廣州年宵入貨之旅 2006

舊年年宵三個禮拜前返廣州入貨,結果就早左.只係買左好少貨,之後跟住兩個禮拜仲要上去補貨.返一次廣州來回六粒仲,真係幾辛苦架~

今年仲諗住醒d,遲少少早兩個禮拜入貨.原本打算一次搞惦,真係人算不如天算,d貨今年早左出!結果上到去已經有部份正野冇貨,真係玩死!

每年睇到d貨印乜野公仔,就知今年細路仔最鍾意乜野公仔.今年"軍曹"肯定係不二之選,"火影"則緊隨其後.今年有隻過癮野不得不提,就係一套兩件既牛角帽同劍,間廠本來同狄士尼生產,做完之後就用個模自已生產〈當然唔會跟足啦)所以呢件野不但有質素,仲好鬼死正添!唔買都真係要黎睇下~

深玔廣州冇去一年都起左d變化,就係d野越黎越靚.特別係個火車站!真係仲靚過香港既添,唔信番去睇下就知我所言非虛.

不過呢雨日行珵留俾我最深刻印象,除左睇住條仆街曼魚點樣俾曼城揉"論"之外!!!就係睇左個高質素城巿論擅式既電視節目,名稱叫"一虎一席談"(鳳凰).以討論有爭議性既時事問題為中心.再請出正反雙方既專家漸進式加以辨論.坐在講者後的觀眾們可即時舉贊成或反對紙牌,以對講者言論作出即時反應.主持胡一虎既風格令我想起香港既毛孟靜,拿揉各方重點之準繩及其反應之快,真係令我眼介大開,值得推薦俾各位.