我給你最好的疼愛是手放開

認識李聖傑
係因為睇台灣綜藝節目"我猜我猜我猜猜"
佢地每集都會安排d最近出碟既藝人
或出書既作家上節目做嘉賓同做宣傳

歌手就一定最少要清唱番一兩段

最近睇果集有李聖傑
佢清唱左佢首主打"手放開"
把聲靚到非筆墨所能形容!

曲：方文良 | 詞：方文良

"我給你最好的疼愛是手放開
不要一張雙人床中間隔著一片海
感情的污點就留給時間慢慢漂白
把愛收進胸前左邊口袋
最好的疼愛是手放開
不想用言語拉扯所以選擇不責怪
感情就像候車月台 有人走就有人來
我的心是一個車牌 寫著等待"

回想番我地香港果d所謂歌手
恐怕都冇mud邊個新人有資格上呢個節目.

8006 香港國際網絡公司

集團目前經營以中國為基地之流動通訊增值服務供應商－掌中萬維（中國），以旗下域名www.hongkong.com 及www.china.com 分別經營互聯網入門網站及以新加坡為基地的旅遊貿易出版商－亞洲博聞有限公司，以及兩家中國售票系統及軟件公司（統稱中鐵時代）。

香港網(8006)行政總裁陳啟宇表示,加息對公司有利,因為公司持有債券年期不長,故風險不大,而去年底公司持現金淨額及附息證券超過10億元,較去年9月底增加2%,其中7.5億屬有息債券,年期介乎一至三年,其餘屬現金。

2005年3月1日，香港網(8006)公布，截至2004年12月底止全年業績，錄得股東應佔溢利倒退44.71%至5813.30萬元(2003年同期錄得純利1.05億元)，每股盈利1.41仙，不派息。

公司質素唔太好
不過......

10億現金
加息週期
最重要
股價新低

如果唔睇好前景
e,g, 中台,中日危機,禽流,美國雙赤......等等

到時恆指大跌
Cash is King
即係 Hongkong.com is King.

到時佢不費吹灰之力
就可購入大量優質資產.

Blog中未開始收購
升幅已可數以倍計!

0.4-0.45小注買入
如無特大問題不設止虧

長遠既
可博恆指大跌
升幅數以倍計!

短線既
炒波幅
年內升一成無問題
祝各位嬴多d~ ^__^

小事兩則

1. IT抽唔到,唉~

2. 澳洲個Course,返到HK都仲要考牌，及格率高到呢．．．＾＿＾！

香港藥劑業及毒藥管理局公布藥劑師註冊考試成績.本屆分別有二十九名和三十三名,參加香港藥劑法例;藥劑執業及藥理學三科考試,相對的合格率為五成半至六成七.

所有在香港以外地方修讀藥劑學的畢業生, 如欲在本港註冊成為藥劑師 , 除了要符合管理局規定的其他條件外 , 還須考取上述三科成績合格. 管理局於每年舉行兩次考試, 通常在六月及十二月舉行.

Ｉ．Ｔ公開招股獲８７３倍認購以１．９５元定價

服裝零售商I.T(0999)宣布,香港公開招股部分獲約873倍認購,並以招股價上限,即每股1.95元定價,集資約5億9千萬元.

由於香港公開發售部份獲得 873倍認購, 須執行股份回撥機制, 香港公開發售股份數目, 因而增至1億5227萬股.

I.T股份將於3月4日(周五)在主板掛牌 .

希望抽到一兩手,賺餐飯已於願足矣~

ＲＯＪＡＭ（８０７５）勁呀!

最新價: 0.245
交易時間: 3:58PM HKT
升跌: 0.045 (+22.50%)

呢度其實都幾有歐陸情調,隔幾年入黎一次,實是人生一大快事.

入面空氣清新,景色怡人.

果度好多觀鳥屋.入到去唔驚影響到d雀,你亦可細心咁欣賞佢地.

頸對上有執白毛既,叫白頭翁.

今日好好彩,不單無落雨,仲有好多雀tim~

入口.入面有望遠鏡租,又有靚靚紀念品賣.

米埔自然教育中心,到達之前要經過條獨木橋.

潮濕過後~

元朗勝利牛丸 -- 係好食wor!

係元朗住既都唔需要多介紹

聞名已久
今日入米埔玩
出番黎去開餐之前
死都要試下!

