既豬扒.心諗唔好食你就死.心懷怨憤地咬下一囗豬扒,真係外脆內軟,完全唔乾身.入味不特止,仲完全保留到d肉汁,好味到不得了...!難怪會被飲食男女封為"豬扒之王"!雖然賣相不佳,但味道塔救."豬扒之王"之名都算名實相乎.之後再黎多個沙爹牛利飯一樣咁正,值得一試!

祡灣雖然唔係旺區,但都有唔少隱世既出色食肆.有機會既話再為大家一一介紹.

世紀大戰 曼聯vS阿仙奴

好耐都冇睇過一場咁好睇既球賽,兩隊完全無留力,真係捱眼訓都值得!!

自己買左平手曼聯蠃.入左一球之後,以為唔蠃都唔洗輸啦.點之阿仙奴臨完場竟然可以入一粒,補時最後30秒由亨利再頂入一球.冇睇直播見到咁既賽果,你話唔係打假波真係穩鬼信!!亨利呢期真係Fit到無倫!

阿仙奴真係要寫個"服"字俾你，輸錢都抵呀真係!

地球-你未曾見過的一面(太空夜晚的地球七大洲)

http://88sasa.googlepages.com/earth.htm

神廚館 特式小店藏驚喜

小弟特別仲意舊區，好似深水步，觀塘同大角咀．舊區往往係藏龍臥虎之地．試想一間食肆幾十年都不被淘汏必有其過人之處． 大角咀有幾偏僻大家都知，但係小弟比呢2年都去左十幾次！因為此處實有太多出色食肆，以下呢間都算係其中一間表表姐．

神廚館報紙雜誌網站都有介紹過，最出名有以下２樣：

日式海笞墨魚餅飯　─　五寸長墨魚餅，真彈牙有口感．咬落啖啖肉，d料夠晒足．墨香夠儂“旭”，唔會有粉既慼覺，鎮店之寶當之無愧，必試！！

蒜香美極牛扒飯　─　飯未上已能聞其香，牛扒入味非常．秘制蒜香汁將平凡牛扒飯帶到一個不平凡既境介！

小店服務通常比較好，亦較有感情．呢間都唔例外．老闆, 老闊娘同廚師都好nice, 周不時都問下食物既意見．熟客仲有機會試新菜tim~ 仲有一樣不得不提既係, 通常薄有名氣既店舖都會乘機加價, 果日同friend 食3碟飯再加個小食都唔洗100蚊, 咁既質素咁既價錢, 完全打破晒平野無好既定律!!

地址: 大角咀海景街44號富貴大廈西座地
電話:　2395-6368

07年宵 個檔租金貴左超過三成!

話咁快咁又一年.一如以往今年又投左個攤位黎玩.今年一樣係觀塘,皆因人流有保証又近屋企.原來摩士公園都一樣有年宵檔.今年會抽小小時間望望,如果同觀塘有得比下年就轉場.

今年巿道一片好境.個檔租金貴左超過三成!!咁都肯租?原因得一個就係市道轉好.經過聖誕呢點相信無庸致疑!

今年賣既都一如往年,以精品/玩具為主.今年投左個靚位雙邊鋪.希望今年可以順順利利.有地利,有人和,最重要都係天時!真係求紳拜佛年三十晚千其唔好落雨!!年廿六七八九都得...因為年三十做超過七成生意!果日若出事,唔好話賺錢,一定係虧多虧少而已~望就望發番個新年財.賺番d賭本係新年同d friend 死過,哈哈哈哈哈哈......

隨您鍾意 平均而言都算ok

下午同同事出街食飯,坐的去到筲箕灣隨您鍾意食日本野.自己之前都叫過幾次外賣,印象唔錯(其實肯送外賣真係無幾多間).今次坐的去筲箕灣店二樓堂食,但上二摟之前個侍應指住幅牆!!唔通要穿過幅牆??大家都嚇左一跳.原來上樓梯前經過果道門係同牆一樣色,因此平時經過係唔會為意既.真係幾特別!

叫左兩個壽司午餐共二十件壽司七十元味道一般,但勝在款多.另外叫左鴨胸拉面二十八元味道一般.餃子二十元曰本運黎現成貨味道唔錯.墨魚餅就真係差!無質感,無咬口又唔彈牙,真係.....估佢唔到.

平均而言都算ok, 不過講平靚正就真係稱唔上.都會再幫親架啦.....當大家想再外賣食日本野既時候.

真係好彩, 手上只賣剩1/4貨.

CHANGMAOBIOCHEM (HKSE:8208.HK) 報價資料由 Reuters 提供

最新價: 1.84
交易時間: 3:58下午 HKT
升跌: 0.44 (19.30%)

我有一個希望 五蚊一個希望

嘩!今期六合彩頭獎有成四千八百幾萬.中左頭獎肯定同四川個十七級烈風一樣咁震撼!!今晚一放工即刻買番兩注電腦飛,再加上之前既膽飛碰下運氣.係馬會企我前面果個,唔係講笑真係買成五千!成疊飛欏走,人人都望住,妒忌有之,羡慕有之,憎恨亦有之...佢亦急腳走人.六合彩對於我黎講,買得多係無意義.中唔中始終都係成事在天!係你既點都會係你,同路有整番注既巴打......祝你好運!

CHANGMAOBIOCHEM (HKSE:8208.HK) 報價資料由 Reuters 提供

最新價: 2.09
交易時間: 4:00下午 HKT
升跌: 0.19 (+10.00%)

yes....!!

可以考慮 <$２．20 買入432 盈科大衍地產發展有限公司

電盈（０００８）在「售產轉股」風波稍為平息，系內公司卻初現高層變動。電盈旗下盈大地產（０４３２）昨天（１９日）宣布，主席李澤楷(新聞 - 網站 - 圖片)獲委任為薪酬檢討委員會委員，

非執董盛智文亦已調任獨立非執董，並出任提名委員會委員及主席。

今次是繼盈大前副主席袁天凡上月初請辭後，另一輪管理層調動。李澤楷在表示將辭任電盈主席後，一直未有交代會否辭掉盈大主席一職，如今出乎意料外「加強參與」，其在盈大所擔任的角色更受關注，早前市傳他仍有意沾手物業發展。《信報》

盈科大衍地產發展有限公司 (HKSE:0432.HK) 報價資料由 Reuters 提供

最新價: 2.175
交易時間: 7月 21
升跌: 0.025 (1.16%)

可以考慮 <２．20 買入
10%止虧, not for短炒.
Good Luck, bros.

