Tak Lung Restaurant 

一笑西去

經歷過六,七十年代獅子山下生活所洗禮既人,做事認真,為人率直而老實. 他們先在學問上努力,後於同輩間競爭,因而產生一批有深厚文學根基之士,亦間接導致八,九十年代填詞界百花齊放既局面.為人知曉既有盧國占,黃霑,林振強,鄭國江,林夕及潘源良等等......他們在學問上既努力,實在令我等長於八,九十繁華年代的人汗顏.林振強及霑叔既離開,實在是香港人莫大的損失.

有如梁交道所講 "林振強的名句「不扮高深，只求傳真」，我覺得用來形容黃霑要比形容《壹週刊》還貼切。寧為真小人，不做假道學，黃霑整個人既表達也模塑出了香港人的這種價值觀。"他所付出無比既勇氣實在令小弟折服。

霑叔作詞既好歌有如恆河沙數,小弟至愛係呢首,

問我

問我歡呼聲有幾多 問我悲哭聲有幾多
我如何能夠一一去數清楚
問我點解會高興 究竟點解要苦楚
我笑住回答 講一聲 我係我

無論我有百般對 或者千般錯
全心去承受結果
面對世界一切 那怕會如何
全心保存真的我

問我得失有幾多 其實得失不必清楚
我但求能夠一一去數清楚
願我一生去到終結 無論歷盡幾許風波
我仍然能夠講一聲 我係我

我問.我思.故我在.
他的離開,我好像失去一位親人.

希望在離開的一天....
"願我一生去到終結 無論歷盡幾許風波
我仍然能夠講一聲 我係我! "

927 富士高實業控股有限公司

由黃國英係報紙介紹開始, 留意左差唔多2年。

工業股。公司主要從事設計、製造、推廣及銷售電聲產品及配件以及其他電子產品。息口每年超過6個巴仙。

油價同外國市況對盈利都有直接影響。

半年油價高企過US50,理論上會對盈利有影響。所以...

最近半年股價於0.9-1之間浮沈,多次嘗試上1蚊皆無功而還。但係..

今日終於破1蚊上試1.04,成交仲比平時多4倍!

就快公報業績,照咁睇,盈利應該衰極有限。

0.98-1.02 入市,

同樣用平均成本法。

房委REITs 全家總動員

房委REITs真係十年冇一次,今次真係全城同道!

房委會的領匯房地產基金定價將介乎10.51至10.83元，每手500個單位。委會公布，領匯的定價將介乎10.51至10.83元，即入場費約5255至5415元。如散戶認購少於250萬元，將可獲3%的折扣。

爸爸媽媽同埋我既好妹妹,你地下個月d家用零用水電雜費同埋差响,問房委攞啦!!

房委REITs

做copycat again, 今次係曹仁超個專欄.

簡單來說，REITs是擁有、營運及管理一些可提供收入的地產物業或按揭的公司，一般會以招股上市的渠道集資。其最大特色在於把大部分稅前盈利，以股息的形式定期分派予股東。由於這類投資產品的股息吸引、公司透明度高、較嚴謹的監管守則提高投資者權益保障，故近年深受市場歡迎。

混合房地產信託基金 (HybridREIT )，同時投資於地產物業及按揭貸款。結構上，股本型REIT的資產應超過75%於不動產，收入主要來自物業租賃，而所投資的物業類型則視乎個別公司自行訂立的投資策略而定；房委會即將推出的REIT便屬這類。

作為投資者，今時今日有六厘固定回報同時有上升潛力咁筍投資項目已經唔易搵，二百五十億元銀碼聽落好似好大，相對依家資金冇出路，我老曹估計一定超額認購，因為吸引力肯定超過兩電，事關兩電2008年管制法則面臨檢討，即2008年後兩電純利亦唔係咁穩定。

一個字黎形容:荀!
兩個字黎形容:派錢!

原來係呢個世上真係有咁大隻甲"na"隨街跳架!

話雖如此,
一生人可以遇到呢d咁荀既機會其實好有限,
今次有機會就真係要好好把握啦.

Dayview of Kowloon Peninsula.

Unforgettable night view of Kowloon Peninsula~ 

獅子山"上"

鍾意行山.

特別係獅子山.

原因有三: 近, 好方便同埋......係正屋企後面!

晨咁早行過,裂日當空行過黑媽媽都行過.

有心情時行,冇心情時行有野諗唔通時更要行.

上到山頂,新界九龍同香港全境一覽無遺.

唔信?喂大佬,歌仔都有得唱啦, 香港係起" 獅子山下"架麻~

坐係獅子山頂,清風送爽,環視四周.

好舒服,真係好舒服...

kimochi lei~ ^__^

投資移民（一百萬港紙就得）做澳門居民，有so!

節錄自今日左丁山專欄,

"醫生J話：投資移民（一百萬港紙就得）做澳門居民，有數，除買樓等升值之外，澳門政府家好多錢，澳門公立醫院買西藥多數買正、新藥。香港窮到死，公立醫院內舊藥充斥，有已經在外國被市場淘汰藥，我照用，所以你想有好藥，唔該你去睇私家醫生。近來又出新招數慳錢，就係一粒大藥分幾次食︱︱譬如我寫畀病人食藥，每次一粒八十克；醫院為節省庫存成本，買入一粒三百克藥丸，叫病人分開食！」唔聽醫生J講古，都唔知醫管局識得咁慳家，難為了何兆煒呢位家嫂。

香港會変成點？
澳門會変成點？
幾值得思考下.
唔係為現在，
而係為將來！

低學歷中年人士係澳門真係好過係香港，赌場荷官中三程度上年紀更好人工過萬，睇怕係我有生之年香港都唔會有d咁既旬工．

身繫香港,心繫馬交~

盈科大衍地產發展(432)

5月個時係呢度介紹過盈科大衍地產發展(432),個時個價係~$2.