成間野就只賣牛丸同牛腩
即刻整碗剩丸同剩腩先
d丸比想像中細粒但極富口感
咬落真係"索索"聲
d腩一個字"抵"!
一碗第度起碼二三十呢度都係15蚊
蚊得又淋又入味
特別係d牛根tim~

元朗住既人
真係有食神~ ^__^

去澳州讀書

係TC讀完個課程，可以係醫院裹找到一份工作。這種程況，薪高糧又準，巳經係最理想的了。可以肯定既係無得升職，如果一直有得續約做落去，爬格仔約十數年後就會到頂薪，之後就逗兩皮到蚊既人工，做又三十六唔做又三十六咁既態度做到退休，咁，就一世嘞。

我唔想。

襯仲後生，想去博下。知道澳州有個課程，讀四年每年約十萬。但學成歸來之後真係不可同日而遇，人工不但三級跳，前境仲一片光明!

但係現實環境又唔容許我咁做，雙親退休，兩個妹又未出身，唔通就咁就犧牲自己黎成全佢地?夠竟會唔會有兩全其美既辨法呢……要決定又要快，不知不覺間,原來自己已茫茫然站在人生交叉點之上。

Rojam Entertainment Holdings Limited（8075.HK）

從事為一間綜合性音樂製作公司，業務包括音樂製作、音樂發行、唱片分銷、藝人經理以及型活動籌辦、商標特許權批授和音樂娛樂入門網站。

集團在上海有個娛樂城,經常在港請人上去表演。

主要股東是小室哲哉, 持股量:42.46%

截至2004年12月底止9個月業績，錄得股東應佔溢利增長1107.31%至8044.30萬元(2003年同期錄得純利666.30萬元)，每股盈利5.2仙，不派息。

期內，營業額４﹒７５億元，經營溢利８８２１萬元。

舊年重組完後營利業績大躍進.

最新價: 0.184
現價接近2毫附近為近年高位~

據不可靠消息透露
近日將會有基金公司做家訪
若成事股價就唔係講緊一兩毫!

不過唔成事仙都可能俾多佢
自己會搵位近~0.15-0.17小注怡情

跟住擺半年放長雙眼睇下點~
祝各位羸多D!

蛋撻王--中環擺花街泰興

讀書時已知係好野
老字號, 肥彭至愛
仲記得果度掛左唔少元首相
其中一個仲係德國前總統"科爾"tim

蛋撻有分用曲奇皮同酥皮
酥皮又分64層同128層
舊式多數賣曲奇皮
泰興都係其中一間

讀書時有日唔知慶祝mud
真係朝早六點踏鐵去中環
再飛鐵返杏花村

8:30上堂
8:25送到
雖然索左d倒汗水
但仍然非常好味~

佢d沙yung都好出名架
有機會不防去試下~

生病了

咋日感冒初起，看完醫生食過藥後差不多睡了一整天。以為訓番十小時八小時就會痊癒,因為以往都是這樣。但到今早乘車上班時，在油塘站突然感到有點不對勁,眼前的東西由彩色成黑白。跟住就像油晝甩色一樣黑色部分越來越少。還開始失去知覺。係將暈低五秒前，我諗係未應該即刻打999。又諗唔通呢世就咁玩完?忽然記得坐低會有幫助，即刻席地而坐睇下點。過左幾分仲真係好番d。跟住就繼續行程，返番office繼續做我既無間工作。

麥當奴的新地筒主要係CREAM+水+雞油

上網時睇到,希望唔係真.

我相信各位必定有品嘗過新地筒了, 但當中的材料又有幾多人知? 不如我話比大家知.

首先,M記果D唔係icecream, 而係叫ice-confection.icecream(雪糕)其實係解 當中其份量 最少有10% 係脂肪, 168/1000既牛奶或牛奶粉(不含脂肪)Ice-confection係 水同其他份量而成, 最少有80/1000既牛奶或牛奶粉(不含脂肪) .

M記賣果D 絕對唔可以叫雪糕,所以佢從來只叫新地筒,當中其份量主要係CREAM+水+雞油,可怕吧~大家不妨下次食果時可以留意下,當食完之後,用條舌頭頂下上顎,會有一層東西的,再用手模下D新地,應該感覺到成手油, 佢比汽水還要肥呵=.="

少食為妙, 希望大家身體健康!!

妹:我要食M&Ms呀？哥：好呀，五毫子俾你鈕一野!wahaha.....哥：喂，喂，你周圍搵係度搵mud呀?妹：你d五毫子呢?(好認真咁搵緊．．．!)哥：．．．．．．．．

上環 -- 美仔記

真係慘。十年都唔去上環一次,今曰難得有机會,就緊係即刻飛去九記整碗清湯腩伊啦‧點知行到遠處見到冇人都知mud事。即刻180度u turn轉落生記食番碗生滾粥補數啦。點知大大張紙貼住初六啟市,真係唔話香港經濟好都唔得,個個都唔洗做既!咁冇計啦。難得黎到點都要試d新野，生記轉過彎，就俾我見到呢間坐到爆晒棚既美仔記。