牛市三期唔值博 丕極泰來先黎索

近月港股波幅擴大,曰曰升跌幾百點視作等閒.再回想對上數年港股長期窄幅上落,現在終於打破悶局迎接大時代既來臨.

窩輪炒家就最開心,事闋大上大落佢地先有大茶飯食.但對於我呢個小股民黎講,過左零三至零六年既牛一同牛二,現在既牛三或熊—係我離場既時侯,因為值慱率實在太低!

小弟相信大上大落陸續有來,置身其中賺番筆尤如火中取栗.自問技不如人不如待機而動.現只持有536及82O8,剩如資金則做定期.

下次訓身買股應係股災之後,現在可做既就簡單一個"等"字.好似好消極但其實資金不變,點都好過有虧.唔知大家又點睇呢??

Bonbon2468 HKJC 大小基金 (本金$1000) 推 6 中 6 (+38.7%) 24.07.2006 updated

每次用 1/10 錢投注, 3 個月後 review 成效.

16.7.2006 哈化柏林 對 FC莫斯科 小 1.75 投注額 $100 結餘 $900 賺/虧(+7.50%)
17.7.2006 白蘭恩 對 維京 小 1.75 投注額 $100 原結餘 $975 現結餘 1150 賺/虧(+15%)
18.7.2006 加爾斯 對 加費萊 小 1.62 投注額 $100 原結餘 $1050 現結餘 1212 賺/虧(+21.2%)
20.7.2006 赫根 對 佐加頓斯 小 1.60 投注額 $100 原結餘 $1112 現結餘 1272 賺/虧(+27.2%)
21.7.2006 FC東京 對 鹿島鹿角 大 1.65 投注額 $100 原結餘 $1172 現結餘 $1337 賺/虧 (+33.7%)
23.7.2006 京都不死鳥 對 清水心跳 大 1.50 投注額 $100 原結餘 $1237 現結餘 $1387 賺/虧 (+38.7%)
24.7.2006 奧斯達 對 加爾斯 小 1.57 投注額 $100 原結餘 $1287 現結餘 ?? 賺/虧 (??%)

Outback Steak House

Contract 就快完, 當然又到清假既時侯. 放下午係最so既, 時間見駛又夠free. 今日就同個friend食飯, 開心得黎又唔洗錢 (開公數) , 真係正爆!!

都幾耐無鋸扒, 所以去左 Outback Steak House 食lunch, 叫左個 14 onz 既 Striploin. 配有薯條同凱撒 Salad. 因為係 Pan Seared 既關係, 個扒真係皮脆肉嫩, 好 juicy, 好有肉味. 真係估唔到澳州扒可以做到咁既水準!

兩條友埋單 $300 唔算貴, 最正都係同個 friend "Hea" 左一個下午. 識左近十年, 今次都係第一次. Thank you, man~

玖龍紙業爭崩頭 期過高現隱憂

望穿秋水終於揭盅,用左過十萬申請最後配到二千股咁大把,真係小得可憐...

喑盤價四個半,較招股價高三成有多.升唔升到咁高或甚至更高聽日先知,但係唔少人對佢有極大期望.最希望佢係精稀番版,唔得都望佢係領匯番版先收貨.我都係咁稔,不過...

正所謂希望越大失望越大,黎過反高潮就真係大獲!!小弟投資永遠係抱住"審慎樂觀"既態度.唔會過份悲觀,亦唔會盲目樂觀...

一如以往都係第一曰即放. Good Luck~

政府應盡早拓闊稅基,開徵銷售稅.

財政佈告一出,個個都以為唐唐會派錢.點知係聊勝於無既糖,第二日即刻俾人小到飛起!!

一直都有人話香港稅基狹窄,利得同薪捧稅外,就只靠賣地收益.香港政府支出特別係醫療方面一直失衡.麥列菲菲九二年巳經一語道破兼提出改革建議.結果得罪全世界俾人剷到反艇.之前無出事,係因為有龐大賣地收益頂住,八萬五一出,問題即刻現形,足證:

1) 穩定稅收不足
2) 醫療支出失衡

銷售稅係一仲穩定稅收.小弟係小市民當然唔希望加稅啦.不過若果犧牲小小就可以令政府財政健康d,我絕對唔介意.小弟相信開徵銷售稅會對低下階層影響最大,亦都會引黎大反彈.所以開 始之前必須有萬全良策,如果唔係俾立法會否決事小,連唔到任又或者冇得更上一層樓...事大麻!! ^__^

我應該沽? 我唔應該沽? 我應該......??

恆指今曰又上又落,幾乎想直上萬六.中資銀行股略見回吐,開始轉玩匯豐. Call 零 5號仔,唔該同我升爆佢!

一直想沽但唔敢.原因好簡單.假設升到萬六,你沽.點知俾班癲佬夾上萬七,唔洗問都知你會一鋪清袋.但係佢就偏偏係一萬七千零一點為終極大股災揭開序幕.(若今次股災成事香港未來十年應可參考日本對上果十年)你睇arm邊,但時間唔arm,都係死路一條!

你有冇見過吹唔爆既氣球?小弟孤陋寡聞真係未見過.依家個個都見到個氣球吹到大大個.爆就一定,係唔知幾時.普通氣球一早爆左.幣在格林屍潘同恆指公司(加大大隻國企入恆指)齊齊吹緊既,並唔係普通氣球,而係避孕套!!爆起上黎有幾可觀可想而知...(唔信可以吹個試下! )

今次大跌,保守估計都會過五千點.而且好可能急且勁(好似292咁)人踏人,因為大家都知手上股票特別係中資同國企質素有幾好 跌得夠快等你走唔切.死得最慘將會係心存僥倖博反彈果班人(唔一定係師奶架 ).

小弟自己有個低B既應對策略,就係所有股票跌過10%就即走,跟住就"奪命狂put"同佢死過...嘩哈哈哈哈哈哈哈哈哈哈哈哈

永豐海鮮火堝 超值抵食!

舊鋪係旺角長旺道,出名番茄紅衫魚湯底同超平海鮮配料.舊舖執左之後,新鋪係大角咀巿政大廈附近,要搵唔係易.

六個人叫左鮮帶子,鮮八爪魚,醉雞,肥牛,魚雲,金菇,雞雜,什丸,腐竹,同汽水六罐.

d野保持水準超新鮮,埋單四六零,位位八十有找,個個食到飽,值得推介!

不過八點後去又冇留位,無論星期一至星期日,都一定冇位.留意!留意!

車品品小食 將於三月結業!

今日從老闆娘口中得知此壞消息.
要試就快~

http://www.openrice.com/big5/sr2.htm?shopid=11948

匯豐將於未來一個月開展中長期升浪.