今日升到近年高位$2.8.

半年盈利~40%,相當唔錯.

仲好似未升完tim~

小弟五月時既文章

"小小超財技了得眾所周知，電盈（０００８）早排趁聯交所收緊借殼上市新例生效前，成功將地產業務「唧」入「殼王」陳國強上市王國中東方燃氣（０４３２）入面，最終達致電訊同地產業務分家功效。東燃一朝飛上枝頭變鳳凰，成為電盈地產業務旗艦，「燃氣」個名似乎同地產扯唔上關係，改名乃遲早事。上月底，小小超終於對改名一事有定奪，決定將東燃改名為「盈科大衍地產發展」。據講，「大衍」呢兩個字係來自《易經》，意思除解作大變化之外，亦可解釋為繁盛、豐收同發展快速等意思。小小超改名都咁有心思，梗係希望公司生意愈做愈大，愈大愈繁盛啦！另外，小小超仲請有「蘭桂芳之父」之稱兼現任海洋公園主席盛智文，入Ｂｏａｒｄ擔任東燃非執行董事一職添。東方燃氣（０４３２）本身已值2蚊, 但係加左電盈地產業務之後呢?理論上價值點都唔只值2蚊,就算係4蚊股都一d唔過份。但係依家佢既股價都係2蚊左近,真係E家唔買真係唔知等幾時! "

轉戰美國市場

香港個市睇唔通看唔透,HSBC升到130仲未升完!搞到我係認沽證度損手,頂!賭業股升到冇譜!因此轉戰美國市場.

其實上網買美股同港股差唔多,係手續費貴D啫~

睇中隻做自己個行既 -- 製藥業, 叫MSD.

個Code係"MRK"

全球製藥業十大之一.

之前有隻止痛藥全球回收, 叫Vioxx.

結果股價由US50跌到落US26,差唔多冇左一半. 現價US 26.57

而其實Vioxx只占MSD既利錢少於2成.

不過佢下跌既原因當然唔會咁簡單啦,好似將來會有訴訟呀咁~跌係要跌,但係係未要跌咁多呢? 縱觀種種原因,依家個價係好有可能跌多左,而呢D情況好普遍出現於恐慌性拋售之後.

今次,

US26做起點, 再用"平均成本法".

愛與誠

曲 : 曹雪芬＠宇宙大爆炸
詞 : 林夕
編 : Ted Lo
監 : 雷頌德

其實自己一個更開心　只等你講
其實大家早已嫌大家卻扮忙
恨有多一點碰撞　仍然無聊事幹不敢打攪對方
要是你願意　誠實講一趟
彼此都起碼覺得釋放

不要哭　我也忍得了這些年來的委曲
沒法真心愛下去　只好真心真意的結束

＊別再做情人　做隻貓做隻狗　不做情人
做隻寵物至少可愛迷人
和你不瞅不睬　最終只會成為敵人
淪為舊朋友　是否又稱心
沒有心　只像閒人
若有空　難道有空可接吻
註定似過路人陌生　你怎麼手震
(這預告　發自虔誠內心）＊

長期被迫戀愛也真比　失戀更慘
長期扮演若無其事般　更困難
是我專登反應慢　明明為時甚晚　牌一早該要攤
再像我伴侶　仍望多一眼　
一生都將會記得今晚
Ｒｅｐｅａｔ　＊

對不起　自動分手錯愕的你怕會傷感
盲目的我　現在也可轉台來賀你新生

別再做情人　做隻貓做隻狗　不做情人
做隻寵物至少可愛迷人
和你相交不淺無謂明日會被你憎
淪為舊朋友　是否又稱心
沒有心　只像閒人
若有空　難道有空可接吻
註定似過路人陌生　你怎麼手震

Kwan Kee Seafood Restaurant 

Kwan Kee Seafood Restaurant 

Kwan Kee Seafood Restaurant  

軍記海鮮菜館 Kwan Kee Seafood Restaurant

8個人食,食左成十幾個餸,水準中上,碟碟都清晒. 一定要試既有:

1) 肉碎蠔仔粥 -- 超好食,粥鮮料多,故此忍唔住encore再黎一窩.
2) 南乳吊燒鱔 -- 皮脆肉嫩,亦夠肥美,30秒清晒.
3) 風沙雞 -- encore之作, 皮脆肉滑, 正.
4) 招牌小炒王 -- 正到痺. d蝦乾夠香口, 炒得亦夠乾身, 一流!

樽裝可樂3蚊支,酒亦長期有特價. 服務真係好好, 直情有點兒受寵若驚~ 食客都幾雜, 同女仔去食就唔係咁好. 埋單位位1舊, 個個都話抵食.

總括黎講三個字: 平.靚.正.