自己好鍾意食墨魚丸，經過銅纙彎文輝同新浦崗合利，都一定入去整番碗墨魚丸麪歎番下。

入到美仔記，典型粉麪鋪格局，都係d丸呀，牛腩牛雜咁。不過有張手晝既手打墨魚丸海報引起我既注意。唔洗講即刻整番碗墨魚丸麪先啦。碗野黎到,d墨魚丸size並唔係兵bump波咁既size, 即刻feel到應該係好野,大喜,佢既size就好似麥文記d雲吞咁樣. 一咬落去,真係唔得了,彈牙夾爽口,成粒丸都充斥住煙un既墨魚粒.真係好正好正,食完好耐好仍然齒頰留香…..真係好正!

其他未試過,三年又三年之後,一定再試下。^__^


地址: 上環蘇杭街142號鋪對面。

花街朱古力.細細個成日食,覺得好"nau"又唔算好味,但係又成日食~同睇無線劇一樣,一路閙但係又一路睇!真係犯賤~

年宵隨想

今次年宵，我最希望找回遺失已久與客人互動既技巧。可能打政府工打得耐左好多方面自已陰d陰d退步左自己都唔知，希望今次可以增進番d。

經過呢幾日既買賣,自己對顧客既口味,想法同有效既銷售方法有親身既體會同埋有更深層次既暸解,自己既轉數都俾以前快左, 真係可喜可賀.

仲有今次真係要thanx god, 之前祈禱希望唔好落雨,結果度度年三十晚都有落雨就係元朗冇落, 多謝袮~ ^__^

曾蔭權任滿告老歸田

【東方日報專訊】被視為第三屆特首的熱門人選的曾蔭權(相關新聞 - 網站)，傳媒昨日到其官邸拜年時，被問到○七年後的計畫，他笑稱屆時要告老歸田.

告老歸田?
我信.............你就奇

以退為進
呢d未就係政治智慧lor~

年宵之年廿八年廿九

做左一日生意係場內有乜同類鋪頭大家都心中有數。我地最留意當然係佢地賣乜貨啦，冇相同就最好，有相同就要鬥價。最搞笑係上兩星期返大陸入貨時我地所幫襯其中一間鋪頭有個箱係送去元朗既，果然不同所料真係同行。好彩佢地只入左少量貨款，我地所賣既款式俾佢地多好多。

呢兩日生意俾尋日再好d，但係侷係帆布幕內其實都幾辛苦。早，午市生意如常地一般，但一到飯後時間就黎料，忙得不亦樂乎。

恭喜大家發財！

祝大家身體健康, 心想事成
過番個充實既05年~

赌波既波運亨通
赌馬既馬運興隆
買股票既財息兼收!

年初一 4:00am 完滿結束.搞年宵我最enjoy都係呢個moment. 因為呢個時候咁多位年宵檔都會返番去遠古既以物易物時代.大家雖無明言,但係唔知點解搞得年宵既都有仲咁既默契係度.我呢d暖包e家就真係大派用場.^__^!自己換左兩條魚, 一盤花(無紅火蟻既), 小食數十包, cutie雞風車兩個, 棉花糖一支.........等等等等!真係好開心. 呢幾日要返工又做年宵,每日訓得幾個字,真係唔係講笑!不過辛苦得黎都係值得既!

年三十 12:00pm, 大獲, 反應好到出乎意料之外.所有賣得既貨(除左d暖包外, ai~)真係mud都賣清,包括之前唔係咁賣既超級忍者劍.你可以見到張抬係用黎擺自己d野飲!每當有人問我地有冇mud賣既時候,我地都會仰天長歎......

年三十,8:00pm-12:00pm,決戰時刻.人潮飯後魚貫進場,生意多到做唔晒.真係吹都吹唔切!

年三十, 6:00pm 人潮開始聚集, 我地d貨主打年青人市場,估唔到bb到對我地d玩具咁有興趣lei~>

《喜馬拉亞星》唔好睇!

新年流流諗住睇套笑片開心下.睇左十幾分仲開始唔對路.笑位唔好笑都算(都唔知劉青雲都唔知想扮訐冠文定Mr Bean?!),睇完都唔知佢想講mud野,似係講緊d禪呀佛理呀咁.d野搞到一忽忽一時又天馬行空都唔知佢想點!!

大佬,新年係人都想開開心心架啦.睇戲特別係新年時份緊係希望唔用腦開開心心輕鬆一下,你仲嫌我地平日d野唔夠煩睇戲都要用埋個腦去參透固中玄機?韋家輝真係走火入魔!你係要上都唔應該係呢個時候上啦, 玩咩!

錢冇左可以搵返,時間冇左就唔可以.各位睇呢套戲之前敬請三思!