匯豐已於$128作了長期整固
三月頭將出業績報告

中銀交銀建行升爆廠
下一水我估熱銀會流向港銀

大升前值總是平靜
585升之前又有冇hints?

5號仔係時侯了
正股同Warrent都已入

唔該同我升爆佢
唔見$138都唔會收手!!

Good Luck~

《新股上巿》玖龍紙業上市籌卅億元.

本金十萬借九十萬孖展,
領匯之後又一優質新股.

個天派錢 你都要伸隻手去羅先得
李兆基 郭鶴年 鄭裕彤 都伸左啦

你呢??

大嬣樂 日本股市大大獲

曄!真係唔係講笑,日本今曰跌到停巿,近年未曾見.夠竟會係獲利回吐盤導致,再跌多少少再創新高?!或是曰本開始加息,基金再冇平錢借,即刻散貨走人呢??今曰有唔小人入巿執平貨.我就保守d,散埋果20%股票,楂住10O%CASH過年透透先.下年再同你死過!! ^__^

一石激起千重浪 卷起千堆雪

今日上午港股牛皮靠穩,曰本亦如是.點知下午係你同我食緊飯既時候,日經狂跌四百點.據報係有一間曰本科技公司遭拋售,結果今曰恆指收巿跌二百點.不過跌既主要都係大籃籌如和黃匯豐,其他二三線如零售股仍然雞犬皆升...

呢個夠竟係偶然事件,定係會演變成金融風暴既序幕呢?大家可以昕目以待~

PS: 小弟現只持二十巴仙股票.

皇仁生打劫 有冇搞X錯

2條中五皇仁仔走去打劫中醫,走果時仲要跌左個銀包係果度,死死氣走番去求情.佢地不但止希望個中醫原諒,仲想欏番個銀包添!!

係正常人...都會先慢慢玩殘你,之後再報警啦~

佢地聰明成咁,不但皇仁既面俾佢刁清!連做賊既都一樣覺得冇面!

勝利小廚之海南雞飯

又係關年宵事,仲有兩個禮拜就開波.依家最為個檔囗而煩惱,因為今年想買個可再用既帳蓬.三米乘三米就易搵,但係三米乘一點五米呢就完全另一回事!知道旺角近亞皆老街有一間,專程去找結果都係失望.而離開時都成八點,唔洗講野食餐好既先~

呢間野都算聞名已久,但係都未幫襯過.位置遍遠此其一,最重要都係口卑麻麻.唔少人話佢最出名既海南雞飯言過其實,不過欣賞呢碟飯既人又一d都唔少架喎.既然意見唔係一面倒地好,咁就hold住先等有機會先去幫襯...

今曰…機會終於來了.從旺角亞皆老街走到勝利道不消三分仲.住係勝利道非富則貴,靚女,名車仲特別多添.不知不覺已走到勝利小廚門前…

一望入去立刻為之一"嶽",赫然見到一個粉面擋常用的牛雜盤.不過褢面放著的不是牛雜,而是海南雞塊.廚師不斷在開放式廚房內為切好既去骨雞塊淋上上湯,使其更為入味!

眼見咁正即刻整番碟,再加多杯香滑凍奶茶.平時我地食開既海南雞飯係送同雞油飯分開上,呢度就別樹一格一齊上!!d雞整齊鋪在飯上色澤油亮吸引,咬落肉質鮮夾嫩,一食就知係新鮮雞.肉汁既香氣在口內歷久不散,香味四溢既雞油飯再為此餐錦上添花.再加上一杯香滑奶茶係果刻即刻頓晤到人生最幸福莫過於此~

埋單近五十,講真唔算平.不過問我值唔值,我一定答超值!!食完飯出番黎又要為帳蓬煩惱過,唉……^

地址:何文田勝利道4號地下
電話:2595-9018

廣州年宵入貨之旅 2006

舊年年宵三個禮拜前返廣州入貨,結果就早左.只係買左好少貨,之後跟住兩個禮拜仲要上去補貨.返一次廣州來回六粒仲,真係幾辛苦架~

今年仲諗住醒d,遲少少早兩個禮拜入貨.原本打算一次搞惦,真係人算不如天算,d貨今年早左出!結果上到去已經有部份正野冇貨,真係玩死!

每年睇到d貨印乜野公仔,就知今年細路仔最鍾意乜野公仔.今年"軍曹"肯定係不二之選,"火影"則緊隨其後.今年有隻過癮野不得不提,就係一套兩件既牛角帽同劍,間廠本來同狄士尼生產,做完之後就用個模自已生產〈當然唔會跟足啦)所以呢件野不但有質素,仲好鬼死正添!唔買都真係要黎睇下~

深玔廣州冇去一年都起左d變化,就係d野越黎越靚.特別係個火車站!真係仲靚過香港既添,唔信番去睇下就知我所言非虛.

不過呢雨日行珵留俾我最深刻印象,除左睇住條仆街曼魚點樣俾曼城揉"論"之外!!!就係睇左個高質素城巿論擅式既電視節目,名稱叫"一虎一席談"(鳳凰).以討論有爭議性既時事問題為中心.再請出正反雙方既專家漸進式加以辨論.坐在講者後的觀眾們可即時舉贊成或反對紙牌,以對講者言論作出即時反應.主持胡一虎既風格令我想起香港既毛孟靜,拿揉各方重點之準繩及其反應之快,真係令我眼介大開,值得推薦俾各位.

靈寶黃金 (3330) 2006年1月12日

現價 4.825
升/跌 +4.825
升跌百分率 0.000
最高 5.000
最低 4.600

嘩!真係升到爆廠wor,咁又點?
抽成百萬先得果2手, 真係...

年尾前清倉清倉清倉......一股都不留!

連續幾日既大升市,相信有唔少人可以過肥年.錢又有邊個嫌多,不過睇唔到有乜野實質支持呢次大升市.個市隨時連續幾日補番上升裂口,咁就本來賺到既全部俾番佢,空歖喜一埸.當然亦有可能升到痴哂線,不過我就唔願博.

新年將至,係度祝咁多位來年齊齊賺多d. ^__^

靈寶黃金(３３３０)唔該同我升爆佢~

本周四上市的靈寶黃金公開發售部份獲超額認購約731倍，在回撥機制之下，公開認購部分增至五成。

靈寶黃金共發售2.585億股H股，發行價3.33港元。

失敗經驗分享 -- 2633南太電子查找不足討論區

2633係一間好質素既公司 with no doubt.
股價升跌係另一個層面既問題.