地址:佐敦白加士街一號Ａ
電話:2730-2502/2735-3675

股評人的四種絕招

上網搵到,好鬼過癮~

1) 馬後砲 - 其實昨日大升,前日已經可以知道啦,因為......
2) 說話模稜兩可 - 明天大市應會回軟, 但有機出現反彈
3) 凡事時機未到,遲早發生 - 大跌只係遲早問題 (減息只係遲早問題?)
4) o岩到唔可能錯既廢話 - 只要市況好轉, 大市可破14000

呢d咁既人,緊有一個係左近,小心小心~

Outlook is strange but really big and comfortable! I love to take this type of bus very very much~

等價交換

輸了生命中最重要的一部份，贏了世界又如何？人們很少停下腳步好好思慮過，在得到的同時，你又失去了什麼？我們往往迷失在追逐，卻忘了追逐的價值是在哪裡......

美國大損

學到三樣野：

１．　美國人反對出兵既人極多，但係支持既......更多．
２．　美國超勁財赤貿赤薯仔繼續"ban"埋一邊．下屆總統貴客自理．
３．　咖哩mud都叻，幣在衰係..........個樣度......哭喪咁,唉～

長楂取白表 短炒用黃表

網通（ 0906）為未來三個月既招股展開序幕。不過頭炮呢隻網通小弟真係不敢恭維。

認購新股途徑有兩個﹕白表申請同理黃表申請。 兩者只可選其一。

白表散戶投資者最普遍採用的認購方式。使用白表申購新股，你會收到以自己名義登記的股票證書。日後沽售股份時，你將需要把股票證書交予經紀行或銀行。假如你未獲分配任何股份或只獲分配部分擬認購的股份，退款支票將會以郵寄方式寄發給你。

黃表申請認購新股並不涉及實物股票證書的交收。這是透過銀行或證券代理人名義認購。在成功獲配發股份時，新股便會直接存進中央結算系統。假如你未獲分配任何股份或只獲分配部分擬認購的股份，退款支票將會以郵寄方式寄發給你。

係投資方面黎睇, 長楂取白表 短炒用黃表就實冇錯~

Super Size Me 不瘦降之迷

紀錄片.

2個美國女仔告麥當勞食肥人,點知衰左.

原因: 無証據題示果2個美國女仔食完之後有肥到.重話麥記d野係健康架tim~

有個美國人叫Morgan Spurlock睇唔過眼.於是做個experiment一日3餐食足30日全部麥當勞,兼且如果個服務員問佢要唔要加大 (Super Size)佢一定要話"要".

結果食到暈食到嘔俾醫生話佢發神經兼營養師無眼睇...

於是短短30日佢肥左廿幾磅肝功能失調膽固醇標升.最慘都係俾佢女友咋型......"唔得"呀,陰公~

搵麥記d人出黎解釋當然例牌搵唔到.結果影片出左街引黎極大迴響.

有冇印像以前麥記加個半可轉加大碼(Super Size)?
依家....
全世界都冇左.
麥記話唔關呀Morgan事喎.

你話呢? ^_^

維園年宵快餐位45萬成交

維多利亞年宵市場攤位今早公開競投，其中一個較大的快餐攤位，以４５萬元成交，高出底價三倍多。

Yeah.........終於開波lu~

亡命小巴

小巴俾人既印象: 夠快．夠方便．
你肯定唔會聽到”安全”呢兩個字．

快得就唔多唔少會有d唔安全，
要安全唔多唔少就一定要慢．

要快要安全？

魚與熊掌．

兩個禮拜，已經有幾單意外．
地鐵都係．
今晚自己都見到一架小巴中招，
車頭爆晒．

上得小巴，
唔多唔少都有心理準備．

危險我唔怕，
最緊要都係快d番到屋企．

打擊「換飛黨」

鑑於有「換飛黨」利用票務漏洞少付車費，地鐵公司下周開始向在同一站出閘入閘時間相距逾20分鐘的乘客，收取10元最低車費。

一個字, 慘!!

澳門係隻醜小鴨?!

澳門係我心目中依家係一隻醜小鴨.

但係只要一但渡假式賭場相繼開業,佢就會振翅高飛変成鳳凰. 再帶動區內展覽業,旅遊業,零售業既發展,到時澳門人想失業想窮都幾難! 5年之內,澳門定必変天,令港人垂涎~

依家既拉斯維加斯,即係將來既澳門!

好想移民去澳門呀,唔知佢地受唔受呢? ^__^

BBQ in Shek O. Scallop with butter and garlic. Incredibly good!

地產大亨特朗普（Donald Trump）[招聘徒弟] 計劃已變成電視節目

第二輯今日明珠播第一集,第二集一定要睇,保證大家目瞪口呆!!

講到尾,其實佢想傳遞訊息包括：

一、保持市場佔有率唔一定要打倒對手，只要維持本身競爭力便足夠。
二、向最好學習，令自己更大、更快、更強，打倒小人物係冇用。
三、成功背後係長期磨練，絕冇僥幸這回事。
四、令每一天變成兩天，令事情加快完成。
五、減少人生中的戲劇成分，其中因素是浪費了寶貴時間。

成功者過的是嚴守紀律，並不是人生如戲的生活。

做到其中一點都於願足矣~

Good quality seafood with reasonable price. Bu Doi O in Sai Kung. 