逆思考實驗

一年前我決定做個關於逆思考既實驗。由於每期六合彩既号碼都係random咁抽出黎，所以我就相對咁買死一組number(10, 12, 19, 20 ,37, 46)，直至中左2獎以上為止先轉買新一組冧把。

自止之後每期六合彩我都會買。

今期真係中左......................六獎咁大把~
$160 就同屋企人食餐好d既慶祝下先~ ^__^

年宵篇之年廿七

尋日搭好檔，今曰正式做生意。

朝早主要執貨同佈置，之後先正式開始。雖然今日巳經年廿七，但環顧四周仍有幾檔乾貨檔未開，估計應該係有經驗之人。因為第一次玩年宵既人都會以為做生意日數越多生意就越好。嚴格黎講係冇錯但當你做過第一次就知。年廿九會做約三成生意而年三十則做超過六成生意!即係話超過九成既生意係最後兩日做番黎，所以有d檔年廿九先開一d都唔出奇。不過因為今年年廿七廿八係星期六日，所以早兩曰開始試反應都冇壞。

今日生意做左幾千蚊，第一日有咁既成績出乎意料之外。特別係晚飯後八至十呢個黃金時段，d生意多到做唔切。直情d人攞左上手俾左錢未都分唔到。年廿七巳經係咁，年廿九三十真係唔敢想像。

經過今日試業後巳經大概知道有乜賣得有乜唔賣得，我地既主力"超級忍者劍"竟然...........。真係大獲!

^__^!

our booth -- very colourful lei~ ^__^ 

what we sell in the booth -- warming kit 

what we sell in the booth -- stationary 

農曆年宵市場

今年係元朗玩~

元朗東頭工業區遊樂場27號鋪

主打吹氣玩具, 少量精品同暖手包.

希望天公做美

"我們在天上的父,願以你的名為姓...............

千祈 唔好 落雨 阿門" ^__^

食肆新勢力 -- 新蒲崗

中學在新蒲崗就讀,在那時與朋友吃飯多在旺角或尖沙咀,除了午飯外很少在新蒲崗吃飯.畢業數年後才發覺新蒲崗竟是食肆藏龍卧虎之地!

開業數十年的老字號食肆固然多,但近一,兩年新開出色食肆亦不少,自己試過又好味既有...

新力軍:

1) 大盛日本料理 Otanri Japanese restaurant
食日本野,報紙雜誌近年極力推介,到10點都仍有人等位排隊.收費相宜食物中上且夠大件.
地址: 新蒲崗寧遠街越秀廣場G26-27號
電話: 2320-3777/2320-3717

2) 外野手 Minnote
日式自助餐,位位百五,刺身新鮮且源源不絕,招呼週到,炸物普通,鍋物ok,燒牛利幾得.
地址: 新蒲崗崇齡街33號新蒲崗廣場3樓
電話: 2267-7913

老字號:

1) 和味館 Woo Mei Restaurant
報紙雜誌每年介紹一次,車仔檔做到有瓦遮頭.營業至凌晨2時.專食禾蟲,焗魚腸,鱘龍食特別菜餚.
地址: 新蒲崗彩虹道72號地下
電話: 2320-6920

2) 得龍大飯店 Tak Lung Restaurant
近月報紙雜誌瘋狂推介,食失傳名菜金錢雞同太爺雞,杏汁白肺湯同你發夢都估唔到既法式果味雪芭!
地址: 新蒲崗康強街25-29號地下
電話: 2320-7020/2322-3783

有機會不防試下,要帶路絕無問題~ ^__^

法國鞋業結盟應付亞洲競爭

法國鞋業四大聯合會日前組成非正式“鞋盟”，以應付亞洲產品的競爭壓力。

由於亞洲進口鞋物美價廉，給法國製鞋業帶來衝擊。隨著歐盟對中國進口限制的逐步取消，法國和歐洲其他國家的鞋業將面臨來自中國更為激烈的競爭。

類似結盟又怎會局限於"法國"同"鞋業"?

亞洲貨物美價廉已引起負面反彈,
如何面對,如何淡化,如何解決,
如斯問題,已不知不覺逼在眉睫!!

吳日言

尋日見到佢,出席一個典禮活動,唱左兩首歌.未開口已有歌聲,都算,最慘都係連播帶首歌都唔好聽.之後有個地區歌唱比賽冠軍,唱左幾首口水歌,就聽出耳油~

夠竟樂檀幾時先會撥亂反正,回歸基本.

定係變幻原是永恆,有d野已經改變左呢?

服裝零售商Ｉ.Ｔ通過上市聆訊擬集資逾５億

市場消息指,服裝零售商I.T已通過上市聆訊,並展開招股程序,計劃集資5億4600萬至6億2400萬元,預計3月初正式上市.