The reason is so simple, but also state the fact.

賺完可以再賺 , 870話咁快就升左2成!

恆豐金業 [0870]
按盤價 1.090
升跌 +0.100/ (+10.10%)
最高 1.100
最低 1.010
前收市價 0.990

應該仲有得去...432, 627, 870 呢d玩波幅都唔錯架.

BONBON2468之終身學習

日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透...

若果明天大跌 1000 點, 大家有冇諗過會點?

唔係話明天就會大跌
不過係大跌之前, 永遠都唔會有預告的.

Risk management 對於投資係非常重要.
小弟自己有個低B既應對策略
就係所有股票跌過10%就即走
最重要既係, 三個月內絕不入市!!

對上果次金融風暴, 係陰d陰d跌的.
好多人係溫水煮蛙而不自知......

若果睇完呢篇垃圾都中招既,
咁就真係無辨法啦~

喂喂喂,年宵又黎啦喂~

觀塘, 97號鋪. 請多多豬持... ^__^

已於$1.55買入50k 2633南太電子

若私有化成功 -- 每股即賺 $0.25
若私有化不成功 -- 我不相信他們會大手拋售,因為呢個係雙輸局面.反而之後會同基佬打好關係.2633令我想起874.一樣係有質素,股價長期低沉,一樣係少同基佬接觸.未同基佬打好關係之前,874股價長期~$0.8浮沉.同基佬打好關係之後,股價冇耐就爆上>$2.我相信股價除左係公司價值既反映外,其實>80%都係人為.

止虧 $1.45 Good Luck~

沽恆指買沽輪今次可謂損失慘重

今個星期初股市牛皮至星期四五由外圍帶動下抽升.之前看淡股市之人十居八九,若果言行一致沽恆指買沽輪如未能及時止虧今次可謂損失慘重!!

睇準大市方向固然重要,最重要都係入市既時間.早一分仲同遲一分仲入巿,結局已經係唔同.呢d咁既情況見得太多發生係自己身上既都唔少...

不過若捱得過大跌市前既波動市,發達唔係冇可能,咁多位Good Lucky~

樓市恐怖隨想 18112005

樓市由O3頭年升到O5年中,豪宅升幅最令人艷羡.中小型住宅亦不揘多讓,升幅亦以倍計,非常利害!

不過係呢個欣欣向榮既景像之後,大家又唔係唔知道…

1) 人工冇乜加過
2) 步入加息週期
3) 天災人禍重臨

雖然係咁,但係可能俾03年班用幾萬轉眼就賺幾十萬甚至過百萬既人影響到.所以窩八,清八,同爵悅庭呢類”優質”豪宅都可以賣出咁多.佢地望既係希望案件重演,有部份人就好似無咁貪心,幾萬賺幾萬就夠.

不過好可惜佢地買既價全部用炒價,而香港同環球市況巳大為不同.小弟預期O5年第四季樓價仍有下調空間,尤其係一手市場.明年第一季有會小回春,跟住就係各發展商劈價散貨直至回歸基本價值之外超賣到有支持為止.

零六年鋪市摟市股市逐個爆破.”神要使你滅忘,必先令你瘋狂”瘋狂過後就係回歸基本既死寂.我真係衷心希望我係睇錯.咁多位兄弟Good Lucky~

喂喂喂,年宵又黎啦喂~

真係光陰似箭,眨下眼又一年.萏年去到南澳以南沙堤以南北部灣以南既元朗擺檔.自己係九龍人當然覺得辛苦.賺到錢都係咁話!今年死都要係九龍搞番...

其實搞年宵已經成為每年既例行公事之一.雖然賺到既錢唔算多,但可以直接同客做刁,又可以感受下新年既熱烈氣氛,辛苦得黎都算值得.

今年龍頭地段花墟同維園投摽價遠不及往年.其實都可以由此看出大家對來年經濟既展望會有幾"好"!呢個消息對於我黎講絕對係好消息,成本低左之餘最重要既係中國人係好重視新年,經濟好壞,影響不大.

都唔係冇野驁架播...一就係打親波先至會黎既"落雨",同埋一d都唔流既"禽流",仲有佢既同鄉,隨時侯命準備番汀既"沙士",遇到其中一件,唔洗講野,即刻收皮!

認購領匯入場費4940元

「領匯」房地產信託基金明早九時起公開認購，給散戶5%折讓後，每個基金單位由9.22元至9.78元。

每手交易500個單位，連同經紀佣金等費用，入場費最多是4940元。

房屋及規劃地政局常任秘書長梁展文表示，今次本港散戶獲分配的比率提高到三成，若超額認購25倍或以上，撥給散戶的單位比例更會增至五成，希望盡量做到認購散戶每人至少獲得分配一手。

他指，招股書已詳細披露「領匯」上市涉及的法律訴訟風險。經倫敦和香港的資深大律師評估，料法律挑戰成功機會不大。一旦有人提出法律訴訟，投資者有七日時間申請退股。他形容「領匯」可營造多贏的局面。

「領匯」所持資產截至九月底估值338億元，周四截止認購，周六訂價，本月二十五日上市。

「領匯」將成為全港最大商場業主，由去年至今從房委會接收了180個零售商場和停車場，盈利有37億港元。

http://www.thelinkreit.com/index.asp

My Investment Portfolios

737 合和公路基建有限公司 (基建) 現價: $5.10
432 盈科大衍地產發展有限公司 (地產) 現價: $2.10
8006 香港網國際網絡公司 (I.T.) 現價: $0.61
861 神州數碼控股有限公司 (I.T.) 現價: $2.175
338 中國石化上海石油化工股份有限公司 (能源) 現價: $2.775
8222 長江生命科技集團有限公司 (??) 現價: $1.07

and going to borrow 1M to apply "The Link"
Good Lucky~

打流感針 此刻無價

得兩間藥廠有做
A. GSK
B. AVENTIS

成本唔過$50.

坊間打針收,$100-$500
依家又係缺貸中,所以

打流感針 此刻無價!

楝股唔楝市 謀定而後動

依家恆指一萬四千五,相信很多人都覺得偏高.有機再升,最多都係一,二千點鬆d,但下望則是無底深譚…

但係係偏貴既股市中,近日興起私有化熱潮.遠既有隻2633,近既則有97.私有化主要原因係平!以上可以証明係偏高既股市中係會埋藏住d平貨,只要你有心機去搵,d錢就係你!