日旺果汁小食

每次去親深水步都定必幫襯一次.成檔最旺係個牛雜檔.個檔主由開檔到收檔都剪唔停手,就算暫時無人幫襯佢隻手都係唔會停(有時真係會懷疑條友係未有柏金遜).遠處都聽到把較剪聲.呢檔d 牛雜份量足,味道夠,五蚊串小弟覺得真係超值. 次次去親個檔都企滿人,方圓10米必定橫"汁"片野,唔信?不妨親身去睇下~

地址: 鴨寮街近大快活附近

賺有時 蝕有時

香 港 的 投 資 者 也 喜 歡 跟 「 股 神 」 買 股 ， 當 中 有 成 功 ， 也 有 失 敗 個 案 。 要 留 意 ， 有 時 候 「 股 神 」 反 而 趁 股 價 被 搶 高 後 瞬 即 出 貨 賺 取 短 線 回 報 。 以 下 例 子 ， 可 作 參 考 。 林治受騙 有 「 股 聖 」 美 譽 的 林 治 ， 去 年 竟 墮 金 融 「 天 仙 局 」 ， 錯 誤 入 股 一 間 誇 大 營 業 額 ， 以 及 隱 瞞 數 百 萬 美 元 的 債 務 的 藥 業 上 市 公 司 SafeScript Pharmacies Inc.。

巴菲特獲利 有 「 股 神 」 之 稱 的 巴 菲 特 ， 旗 下 基 金 Berkshire Hathaway Inc.在 去 年 4月 數 度 入 股 中 國 石 油 天 然 氣 （ 0857） 後 ， 股 民 爭 相 認 購 ， 該 股 股 價 節 節 上 升 ， 由 當 時 的 1.7元 升 至 目 前 的 4.1元 ， 累 積 升 幅 1.4倍 。 不 過 ， 巴 菲 特 也 有 失 落 時 。 巴 老 今 年 上 半 年 「 加 碼 」 看 淡 美 元 ， 卻 一 直 「 坐 艇 」 ， 直 至 最 近 美 元 急 跌 ， 才 再 嘗 勝 果 。

蓋茨損手 微 軟 電 腦 創 辦 人 蓋 茨 家 族 慈 善 基 金 在 今 年 7月 2日 購 入 海 域 化 工 （ 2882） 5.38％ 股 份 ， 8月 初 消 息 公 布 後 ， 該 股 備 受 追 捧 ， 股 價 單 日 急 升 38％ 。 但 翌 日 基 金 便 迅 速 減 持 ， 股 價 回 吐 13％ 。 基 金 短 炒 回 報 高 達 45％ ， 但 那 批 高 追 股 份 的 股 民 ， 便 只 得 損 手 收 場 。

另 外 ， 蓋 茨 家 族 慈 善 基 金 亦 於 今 年 7月 2日 購 入 北 人 印 刷 （ 0187） 7.08％ 股 份 。 8月 初 消 息 公 布 後 ， 北 人 股 價 被 炒 上 至 2.775元 ， 創 12個 月 歷 史 高 位 ， 但 之 後 股 價 反 覆 回 落 ， 維 持 在 目 前 2.4元 水 平 徘 徊 ， 一 直 未 能 重 返 家 鄉 。

真正「富有」

富有係指生活方式（Lifestyle），例如追求自已的夢想，或晌任何時刻做自已想做既事，內心的平靜以及個人自信，即所謂「豐盛生命」的感覺。要達到呢點，卻必須擁有一定財富，當然數目因人而異。

當年今日

原來自己生日個日世界發生左咁多事~

·1878年9月20日美国小说家厄普顿-辛克莱诞辰
·1911年9月20日近代英国侵华代表人物赫德死
·1912年9月20日袁世凯下令全国尊孔
·1927年9月20日国民党宁、汉、沪三方实现统一
·1934年9月20日意大利影星索菲亚-罗兰出生
·1934年9月20日索菲亚-罗兰图片集
·1936年9月20日暗杀大王王亚樵被暗杀
·1946年9月20日戛纳电影节图片集
·1946年9月20日法国举行首届戛纳电影节
·1950年9月20日中华人民共和国国徽诞生
·1954年9月20日中华人民共和国宪法颁布实施
·1957年9月20日芬兰音乐大师琼-西贝柳斯逝世
·1958年9月20日中国科技大学成立
·1981年9月20日中国一箭三星发射成功
·1985年9月20日杀害江南的凶手董桂森在巴西落网
·1986年9月20日我国首座现代化海洋采油平台建成
·1986年9月20日我国建成人工海洋
·1987年9月20日中国人第一次接触互联网
·1988年9月20日亚速海冒出一火山岛
·1989年9月20日美派兵镇压维尔京群岛骚乱
·1991年9月20日全国清理“三角债”全面启动
·1991年9月20日第二届全国城运会在唐山开幕
·1992年9月20日法国公决以微弱多数通过《马约》
·1994年9月20日国际《核安全公约》签署
·1994年9月20日宝钢三号高炉点火投产
·1995年9月20日备受北京市民关注的杨晓霞痊愈出院
·1995年9月20日台湾“重返联合国”图谋连续三年失败
·1998年9月20日中国象棋网络公开赛开赛

80/20 法則

節錄自今日譚紹興專欄, 小弟幾認同佢既意見.

重鎚買兩三隻更可取心急的讀者可能問，「 80/20 法 則 」如何可運用於投資上？各位不妨回憶一些在股市賺錢時的美麗時光，可有察覺閣下持有的股票組合中，大部份賺的錢是來自其中20%的股票？其他股份不蝕本已是萬幸啦。好像由年初至今，閣下買了10隻股票，今年賺的錢，很大機會是來自當中的兩三隻而已，其餘股份，希望沒有買過。傳統智慧講，不要把所有的雞蛋放入一個籃子內，但這樣你肯定不會發達，因為雖然風險少了，但回報「通常」亦少。「80/20法則」的智慧便是小心揀一個籃子，然後集中火力，把資本放進去，跟便經常密切注意其動態，例如揀兩三隻好股，其回報較漁翁撒網為佳。著名投資家Peter Lynch曾指出，揀選兩三隻優質股，其回報往往較持有大量不同股份的基金為佳，正如匯控（ 005 ） 過往多年的累積回報（包括以股代息），肯定跑贏不少基金的股票組合。

A Disney MTR Train Design special for HK Disney~ 

A beautiful virgo figure~ 

星展把保險箱當廢鐵壓毀

怕屋企有意外,所以用保險箱,
保險箱有意外,屋企先最保險?