消息指, 里昂證券為是次上市保薦人 .

I.T現有分店約116間, 旗下服裝品牌包括 I.T, b+ab, izzue, 5cm等, 同時亦代理多家外國品牌 . 另外 , I.T在台灣亦設有銷售點 , 部分以特許經營權模式運作 .

有分員指, 現時零售股的市盈率偏高, 如佐丹奴(0709)市盈率 18至20倍, 估計I.T招股市盈率 , 亦會介乎 14至18倍.

老闆係邱淑貞老公沈嘉偉.公司質素暫時未有詳盡資料作參考,但若單以品牌而言Ｉ.Ｔ在香港是十分成功.若上市時定價市盈率低於15倍,加上里昂證券是今次的保薦人,值博率應不錯~

誘心人（ Closer ）

初抵倫敦的愛麗斯 在街上與小說作家丹遇上，兩人火速墜入愛河 ，共賦同居。丹決定為女友寫一本小說，並將她在影樓拍的照片放在書內。 丹雖已有女友愛麗斯，卻仍與替愛麗斯拍照的攝影師安娜調情。 丹並假扮女性以安娜這名字於網上與醫生萊利調情，卻巧合地造就了萊利和 安娜的情緣。

萊利與安娜結婚後，安娜並沒有忘記丹，仍與他藕斷絲連?同時，失落的愛麗斯為了報復，不惜自殘，她在夜總會巧遇萊利。萊利知道安娜正是介入愛麗斯與丹的第三者，兩個心中各有念念不忘的人，刻意互相報復地發生關係。一切不忠的代價以悲劇終結。

沒有絕對好、壞、對、錯的 感情關係。對愛情的價值觀是否需要重新定位？

妮坦莉寶雯真係好正,茱莉亞蘿蔔絲就...

Clive Owen做得好好, 佢之前拍過好多集BMW既廣告電影,超正~

theme song 條link, 首歌好有feel...
http://www.warnerbrosrecords.com/damienrice/

出得黎行 預左要還

今日

港股隨美股稍為高開後，靠地產股支撐，濠賭股明顯受壓，跌幅不斷擴大。午市過後，市場焦點仍在濠賭股，恆指最後收１３６２３，上升３９點，成交１７２億元。

濠賭股炒風熱潮，證監會擺明高姿態打擊，上個禮拜已進行電話諮詢經紀行，開始有收歛蹟象，沈主席臨走前再做番件代表作，避免呢個熱潮無休止咁進行。據悉，證監已針對個別升幅勁濠賭股，進行徹底打擊。倘如是，濠賭股跌勢仍未止。

跌幅最大濠賭股，首推奧瑪仕（０９５９）、世紀建業（００７９）同結好（００６４），三間跌幅大公司，無獨有偶都係大股東減持股份。奧瑪仕大股東沽得最徹底，一股不留，世紀建業控股股東最少沽５％，但有大劉、彤叔貨結好，主席高價沽出１０％貨；大劉、彤叔響１．８元接貨價，考驗佢支持力。缸邊人語，大股東減貨可能係最好既明燈。

似乎今次係真爆煲~

王朝酒業(0828)賺餐飯

即日放左, 一手執千五~ ^__^

2633 南太電子已升左超過一成!

上次介紹2633係12月12號, 買入價2蚊~

原文節錄如下~

今年5月IPO招股價$3.88(發行2億股9成國際配受)，招股書承諾派息比率為盈利既1/3至2/3，母公司為美國南太電子(持有75% #2633)，每季均會公佈季度業績，透明度較高。

集團為一家極具規模之垂直整合製造方案供應商，客戶包括若干世界知名頂尖消費類電子及通訊產品名牌公司。集團最大客戶包括索尼愛立信、德州儀器、Sony Computer Entertainment、精工技術、OmniVision、Appeal電信及佳能(C.E.B.M) 。

好公司, 股價唔合理, 升回合理價, 只係時間問題!

上次介紹2633係12月12號, 買入價2蚊~
呢2日開車, 唔經唔覺升左超過一成!

等埋佢2月公報業績
收返d $$ 過肥年~ ^__^

被國家隊開除田亮公開信感震驚

１月２６日上午，國家游泳中心召開新聞通氣會，宣佈對奧運跳水冠軍田亮作出除名決 定，將其開除出國家隊，調整回陝西隊。

d人仲意佢

係因為佢運動勁
形象健康唔貪錢
夠正氣

之後先睇佢既靚仔
E家佢就本未倒置!

唔好俾我批中
今次佢真係game over!