仲有冇其他?答案係……”有”

摩天輪會唔會只升不跌?係人都知唔會.絕極大跌一定會出現(鬼唔知你呀媽係女人,咁係幾時先至得架?)幾時跌?? 等d大佬出哂貨未黎料囉!咁即係幾時?? 我點……Q知嗜! :p

依家個市升有限而跌無限,你小我又好,話我長氣又好,我都要講架啦,

賺幾多唔緊要
最緊要唔好虧

咁多位 Good Lucky~ ^__^

《不良醫藥廣告條例》是否係時候重新檢討一下呢?

現在每朝返工都要坐一程小巴, 小巴上面每個位都有藥廠廣告.之前很小藥廠會偷雞賣廣告,就算走法律"la"既暗示式廣告亦甚少,因為處方藥物賣廣告，在醫學界備受爭議，儘管藥廠一直爭取放寬沿用多年的不良醫藥廣告條例，目前本港規管藥物廣告的法例《不良醫藥廣告條例》第二三一章規定，任何人不得發布廣告，以宣稱任何藥物、外科用具或療法可預防或治療該條例內所指的疾病或病理情況。受管制的處方藥物包括腫瘤病、肝炎、泌尿病、心臟病、哮喘及糖尿病等等。立法會一直未肯讓步.

但自從醫管局藥物名冊推出之後, 便越來越多有關廣告既出現.其實不良醫藥廣告條例已是四十年前定下,已有些過時. 現在是否係時候重新檢討一下呢?

尾市22mins由跌40 到升40

V型大反彈,人都癲.真係激過玩過山車!

UM1 用後慼

識得去買UM1,真係要多謝我返工果度既超級Clerk阿Ken既介紹, 佢電腦攝影汽車無一不精,真係超勁!!

買個靚耳筒,其實都係逼不得已.事緣之前買左部Ipod Nano.其實隨機附送既耳筒都幾靚聲,不過可惜唔係入耳式.我帶開傅統式耳筒,帶冇耐就耳仔痛,好辛苦!之前足知買左生平第一個軟膠入耳式耳筒,Sony,非常合用,聲亦唔錯.不個條連接線D包膠太軟易爛,結果唔夠一個月銅線外露,無壞亦出唔到街.

所以就決心買個好D既入耳式耳筒.格過價,比較過幾個牌子最後決定買UM1.

用左差唔多個多月,真係非常之滿意.條線包膠問題冇左,佢不但聲靚,入耳棉亦帶得舒服,隔音效果亦佳!差唔多有九成,可以換過另一隻耳棉即可全格,不過你一旦有危險時旁人就幫唔到你.

雖然都差唔多要成800蚊, 但係縱觀以上優點, Comment只有一字......"值"呀!

好正同好Pro既Headphone Website --> www.headphonehk.com

搞唔惦,俾你賺到十億都係徒然.

曹仁超今日講, 恒生指數由1967年67點升到1997年8月16820點，升幅二百五十倍，1967年一萬元投資，到1997年變成二百五十萬元。如果你曉得1973年偏高時減持，1974年偏低時吸納；1981年利率見二十二厘減持，1984年買番，自然不僅升值二百五十倍。唔少人由1967年擁有一萬元起步，到1997年變成一千萬元者大不乏人，分別係曉唔曉得見好則收，懂得獲利回吐者過去八年存錢入銀行收息，亦跑贏許多投資者！

1997年8月以後，香港最大變化係由過去反覆向上經濟，進入大上大落時代，至今已超過八年仍然如此，行業盛衰已取代全面繁榮。投資已變成愈愈專業，1997年後投資市場已係陷阱處處，呃人說話充斥市場，唔少人更瞎話瞎說，唔好講回報，連保本亦做唔到。1997年8月至今唔投資較投資更好，起碼唔會損失慘重。

2003之後唔少人係樓市股市都賺到 d錢,如何避開即將來臨既大跌市而再於市底附近再入市投資,將會係一個無可避免要面對既難題. 搞唔惦,俾你賺到十億都係徒然.

優惠時段搶客 診所劈價60元兩日藥

【太陽報專訊】「六十蚊包兩日藥」、「特設優惠時段」，私家醫生劈價爭客的戰火已燃遍全港十八區，收費之平，更直逼政府門診的四十五元收費；不用排隊籌加冷氣招呼，令習慣大清早排隊睇病的長者也紛紛轉。惟業界透露，減價醫生大多選用價錢較平的非原廠藥，又多以「三分鐘」斷症，資深家庭醫生擔心病人若果患上較難診斷的奇難雜症，漏診的風險很高，醫生不顧質素「鬥平」，病人將成為最終受害者。

醫生人工會唔會因而大減呢? 有個朋友係醫生, 希望佢冇影響la~

尋寶行動......gogogo!

2633 start...
How about 338, 1128,1033, 934?

曼聯: ﹕「這是我們唯一的機會。」

【明報專訊】今天乃費格遜領導「紅魔」的19周年紀念，但這個「起點」也可能成為「終點」，因為近年不濟的戰績已令「費爵爺」處於帥位不保邊緣，若曼聯今仗再敗，他被辭退絕不叫人意外。他在賽前也說﹕「這是我們的最後機會。」

快d打番場爭氣波啦......今晚買五十蚊支持你!

十二碟咖喱飯wor, 唔係下話??

【東方日報專訊】競食旋風再度襲港！繼日本「大胃王」小林尊十二分鐘勁食一百個叉燒包而令港人嘆為觀止後，他的老友小國敬史昨日亦在本港一項競食大賽準決賽中，於十二分鐘內從容不迫地狂吞十二碟咖喱飯，成績遠超對手一倍。自言永無飽肚感覺、胃部像「無底深潭」的小國，今日將與另外七名對手鬥吃老婆餅，爭奪冠軍寶座，他信心十足地說：「有幾多食幾多！」

勁呀!!!