腳步慢了 眼眶濕了

聽見 學生時代 愛聽的歌
加上太累 回家路上 一下子想好多
腳步慢了 眼眶濕了 不是感傷
只是不知道
生活要這麼多力量

發記海鮮酒家 Fai Kee Seafood Restaurant

今晚難得有朋友揸車,結果入左布袋澳食飯.真係估唔到星期日晚8點都仲有咁多人,條私家車龍有成幾百米咁長. 果度共有2間海鮮酒家(另一間叫”海鮮島”),分別搭係2個碼頭之上,認真神乎其技~

我地試左:

椒鹽賴尿蝦 ($13蚊兩,叫左18兩) – 味道ok,多膏,不過唔算啖啖肉
鹽焗雞($78半隻) – d肉剛剛熟,好嫩滑
辣酒煮花螺($88 例牌) – 大隻多肉, 個辣汁好味, 唔會見到好多辣椒油
蒜蓉粉絲蒸扇貝($18隻) -- 特多蒜蓉粉絲, 略嫌有少少乾身
清蒸鮑魚仔 ($9隻) – 真係勁正,隻隻都好鮮味
楊州炒飯 (唔記得) – 材料新鮮, 粒粒分明, 水準之作

最後仲有食甜品,叫左喳咋同埋蕃薯糖水.埋單$754/4人, 幾抵食兼俾想像中平~

地址:西貢布袋澳碼頭7號A舖
電話:2719-9129

人棄.我取.

一般發佈出話某隻股好既時候
通常背後已有大戶入o左貨及預備出貨
或預備玩做價
如大戶搭棚或預備玩高價配股
要小股民" 供貴股"

咁小股民唔會知個消息發放出既時候
係剛剛開始升
定係大戶已經入晒貨& 預備散貨既時候

有好多大閘蟹出事都係因為信消息
所以與o個d 消息唱反調既話
一般都冇死~

美人舉債支撐世界荒謬﹗

兩 位 著 名 大 淡 友 — — 有 「 債 券 王 」 之 稱 的 Pimco公 司 創 辦 人 格 羅 斯 （ Bill Gross） ， 與 摩 根 士 丹 利 首 席 經 濟 師 羅 奇 原 來 惺 惺 相 惜 。 兩 人 在 8、 9月 間 ， 有 多 次 書 信 往 來 。 大 摩 網 站 昨 天 披 露 了 這 批 信 件 ， 兩 位 對 美 國 靠 雙 赤 支 撐 的 經 濟 增 長 ， 都 感 到 不 安 ， 並 認 為 環 球 經 濟 有 步 向 世 界 末 日 (Armageddon)的 危 機 。 關 鍵 是 美 國 能 否 削 減 消 費 ， 增 加 儲 蓄 ， 中 國 及 日 本 可 否 停 止 大 量 購 入 美 債 。

中 國 及 日 本 不 斷 買 美 元 資 產 ， 來 資 助 美 國 利 率 及 支 持 他 們 不 斷 買 入 的 美 元 資 產 。 然 後 美 國 人 將 已 超 買 的 資 產 拿 來 再 抵 押 ， 套 取 資 金 去 買 中 國 生 產 的 DVD機 。 用 這 樣 的 方 法 去 支 撐 世 界 實 在 何 等 荒 謬 ﹗ 一 個 已 沒 有 儲 蓄 的 國 家 貿 赤 逆 轉 ， 不 是 會 不 會 發 生 的 問 題 ， 只 是 何 時 發 生 的 問 題 。

Keep caution! The purpose of publishing these articles may just want to 逼人民幣升值, but it also shows the unhealthy economic situation in USA nowadays.

處女座的由來

農業女神得墨特爾和宙斯大帝育有一女普西芬妮，有一天普西芬妮在野地摘花時，有朵從為見過的美麗花朵正盛開著，正當她伸手要摘時，地面突然裂成好幾塊，就掉下去了。母親得墨特爾誓死也要找回失蹤的女兒而四處尋訪。看到所有事情經過的太陽神赫利俄斯乃告訴得墨特爾，因冥王海德斯欲娶普西芬妮為妻，而將她帶回地下，得墨特爾因為悲傷過度而使植物枯萎，大地一毛不生。宙斯看事態嚴重，乃向海德斯說情，可是海德斯在普西芬妮要走時，拿了冥界石榴給她吃，普西芬妮因為可以離開，高興吃了四個，結果被迫一年有四個月要留在冥界，這四個月就變得今日萬物不宜耕種的冬天，普西芬妮一回到人間就是春天，得墨特爾就是處女座的化身。