What we are going to sell this year~ ^__^ 

次次同friend賭錢無論羸輸都好個個都盡興而返 ^__^. 

佢個手勢有dd似... ^__^! 

唔通真係打到黎??

深水寶明愛樂仁學校出現流感類疾病爆發,三名嚴重智障學生及四名職員受感染.學校由今日開始停課,進行清潔和消毒.衛生防護中心已收集病人樣本進一步化驗.

受感染的兩男一女學生, 年齡介乎八至十五歲, 分別在過去一個星期發病 , 出現發燒、咳嗽及喉嚨痛等徵狀, 現時情況穩定 . 他們是明愛醫院兒童發展復康部的院友, 接受長期住宿照顧 .

另外 , 學校四名職員出現發燒及輕微上呼吸道感染病徵 , 他們已請病假, 無需留醫.

衛生防護中心正與校方及醫院監察爆發個案, 並向病童入住的醫院提供控制感染的指引.

唔通終於打到黎??
都係買番多d gold related 既野避避先~ ^__^

無重狀態

曲：張崇德 | 詞：Paul Wan | 編：Adrian chan

人生中一個小息 也許跳出工作
已不想不想再受壓抑
忙碌中需要喘息 你可有這感覺
要找點驚喜與及刺激
推開窗簾 作個鬼臉
祈求這日這夜非工作天
思想一閃 兩眼一轉
原來我極盼望有所改變
願能願能遨遊自由自由地帶
可趁機去當個尋找享受派
而無須穿西裝領帶
願能願能遨遊自由自由地帶
因我早已知道靈感不易買
祈求躍進理想境界
願能願能遨遊自由自由地帶
因我想要轉個全新姿態
而人生得到新見解
願能願能遨遊自由自由地帶
因我喜愛走進陽光之下曬
全無重量壓力 感覺最暢快!

d歌詞真係正到爆燈!! ^__^

王朝酒業(0828)上市

Copy from 明報

天津發展(0882)分拆王朝酒業(0828)在香港主板上市，招股價每股1.75元至2.25元，約等於12.5至16.1倍2004年度預測市盈率。2003年王朝酒業的營業額排名第二，僅次於內地A、B股上市的煙台張裕集團(200869)。

煙台張裕2004年度預測市盈為16.82倍，與王朝酒相若，因此若王朝酒在上限定價，短線水位有限。但中國消費股對外資基金一向甚具吸引力，內地紅酒飲品的增長前景又的確十分秀麗。筆者認為王朝酒業值得認購，但卻要有耐性中線持有。

中國葡萄酒2000年的銷售額約42億元，到2003年已增長至約64億元，複合增長率約14.1%。據荷銀研究報告估計，未來5年葡萄酒市場年均增長將達13%。雖然荷銀是王朝酒的上市全球協調人，評估難免偏向樂觀，但以中國每年約8%至9%經濟增長考慮，預期飲食消費有一成增長也不太過分。且，8%至9%的經濟增長也只是官方的整體數字，個別項目必定跑前於整體經濟增長。

荷銀﹕紅酒市場未來年增13%

依據中國葡萄酒信息網的數據顯示，內地消費的酒水中，啤酒和白酒佔39%，但葡萄酒只佔12%。2003年中國的人均葡萄酒消費量約0.22公升，遠低於法、英、美的59公升、22公升和12公升，甚至遠低於日本和香港的3公升和0.5公升。

正如不少本港紅酒貿易界人士所講，未來5至10年內地整體紅酒市場的發展前景是「好到不得了，問題是這塊肥豬肉將如何切割。」外資基金認為，最簡單直接自然是選擇銷售最大的那一、兩家。

內地紅酒的主要銷售渠道是酒樓餐館。據悉紅酒品牌要打入一些連鎖酒樓往往要付高達20萬元的進店費﹔酒樓餐館供應那一個紅酒品牌，主要看那家回佣最多，容許拖數最久。由於市場競爭非常激烈，在這種市場環境下，自然只有大紅酒集團才有能力擴張。

財力充裕的一哥「張裕」、老二「王朝」和中國糧油(0506)旗下的老三「長城」，將有力在銷售渠道上力拒進口紅酒。此外，三巨頭更將透過收購合併吃掉生產規模較少的葡萄酒企業。

其實，紅酒與啤酒、汽水在內地也只是酒水，銷售渠道與市場環境也一樣。難怪有些芬佬把王朝酒與青島啤酒(0168)比較，青啤2004年度預測市盈率約28至30倍，若市場真的以此為指標，王朝酒分分鐘爆上3.9元水平。

抽番幾手返下先~ ^__^

麥當勞一哥腸癌死

美國快餐業巨人麥當勞集團前主席兼行政總裁貝爾，據說每天都吃漢堡包，本周死於腸癌，終年四十四歲。

雖然無確實證據顯示他患癌跟吃漢堡包太多有關，但不少專家向來都說吃太多漢堡包會致癌。美國癌症學會上周就發表報告，每天一個漢堡包，而吃足十年，患結腸癌的風險會大增三分一，因為燒烤這種烹飪方法會產生致癌化學物環形胺，而紅肉對結腸的影響尤其大。

仲話食麥記野有益拿!E家連命都冇啦。再一次證明麥記 d 食物係慢性毒藥!!