Looking for....?? ^__^ 

So good looking... ^__^ 

港醫生警告 勿亂服「特敏福」

--------------------------------------------------------------------------------

　【本報訊】踏入流感高峰期，出現有市民搶購醫治禽流感的特效藥「特敏福」，有家庭醫生及學者都呼籲，市民不要胡亂服用，以免引起病毒「抗藥性」，只要市民做好預防措施，注射流感疫苗，不用過分恐慌。另外，港九藥房總商會表示，「特敏福」的供應量充足，暫時不會出現供不應求。

　港九藥房總商會理事長劉愛國昨日接受電台節目訪問時表示，醫治禽流感的特效藥「特敏福」的供應量充足，只要市民有醫生紙，便可以到藥房購買，但每張醫生紙只能購買一盒：「據藥廠通知，有充足數量供應，可以維持到二月份的時間。」

　另外，香港醫院藥劑師學會教育總監崔俊明表示，沒有臨床證據顯示，有藥物可以治療禽流感，現在只是根據實驗室數據，發現「特敏福」以及口吸劑「樂感清」可以抑制病毒，故推斷可以一試。

胡亂服用令病毒抗藥

　他又表示，私家醫生不應隨意鼓勵市民儲存「特敏福」，市民亦不應自行胡亂服用，否則容易令病毒產生抗藥性：「若然市民有理無理買定先，而私家醫生又應病人要求，擔心得失病人，都會開醫生紙給病人，最終容易令病毒有抗藥性。」

漁護署提醒鳥店防疫

　此外，香港漁護署昨日表示，該署定期巡查雀鳥店舖，確保他們繼續採取措施防禦禽流感。每月從本港雀鳥店舖抽取的糞便樣本超過220個，進行高致病性禽流感病毒測試，所有結果均呈陰性。

　他說：「過去9個月，進口雀鳥的樣本測試也超過200次，並無任何樣本發現帶禽流感病毒。」

NAM TAI EEP (2633) 2005年10月24日

現價 1.710
升/跌 +0.490
升跌百分率 +40.160

長江生命科技 (8222) 2005年10月24日

現價 1.110
升/跌 +0.070
升跌百分率 +6.730

Good Lucky~

南 太 電 子 （ 2633 ） 及 J.I.C. （ 987 ） ， 昨 日 宣 布 私 有 化 。

美 國 納 斯 達 克 掛 牌 的 南 太 電 子 ， 與 日 前 停 牌 的 NTEEP （ 2633 ） 及 J.I.C. （ 0987 ） 董 事 經 過 一 輪 會 議 後 ， 因 其 創 辦 人 顧 明 均 有 感 工 業 股 在 本 港 資 本 市 場 遭 遇 的 「 不 公 平 待 遇 」 ， 故 決 定 向 南 太 「 雙 雄 」 的 股 東 提 呈 私 有 化 計 畫 ， 分 別 將 上 市 僅 年 半 的 NTEEP 和 借 殼 上 市 的 J.I.C. 收 歸 囊 中 ， 貫 徹 其 「 淡 出 香 港 」 的 計 畫 。

根 據 NTEEP 昨 晚 提 出 的 建 議 ， NTEEP 每 股 私 有 化 作 價 一 點 八 元 ， 較 其 停 牌 前 一 點 二 二 元 溢 價 百 分 之 四 十 七 點 五 ， 但 卻 較 其 ○ 四 年 上 市 時 三 點 八 八 元 ， 折 讓 百 分 之 五 十 三 點 六 ， NTEEP 過 去 半 年 最 高 曾 報 二 點 八 元 ， 最 低 則 報 一 點 一 四 元 。

至 於 J.I.C. ， 每 股 私 有 化 價 格 為 五 十 五 仙 ， 較 其 停 牌 前 四 十 五 仙 ， 溢 價 百 分 之 二 十 二 點 二 J.I.C. 過 去 半 年 高 位 為 七 十 三 仙 ， 半 年 低 位 為 四 十 仙 。 NTEEP 將 於 十 月 二 十 四 日 復 牌 。

美 域 控 股 權 落 入 博 暉
顧 明 均 一 口 氣 私 有 化 兩 間 公 司 ， 熱 心 慈 善 的 顧 明 均 在 董 事 會 後 向 本 報 坦 承 ， 「 我 覺 得 工 業 股 在 香 港 不 受 觀 迎 ， 所 以 決 定 要 做 （ 私 有 化 ） 」 ， 因 為 NTEEP 在 ○ 三 年 上 市 時 ， 碰 巧 「 沙 氏 」 打 擊 市 場 對 地 產 股 的 信 心 ， 部 分 轉 向 投 資 工 業 股 ， 但 其 後 股 價 一 直 未 能 重 返 NTEEP 在 ○ 四 年 上 市 時 的 三 點 八 八 元 。

及 後 ， 由 於 需 要 資 金 發 展 新 工 業 園 ， 所 以 當 顧 明 均 早 前 嘗 試 在 市 場 減 持 NTEEP 套 現 ， 為 母 公 司 籌 錢 時 引 起 激 烈 的 市 場 回 響 。 顧 明 均 自 認 ， 「 其 實 反 映 股 東 對 公 司 都 失 去 信 心 ， 有 人 沽 貨 就 不 問 理 由 盲 跟 。 」 有 見 及 此 ， 所 以 南 太 縱 使 目 前 需 要 為 私 有 化 「 掏 腰 包 」 ， 但 既 然 兩 家 公 司 留 在 市 場 上 股 價 無 起 色 ， 成 交 疏 落 散 戶 又 「 無 路 走 」 ， 不 如 將 其 私 有 化 ， 讓 散 戶 「 執 番 」 ， 南 太 又 可 重 獲 自 由 動 用 子 公 司 資 源 的 自 主 權 。

今次又學到野啦...自己真係技不如人....真係要頒返個最佳男主角俾顧明均先得!

升升升 – 8222 長江生命科技集團有限公司

佢自稱生物科技公司.當你見識過外國既生物科技公司好似Amgen, Gentech etc…再與佢既業務相比,唔笑爆嘴就乜都得!!不過…

我依家正在大手收集.原因有:

1) 未來兩年好大機會大跌市, 多現金既股票抗跌力較強
2) 家誠有機將佢私有化 (Cash 太多)
3) 股價近日長期偏低 (52 Week Low $1.03 now $1.03)

又係一隻有值博率既股票, Sorry
今次真係忍唔住自打嘴巴再入市!

又再用平均成本法
Start from $1.05
每下移1毫再入…

跌一半先至止虧
升唔夠一倍唔走!

咁多位兄弟, Good Lucky!

續談 Nam Tai Electronic & Electrical Products Limited（2633.HK）

呢隻衰野之前累到我虧足三成!虧錢冇所謂,但起碼都俾我知個死因麻?死得不明不白直至尋曰…

佢老母ＪＩＣ（０９８７）同佢齊齊停牌.人人都傳佢私有化,仆佢個街唔係咁狗下話,上市價係$3.88,之前仲係做緊2蚊已經夠平,唔通真係為左想再用平一截既價錢私有化,而出賤招夾硬由2蚊質到落個二!!!

如果以上屬實,顧明均今次贏了金錢,輸了品行.

答案好快就知,希望......我冇睇錯人...

海洋公園哈佬喂, 勁好玩!

海洋公園哈佬喂, 勁好玩!