全球回收問題藥「萬絡」

本港普遍使用的一種美國生產消炎止痛藥「萬絡」(Vioxx)，由於發現會增加心臟病和中風的風險，生產商默克(Merck & Co)宣布全球回收，衛生署正跟進事件。

「萬絡」屬新一代止痛貴價藥，價錢較醫管局常規止痛消炎藥NSAID高6至7倍。在藥廠未發現此藥有問題前，內科醫生、骨科醫生、藥劑師亦認為此藥療效高、副作用小，能減少舊型風濕藥引起胃出血的副作用。

「萬絡」 主要用在風濕關節、肌肉和關節痛，藥廠發現病人用藥18個月後，會增加患心臟病和中風的風險。估計全球有200萬人服用此藥。

好多人都以為用新藥較好, 但係實際上好多新藥未經長期副作用測試已經出街售賣,買左呢d新藥既病人変相做左藥廠既白老鼠.好似今次隻vioxx咁,就係試試下先發覺隻藥可能會增加患心臟病和中風的風險, 但係隻藥係街已經賣左幾年,服食左既病人不計其數,影響幾大可想而知.反之舊藥副作用無錯可能會多d,但係最重要係用左咁多年佢有mud副作用已經一清二楚,所以係安全既層面上用舊藥係會比較好.如果唔係食食下止痛藥中風你依家知發生mud事啦~

泰國出現首宗懷疑人傳人的禽流感

泰國出現首宗懷疑人傳人的禽流感個案後,總理他信要求七十六個府的首長,及各主要醫院的負責人,到首都曼谷出席緊急會議,商討處理疫情的方法.
泰國衛生部證實, 一名上星期病逝的二十六歲女子,是死於禽流感Ｈ５Ｎ１病毒,相信她是照顧懷疑死於禽流感的女兒時受到感染.

世界衛生組織駐泰國的代表就說, 禽流感人傳人的情況可能已經發生, 但並無對公眾衛生構成重大威脅, 公眾毋須恐慌. 不過,有專家就警告,每次有人感染禽流感病毒,病毒變種的機會就會增加, 病毒更容易在人類間傳播.

ps. 求神拜佛禽流感千其唔好傳到黎香港呀,13000點依家已經危危符,若果仲發生d咁既野恆指唔見幾千點真係唔洗問點解!

I'll be ok, go find your love today,
Searching everywhere,
A lot of sunshine's waiting for you.
Don't be afraid,
You'll find your love one day,
Tell me that you do your best for me,
I believe in your faith.

I can see, a burning flame,
It is your future waiting for you.
Hold my hands, and give me your word,
Believe in what you do and you will be ok.

I'll be ok, go find your love today,
Searching everywhere,
A lot of sunshine's waiting for you.
Don't be afraid,
You'll find your love one day,
Tell me that you do your best for me,
I believe in your faith.

白宮冰室 Pak Kung Cafe

除左懷舊之外相信已經再無存在既價值~

叫左個茶餐, 有:
1) 雪菜肉絲麪 -- d麫勁林, 完全冇咬口, 失敗!

2) 火腿奄列 -- d蛋老, 離晒譜!

3) 凍奶茶 -- 只得茶味完全冇奶味,既唔香亦唔滑,差到唔識型容!

如果我係老板我一定將個廚師凌遲處死~

地址:土瓜灣馬頭角道91 號地下
電話:2362-2276

04 下半年大事件日期

要投資,有d大事一定要知~

8 月 10 日 美國聯儲局會議
9 月 12 日 立法會選舉
9 月 21 日 美國聯儲局會議

跟住黎既有

10 月 行政長官公布施政報告
11 月 2 日 美國總統大選日
11 月 10 日 美國聯儲局會議
12 月 14 日 美國聯儲局會議

<< 金 枝 慾 孽 >>峰迴路轉大結局話你知

<< 金 >> 劇 愈 播 愈 有 戲 味 ， 四 女 角 的 鬥 爭 更 見 白 熱 化 ,結 局 篇 的 劇 情 更 峰 迴 路 轉 !!

呢度有得睇~
http://forum.uwants.com/viewthread.php?tid=644480

你對電腦懂多少？

partI口試主管：你對電腦懂多少？

應徵者：懂一點...我戴過電子錶，玩過任天堂，房間有一台電視...還有我看過同學用DOS開機，兩次.......

口試主管：下一位！

PartII口試主管：你對電腦懂多少？

應徵者：嗯，那要看是哪一種電腦了。一般的超次掌上型矽單晶片時脈輸出電腦(電子錶)較簡單，我小學時候常常使用他的解譯編碼作業流程(指鬧鈴功能)。至於多功能虛擬實境模擬器(任天堂)就複雜得多，不過我曾經完整測試過許多靜態資料儲存單體(指玩卡帶破關)。長大後我對於複頻道超高頻無線多媒體接收儀器(電視)開始產生興趣，每天晚上都會追蹤特定頻道的資料(指八點檔)。至於傳統的數位電腦，我手下的一位工作伙伴(同學)經常在我的監控之下進行主儲存矽單體與磁化資料存取器之間的信號交換(指DOS開機)...

口試主管：明天開始上班。你的配車在地下二樓，附車位，這是鑰匙...

抗藥性病菌

近十年香港抗藥性病菌有蔓延趨勢,好似抗藥性綠膿桿菌,抗藥性金蔩萄葡桿菌等等.一但不幸染上以上兩種病菌,除了靠自身免疫能力之外,並無任何藥物能夠醫治,即係重衰過有愛滋!

惡菌蔓延,部份原因乃醫生濫用抗生素,或病人不依照醫生指示完成整個抗生素療程,導致病菌帶有抗藥性.一但所有抗生素(其實可選種類一隻手數得晒)都冇效既時候,你已經一隻腳踏進了鬼門關,如果最後防線自身免疫系統都失效既時候,上定落就睇你在生時既做化喇.