濠賭股害死泰婦

消息稱，該名婦人平日有炒股的喜好，早前「澳門概念股」股價在短期內急升，成為股民熱烈追捧的大熱股，雷婦跟隨炒風，以「孖展」形式入市，圖以小博大及賺一筆大錢安享晚年。但料不到股價一度大幅急跌，令她在股市損手爛腳，積蓄全部賠光。

臨老先一鋪清袋,搞到連命都冇,真係唔抵~
所以我成日話俾自己聽

賺多少唔緊要
最緊要唔好虧!

China MTR "Octopus". They use a plastic coin instead of using a card as in HK!! 

年宵全攻略(一)

搵人

講明先,想靠年宵賺大錢(一百幾廿個咁)就唔駛諗啦。唔係冇可能(好似02既風車同03既火箭),萬中都有一兩個既,不過平凡如我,若果講執1,2千都仲有d咁多信心既。

萬事起頭難,第一步就係搵拍拿。原因好簡單。就係除非你做既規模大到可以或需要請人(起碼要做過10萬生意,2-3日內wor!)如果唔係搵拍拿係指定動作(提供人手,減少資本) 。以3至6人為佳。太多人就賺到錢都冇肉食。但如果得兩件就同冇搵冇分別。所以3至6人比較合適。

人數定左不過都要啱key至得。如果唔係唔熟都算係friend既因為咁而無左就唔抵。所以最重要最重要最重要係要有大共識在先(如主要賣mud貨),小事支節則可求同存異。

之後就係傾夾幾錢。第一次搞小弟唔建議係維園花墟荃灣等地點搞。因為投資太大。好似維園單邊鋪都要成2萬幾銀未計入貨bor。每人最後起碼要夾差唔多成萬。要Break Even都唔易更何況講賺錢。所以2線地方就比較好。d租平d最緊要人流都ok(好似觀塘同元朗咁)。自已係觀塘直接或簡接做過幾年年宵,全部都有錢賺。今年既拍拿就係元朗做過,一樣執到d。係2線地方搞每人5至6千就可以連埋入貨tim。係2線地方做,分分仲發左冇人知,係維園果度做,個個好風光其實係啞子吃黃蓮!

年宵全攻略

希望為咁多位有興趣搞年宵既網友提供一d有用資料同大家分享,小弟在此知無不言,言無不盡!

其實搞年宵唔算難,係有少少煩jei,要做既,最主要都係7樣野:

1. 搵人
2. 投鋪
3. 入貨
4. 裝修
5. 開鋪
6. 營技
7. 收當

做生意,最重要緊係賺錢.不過所得到既滿足感係錢買唔到,呢樣野對於我黎講先最重要!

中央藥物名冊 引入能者自付概念

醫管局的藥物將主要分為三類﹕（一）標準藥物——藥物由醫管局提供，是治療的主要藥物﹔（二）有限制藥物——醫管局只為一些符合特定臨條件的病人，提供所需的藥物﹔（三）病人自購藥物。病人自購藥物可再分為二類﹕完全自購藥物，例如﹕減肥藥和治療性功能障礙的藥物，病人需要完全自付﹔另一類是病人自購藥物附設安全網，例如﹕一些新而且昂貴的抗癌藥，經濟能力可負擔的病人，可選擇購買這類較新的藥物治療。如果一些經濟能力有問題的病人，而最終需要這類藥物來治療，有關方面便給予財政支持，好讓一些有經濟困難的病人，沒有因為貧窮而得不到適當的治療。

其實就算e家藥費即時增加一倍,相比起政府所俾既,都係又九牛一毛。作為小市民既我緊係希望俾得有咁小得咁小,得到既服務就有咁多得咁多。不過就客觀而論,E家既收費方式d確唔合理同埋唔公平!

可見既將來醫療保險一定會普及化。因為政府醫院既服務只會一直向下走。因此一定會多左班有d錢既人寧願俾多d黎享受快d同舒適d既醫療服務。(唔係講少e家睇專科門診排期分分仲排到07年,到時好話唔好聽仲係未度都唔知啦!)而私人醫療市場亦會因保險普及化而受惠(有得claim麻)。好多人已經一早睇到呢點。你睇下萬寧(萬寧舊年廣告費好似係全港之冠,有錯請指正。)同屈臣d廣告~(有時真係會以為個個藥劑師都咁靚仔!),再望望各大醫療集團......周遭既環境已陰d陰d地irreversibly地改變。E家都係時候為將來作好準備啦~

年宵

今年搞年宵,係元朗投左個位.希望過到個肥年.