返鄉下之初体驗

自出娘胎以來都從未返過鄉下,鄉下係海豐,係琛圳搭兩小時車就到,最近有個親戚係果度過左身...

未去都知果度幾窮,d堂兄弟姊妹差唔多未見過,係認得下個堂叔咁嗜,所以屋企個個都唔願出席,因為個個都唔識兼唔熟而且仲咁遠添!

不過我同堂叔比較熟,佢盛意拳拳邀請我去,屋企人就叫我推鬼左佢.不過心諗有親戚過身點都應該出一出席以表心意,呢d我覺得係最基本既禮貌.所以今個星期天應該會單身北上,好似d議員咁親身見証祖國落後既一面...

其實......依家真係有d驚架~

買建行 羸粒糖 值咩?

中國建設銀行今日開始進行新股認購活動，有市民在派發認購表格的銀行開門前，已到銀行外排隊領取。

建行今次以每股1.9元至2.4元，發售超過264億股，每手一千股，入場費2424元，估計集資規模可達731億元，是今年全球最大型招股活動。

估計全城熱爆的建行公開招股部分，至少應可錄得15至49倍超額認購，啟動回撥機制後，散戶可認購的股數將增加至近199萬手，按以往新股最高認購人數紀錄60萬計算，應可做到「一人一手」。

為餐大家樂下午荼餐搞咁多野, 值咩?

12/10/2005既大跌市係05/06金融風暴既開始

未來小弟預期係小漲大回格局
記住,

留得青山在,
那怕無柴燒!

PS: 小弟 Cash:Stock = 80:20
Good Luck~

執房執房執房執房執房!

拖足2年, 因為都知執房係大工程. 我就係咁犯賤,越難越唔做,不過終於都頂唔順,的起心肝用左差唔多十個仲"清場". 依家正晒,靚晒,舒服晒~ Yeah..... ^__^

3311一個月升左超過兩成, 真係要多謝黃國英

中國建築國際集團有限公司 (HKSE:3311.HK)

最新價: 1.32
交易時間: 9月 30
升跌: 0.11 (+9.09%)

一個月升左超過兩成, 真係要多謝黃國英. ^__^

Get to know yourself better

Your view on yourself:

You are down-to-earth and people like you because you are so straightforward. You are an efficient problem solver because you will listen to both sides of an argument before making a decision that usually appeals to both parties.
The type of girlfriend/boyfriend you are looking for:

You are a true romantic. When you are in love, you will do anything and everything to keep your love true.
Your readiness to commit to a relationship:

You are ready to commit as soon as you meet the right person. And you believe you will pretty much know as soon as you might that person.
The seriousness of your love:

You like to flirt and behave seductively. The opposite sex finds this very attractive, and that's why you'll always have admirers hanging off your arms. But how serious are you about choosing someone to be in a relationship with?
Your views on education

You may not like to study but you have many practical ideas. You listen to your own instincts and tend to follow your heart, so you will probably end up with an unusual job.
The right job for you:

You're a practical person and will choose a secure job with a steady income. Knowing what you like to do is important. Find a regular job doing just that and you'll be set for life.
How do you view success:

You are confident that you will be successful in your chosen career and nothing will stop you from trying.
What are you most afraid of:

You are afraid of things that you cannot control. Sometimes you show your anger to cover up how you feel.
Who is your true self:

You are mature, reasonable, honest and give good advice. People ask for your comments on all sorts of different issues. Sometimes you might find yourself in a dilemma when trapped with a problem, which your heart rather than your head needs to solve.

interesting lei, wanna try?
http://quizbox.com/personality/test82.aspx

北角.東寶.金蒜風沙雞

尋曰同同事送行,新舊同事仔仔一堂,真係好難得.

東寶小弟食過唔少次,質素一直都Keep到,不過每次同不同人食完飯,都有一個共通點都係唔夠飽!

今次9男女,加埋都食唔少野:

金蕬風沙雞 -- 新鮮雞,皮脆肉嫩,正!
豉淑炒聖子 -- 好正!雖然細隻,但冇沙吾un兼入味.
南乳燒豬手 -- 幾好
墨汁煮魷魚 -- 賣相奇差,但用芝士汁煮過既魷魚真係幾好味.
金銀蛋茸菜 -- 幾好
穌炸榴連包 -- 幾年冇食榴連都忍唔住食番件,幾香架~
清香荷葉飯 -- 多料入味,但Size略細~
汁煮豬天梯 -- 幾脆口,幾得意,幾入味.

當然唔少得叫番幾支藍妹,用雪凍左既粥碗啤一啤佢...~

飯後甜品(免費) -- 冰凍薑汁涼粉.涼粉既涼被驅寒既薑汁所中和,完全拾到好處.

埋單位位八十幾,都算抵食.味道亦唔錯,不過下次真係要叫多d窄肚野先得!!但係去其他地方食都一直冇呢個問題架喎?? 真係奇怪~~

太子.小魚滋味.晚餐係幾抵食喎.

一直都想養返一缸細魚.尋晚出太子花園街睇下d器材.之後同friend係附近食晚飯.始創中心冇行成年原來已經大變身.行完二樓三樓發覺呢間小魚滋味坐得最舒服(三樓有和花亭同越棧,比較細間~),所以就係呢度開餐.

係幾好喎有套餐食,仲全部都唔過50.有送有菜飯有湯仲有杯野飲,真係算幾抵食,叫左:

怪味雞 -- 賣相似油雞,味道都幾似,特別係個汁真係好好味.雖然用雪藏雞但幸有調味搭救.現場所見勁多人食.

魚腐米線(朋友食) – 賣相唔錯,自己冇試過但都覺得吸引.呢間野係用魚湯起朵所以味道應該不錯.特別既係隨米線附上既辣油真係幾辣.

埋單 ~$100, 真係幾抵, 又算好食, 值得一試.

曖昧....超超超超超超超超正!

歌手：楊丞琳 | 作曲：小冷
填詞：姜憶萱/顏璽軒 | 編曲：屠穎

曖昧讓人受盡委屈
找不到相愛的證據
何時該前進　何時該放棄
連擁抱都沒有勇氣

只能陪你到這裡　畢竟有些事不可以
超過了友情　還不到愛情
遠方就要下雨的風景

到底該不該哭泣　想太多是我還是你
我很不服氣　也開始懷疑
眼前的人　是不是同一個　真實的你

＊曖昧讓人受盡委屈
　找不到相愛的證據
　何時該前進　何時該放棄
　連擁抱都沒有勇氣

　曖昧讓人變得貪心
　直到等待失去意義
　無奈我和你　寫不出結局
　放遺憾的美麗　停在這裡＊

REPEAT＊

呢期最紅 -- 楊承琳~ More info...
http://heyie.com/rainiehkfc/index-.htm

Order history Learn More about Order Status

As of 09:18 AM PDT, 09/27/2005

History of pending and recently shipped orders

Order Date Order Number Order Items Status

09/20/2005
02:49 AM PDT W52101584 • IPOD NANO 4GB BLACK ENGRAVED-HKG
Shipped

IPOD NANO 4GB BLACK ENGRAVED-HKG
Shipped
1 Shipped 09/27/2005
Invoice No. : 9224845953
Carrier : BAX GLOBAL PTE LTD
Tracking Number(s) :
MP035927001

快d...快d...快d...!!!!