呢個問題其實應再加以重視,如果唔係人類絕種並非遙不可及既事~

譚仔雲南米線

記得讀IVE個陣,睇飲食男女話長沙灣有間好食既雲南米線,二話不說堂都唔上千里迢迢由杏花村飛地鐵去譚仔試菜,結果從此就同譚仔結下不解之緣.

出名辣,仲要係好X棘.如果食得辣,你應該會食得好開心.佢既麻辣辣得黎夠香,越辣越要食,完全食到停唔到口.唔食得辣既我試過小小小辣之後以後都忍唔住食左幾十次先轉叫清湯底.

呢2年不斷開分店,由深水步開到佐敦,就知佢有食力,出名既有:

土匪雞翼($2O)
雲南過橋米線($31)
豬潤竹笙米線($19)
蒜泥白肉

佐敦分店剛新開張,開張優惠米線加多杯凍/熱飲品都係加多1蚊啫!仲等,快D去試下啦! ^__^

地址;九龍佐敦道36號
電話:23O2O982

東強電子集團有限公司 (615)

工業股,上半年業績倒退的影響,公司股價上周五大跌30% 至現價0.6. 息率約5厘.

>0.6 -- 不作考慮

0.6 -- 抵
0.5 -- 好抵
0.4 -- 好鬼抵
0.3 -- 2 個字, 訓身!!

要注意既係,買之前要做好捱價準備,即係最少係2年之內呢筆錢當不動產,冇左佢都唔洗死. 自己會用平均成本法投資此股票, 即係:

>0.6 -- 唔買

0.6 -- 買~10000蚊
0.5 -- 再買~10000蚊
0.4 -- 再再買~10000蚊
0.3 -- 再再再買~10000蚊

你可以見到今次係無定止蝕位，無錯，最主要係因為對佢有信心，而且贏面大．因為佢既股價現正處於超賣狀態，保守估計２年最少升２成．不過股票始終有風險成份，贏面再大都係有機會輸（好似２１點手揸２隻公仔都輸俾莊家２１點，唔係講少自己真係試過～！！），因此以上意見僅作參考之用，係贏係輸都係睇你自己～　　　

上海A股

15/9寫過話買上海A股,唔夠1個盅禮拜升左over 25% 由1300升到1530,睇住佢升但係mud都做唔到,慘~

匯豐法興五零三沽<04511>

匯豐(5) 由5月份既107 升到今日收市既123.5,個人認為上升既水位已經越黎越少.反之下跌機會越黎越大. 雖然加息係利好匯豐(5) 既消息,但我深信"有升有跌"既道理,所以係時侯考慮買沽輪.

先至聲明沽輪只宜短炒,因為佢既價值會隨住時間而下跌, 簡單黎講佢既價值長遠會不斷下跌至到期日既"0"為此.大家可以參考9982或9903,睇完之後就知有幾恐怖!!

咁點解仲有人會買d價值不斷下跌既野呢? 咁係因為佢最吸引人既地方係佢既槓桿原理.即係正價股升10%, 佢就升唔止10%. 好似今次隻4511咁, 如果匯豐(5) 由123.5 跌至 122 even 121, 4511 升幾多冇人會估到, 但以過往經驗睇升幅最少1成甚至5成都見過,正所謂富貴險中求,呢個就係仲有人買輪既原因喇.

4511 (21/09/2004) 開始進行買賣.到期日05年3月.如果匯豐(5) 升到125樓上, 我會睇價買~10000蚊考眼光,楂2日no matter win or lose,即走!

譚魚頭火鍋 Tanyoto Hotpot Restaurant

正日生日, 原本全日係工作中渡過.點知份工放早左．幸有好友陪我，免我正日孤家募人．唔洗講野食餐好既先~

上到去有d人係門口等位, 好在2個人易搵位, 所以直入唔洗等. 坐低叫左麻辣同海鮮湯底, 加埋2個人每人限定必要半邊魚頭, 都已差不多成百一蚊, 我地另外點左:

１）美國牛肉 -- 真正雪花肥牛，好．
２）羊肉 -- ok．　
３）手打墨丸,蝦丸 -- 香甜爽口，惦！
４）三文魚＆象拔蚌剌身（9:00後＄６８) -- 新食法，三文魚放湯１５秒，三文魚変得外脆內軟，正～
５）桂花蚌 -- 爽,甜,鮮,脆，食到停唔到!
６）蔕子 -- ok．
７）賴尿蝦(9:00後＄19.8 一隻） -- 大隻，多肉，抵食．　　

自己幾鍾意個海鮮湯底, 不過越飲越濃,因為佢地直接加湯而唔係加水. 強烈推介椰皇水,非常解渴及辣 ~!! 侍應服務幾有禮貌．埋單2個人幾近六百, 仲要係d野已經特價左(9:00pm後),真係幾貴下～

地址:旺角彌敦道639號雅蘭中心5樓食閣全層
電話:2381-3999

北京酒樓 Peking Restaurant

好開心中學好朋友同小弟慶祝生日,係度同咁多位講聲多謝先.訂左位去到都要等十幾分鐘....因為真係好多人幫襯.但係企係果D樓梯度等就唔係幾聚財咁囉,俾人誤會就唔係咁好啦~

食左:
1) 山東燒雞 -- ok. 不過唔係想像中咁好.
2) 炒 拉 麵 -- 一睇就知手拉, 係機整既話買定部新既都得.
3) 賽 磅 蟹 -- 好. 不過個人認為鹿嗚春好dd.
4) 北 京 片 皮 鴨 -- ok. 不過不失.
5) 酸 甜 炸 大 蝦 -- 幾好. 蝦肉食落爽脆.
6) 酸 甜 魚 塊 -- 幾好.
7) 小 籠 包 -- 合格. 夾落冇穿冇爛.
8) 高 力 豆 沙(送既) -- ok啦 ~
9) 扒 津 白 -- 幾好.