遲d將全個酬備過情坦蕩蕩咁寫出黎同大家分享.

希望大家鍾意~ ^__^

今期壹週刊 : 二○○五個人理財

黃瑋傑: 今年他的心水則是愛高集團。

黃國英: 富士高，江西銅, 太平洋恩利。

曾淵滄：買房地產投資信託基金（ REIT ）好過買層樓收租

雷鼎鳴: 既然人民幣和美元掛，內地經濟增長較美國更快，加息只是遲早的問題 。

馮孝忠: 歐洲貨幣，如歐羅、英鎊及瑞士法郎是馮孝忠今年三大心水選。

施永青: 黃金。

警隊新制服勇奪金草莓設計大獎

金草莓設計大獎

No. 1 警隊新制服 　　　
得獎原因：擒賊警被當大廈看更，可見設計師用心良苦，知香港面臨財赤困擾，特將新制服做成看更樣．即時將警力增加最少一倍!

No. 2 新10蚊紙幣
得獎原因：質料特假，圖案勁花，拿阿仔，去完阿拉面館食面，個嘴仔就會變成咁既顏色架啦～

No. 3　新５０蚊紙幣
得獎原因：同舊１０蚊紙幣近乎一樣，每次用親佢都係對自己既視力，判斷力，同專注力既一場challenge!

解決香港空氣污染 還須廣東果斷行動

以前上獅子山頂,一覽無遺。E家上獅子山頂, 日光日白天朗氣清都會見到一股鳥氣,認真大剎風景。可見香港空氣污染問題日益嚴重。

香港的空氣質素問題和珠三角地區的污染是連在一起的，不能單靠一方的努力來解決。

在改善空氣污染問題上，特區內部能夠做的，政府大都做了。目前更需要的，顯然是粵港當局採取果斷行動，逐步減少珠三角工業生產排放的污染物。

但可預見的是令貨物成本上漲,對以價格作為主要吸引力既中國貨品影響甚深。除非有莫大誘因,好似大量金錢補償等。如果唔係都幾難要廣東訓身搞好佢。損己利人既野wor,俾我做之前都要諗諗先啦。

空氣污染日益嚴重。市民健康實變差,咳呀,鼻敏感,asthma case 梗有一個係左近。自然多左人睇醫生。但係HA 又cut budget。所以D私人醫療集團唔係冇得做架。卓健(593) , 康健(8138) 質素直情差。不過有日癲起上黎炒醫療概念,未必有澳門果d咁激,但係升一兩成又有mud出奇!對於我呢個小股民亦間接開左條財路。

Plan your work and work for your plan!

節錄自投資者日記~

好有意思,講左我心中想講既野.

財富係人類智慧結晶，今天唔係誇耀今年你賺得幾多，而應思考明年你應該做D乜去保存你已獲得既財富，同時令佢繼續增長，上述不但需要閣下既才能，同時挑戰閣下既應變能力。把握機會去達致成功，無論事業、愛情或投資，你首先必須愛上佢，才願為佢付出。如你一切都係得過且過，結果亦係得過且過!

Yamaha Majesty 400 

Yamaha Majesty 400 

彭玲

真係唱得歌既女歌手,又經得起時間考驗.彭玲係其中一個.

自從俾林海峄私有化左之後,就冇新歌再出...慘!

好歌唔少,隨手數都有情難自制,小玩意,愛過痛過亦願等,來讓我跟你走等等等等
佢清脆既聲音,寬宏既氣量, 仲有唱出小女人心聲果份情懷,到E家都無人能及…

到E家聽番D舊歌,都仍然咁正~

望,係望有日林海峄生意失敗,咁彭玲就可以……!
為左聽好歌,黑心D都冇計. 嘻嘻~

怪事年年有,04特別多!

Copy from Yahoo.com.hk, Hey...真係好笑wor~

1. 一位狂熱的傳道者跳進台北木柵動物園的獅子籠內，向獅子高呼「上帝將拯救你」，試圖「說服」萬獸之王歸依基督教，結果幸運地僅被咬傷右腿。

2. 北京的一條自殺求救熱線電話非常繁忙，撥打十次會有九次聽到佔線忙音。

3. 德國一劇院為節約開支，在演出白雪公主和七個小矮人時僅用四個小矮人，結果引發抗議。

呢個世界真係mud野都有可能發生...