Ipod Namo 真係好正, 容量夠大之餘又輕又細部, 經apple online store買左部黑色既(預左長用), 到手之後再DIY一條手帶掛佢係身陪行山同跑步, 依家只係希望部機快d到. ^__^

杜琪峰.黑社會.10月20號上畫.

黃國英親口推介: 3311 中國建築國際集團有限公司

公司是紮根香港的最大型建築公司之一，主要於香港從事樓宇建築及土木工程。於香港建築業公司擁有逾二十年的經驗。

公司的業務主要分為兩大範疇：樓宇建築及土木工程。

作為總承建商，公司積極參與所取得建築工程項目的日常管理及實施。公司一般透過競爭激烈的競投過程取得項目工程。一般而言，公司將部分建築工程外判予分包商，並於建築工程進行時負責客戶或他們的顧問、分包商及供應商之間的協調工作。此外，為配合公司的樓宇建築工程及土木工程業務，公司透過從事多元化業務，包括通過進行地基工程、地盤勘測、機電工程的附屬公司，以及透過生產混凝土及混凝土預製件的聯營公司，達致「一條龍」的縱向綜合業務模式。

於二零零五年五月三十一日，公司是獲工務局認可進行所有類別公共工程的丙類承建商的五家建築公司之一。工務包括香港的建築工程、港口工程、道路及渠務、地盤平整及水務工程。就認可投標上限而言，丙類承建商為香港最高評級的承建商，並可競投任何價值超過50,000,000港元的公共工程合約。

截至二零零四年十二月三十一日止財務年度經擴大集團的備考營業額為7,026,000,000港元。

於二零零四年十二月三十一日，經擴大集團的備考資產淨值為991,000,000港元。

Good luck~

全城同道　領匯之路

【東方日報專訊】去年十二月因為司法覆核訴訟而被迫擱置上市的領匯房地產投資信託基金，房委會擬於今年十一月十七日或十二月一日重新上市。消息人士指出，當局今次會將散戶配售比例增至七成以上，即使反應熱烈，申請的市民也大有機會一人一手，做法與去年的上市安排相若。此外，房委會將於招股書中全面披露訴訟風險，包括不排除再有訴訟的危險，由投資者自行考慮，是否申請，確保再掀訴訟機會大減。

又係時候儲定錢...

ggg 

fff 

eee 

ddd 

ccc 

bbb 

aaa 

以下內容可能令人情緒不安,敬請留意

Today's special: 吳卓羲 x 欣宜
http://www.xanga.com/home.aspx?user=sunkist_boy

咁就一世....唉~

北角.仁寶.南乳燒生蠔.

尋日同同事出北角食飯有幾處地方係考慮之列東寶仁寶同客家人飯莊

客家人飯莊有朋友試過話佢d雞好味最緊要係用新鮮雞仲有分吸煙區同非吸煙區添但係可能客家呢兩個字唔夠吸引結果第一間被否決不過又喏既講真如果你問身邊同事或朋友客家菜係食乜我相信十個有九個半都答唔到

因為東寶非常出名縱使人人都知佢近年水準有所下降待客態度又麻麻但係出名就係出名始終對佢信心係大d而且唔駛好似客家人飯莊咁要冒險但係真係人算不如天算諗住早一日B定位實冇走雞點知答案竟係全埸爆滿咁唯有…去仁寶啦

仁寶自己之前都試過但印象係OK佢有d送整得好食但有d就冇咁好尤其係佢d雞今次去之前其實都有d陰影不過人生既野有好多野係估唔到

叫左六個送

豉踧聖子王大大隻啖啖肉一啖肯定食唔晒特別既係加入肉碎(希望冇豬縺球菌)同煮以增加口感不過都幾辣下

士多啤梨骨肉排配以士多啤梨汁及其果肉味道清新我曾經食過超難食既士多啤梨骨呢間…算整得好食

金鋃蛋莧菜OK啦

淑盬鮮魷無乜特別配以炸蒜茸進食特別惹味

南乳燒生蠔賣相奇佳用超大隻珍寶蠔連殼上鮮白色蠔殼做盛器配以炸至金黃色既珍寶蠔散發著陣陣南乳香味令人垂廷欲滴

海鮮荷葉飯內有海參花膠鮑魚…粒每一粒飯都吸收了固中精華多汁唔乾身食落口感一流

最後送上兔費甜品綠豆西米露埋單位位九十幾一百都唔冼呢餐都算好食又抵食不過最重要都係無叫雞

零食鋪之難, 唉~

管理零食鋪俾管理藥房更難,實在大大出乎意料之外!

難處歸納起來有三:

量小但款多: 現在加起來最少都有百幾款
保存期太短: 一般日式零式只可保存四個月
利潤太過少: 只有成半至兩成 取貨量再多時才能提高Profit Margin 但又驚Dead Stock

現在雖然仍在投資期,巳可慼覺出前景並不太明朗,業績雖穩步上揚,仍遠遠未達預期...

反思之後發覺有以下缺點:

1) 網站設計唔夠靚
2) 不清楚客人口味
3) 資料唔夠詳細
4) 宣傳極度不足

但係都唔係冇優點既...

1) 價錢真係算平...快d幫襯下啦~ :P
2) 介面亦算清淅

依家希望可將問題逐一解決,
到時再睇情況去決定去或留.

東大門韓式燒烤,抵食之選!

係睇openrice.com食評咁好,難得同舊同事敘舊,唔駛諗就試下呢間.

果然名不虛傅,地方寬大,最重要最重要抽氣夠勁!真係一d燒烤味都冇.

野食都算好食,都係d牛羊豬多春魚青口生嚎咁,唔算太特別,但勝在款式都夠多元化.

埋單又係一百鬆d,又一抵食之選! :)

地址: 旺角西洋菜街51號友誠商業中心5字
電話: 2398-3777/2398-1077