埋單1010,算抵食.侍應有D串,但係亦算係佢地既特色!

地址:油麻地彌敦道227號1樓
電話:2735-1316

各地發展"不平衡"威脅全球經濟成長

聯合國貿易和發展會議 (UNCTAD)組織周四表示，經濟發展不平衡，尤其是美國難以維繫的雙赤字及歐元區的限制性政策，危及全球經濟成長。

聯合國貿發會議組織表示，美國作為拉動世界經濟增長的火車頭，是否還能維持2003及2004年上半年的經濟發展勢頭，十分令人懷疑。

買左出口股既就要小心啦~

然後然後

祈求誰沒有 那結果卻可滿足多久
愁懷誰沒有 然而誰可解救
一堆失意人 各自借用對方的安慰
時間到了 始終要走

情人誰沒有 卻會因過於了解分手
其時還內疚 為何從不去補救
當哀傷過期 發現世上太多可擁有
沒有愛人 仍然可自救

分的分走的走去的早已去慣
趕一天醉半晚便能填補空間
得一些失一些淡得不會再淡
心想哭卻會笑做人何必多貪

然後然後麻木過一晚
然後然後一切習慣

然後然後麻木過一晚
然後然後才合得上倦眼...

上海A股
好想買上海A股,可惜唔買得.如果唔係肯定發達. 1300點差唔多見底, 再加上查史美倫停職同埋高盛取得投資牌.上海A股好大機會苦盡甘來, 最少都做馬都做番個似樣D既升市, 如果唔係點引d羊姑落叠赚佢地d錢~

囚徒困境
今日係蘋果睇到--

被 捕 兩 「 槍 匪 」 獄 中 相 識

【 本 報 訊 】 前 日 在 深 水 被 警 方 起 槍 拘 捕 的 兩 名 劫 匪 ， 乃 獄 中 相 識 ， 出 獄 後 拍 檔 「 搵 食 」 專 劫 長 者 ， 但 最 近 兩 人 疑 因 不 咬 弦 竟 互 篤 背 脊 ， 一 人 被 捕 後 ， 以 為 被 對 方 出 賣 供 出 一 切 ， 結 果 同 告 落 網 。

呢則新聞其實唔係咁吸引,直到我睇到上面幾句. 最近睇緊一本書叫"博弈遊戲" or "Game Theory". 博弈係d咩呢? 博弈其實係一种策略既互相依存狀況,你既選擇將會得到什麼結果, 取決於另一個或者另一群有目的的行動者既選擇.簡單黎講即係你做每個決定所得既結果唔多唔少都會受其他人所影響.書中其中講述既囚徒困境,以上剪報正正係一個活生生既例子!

人生其真係一個永不停息既博弈過程. 想知道點解每次計劃左既野硬係得唔到自己所預期既結果? 呢三十蚊就唔好慳啦~

6 次 贏 4 次 輸

繼 建 滔 （ 148 ） 之 後 ， 另 一 扶 手 棍 大 酒 店 （ 045 ） 終 於 在 香 格 里 拉 （ 069 ） 的 帶 動 下 有 些 表 現 ， 對 比 當 日 推 介 的 價 錢 ， 只 不 過 高 出 6.7% ， 但 這 個 幅 度 ， 對 追 求 短 線 回 報 的 炒 手 而 言 ， 已 經 算 是 及 格 。 從 筆 者 與 散 戶 接 觸 所 見 ， 這 類 型 炒 賣 的 建 議 最 受 歡 迎 ， 回 報 快 又 有 滿 足 感 ， 其 實 自 己 也 將 基 金 部 份 注 碼 撥 作 炒 賣 用 途 ， 否 則 今 年 累 計 表 現 會 更 差 ， 不 過 投 資 正 途 ， 還 是 長 線 等 公 司 增 長 。 這 種 炒 炒 賣 賣 捕 捉 資 金 流 向 的 行 動 ， 對 操 作 的 人 而 言 ， 是 一 種 甚 大 的 負 累 ， 一 成 以 內 的 上 落 幅 度 ， 往 往 沒 有 特 別 意 思 。 本 質 不 外 是 捕 捉 對 手 口 味 ， 尋 找 更 大 的 傻 瓜 ， 在 更 高 位 接 火 棒 。

忠忠直直, 唔通真係...

＜香港主板擬發行新股一覽表＞
下列為計劃在香港聯交所主板上市的公司:

1. 中國電力國際--中國五大發電企業之一
2. 中國網通 -- 中國網通是中國第二大固話運營商
3. 和記國際電訊(HTIL) -- 持有和黃在香港、印度、以色列以及其他新興的電信業務
4. 民生銀行 -- 望通過此次IPO籌資約10億美元
5. 中國國際航空--中國航空產業的旗艦
6. 佳通輪胎-- 佳通輪胎是中國最大的輪胎生產商
7. 神華集團不--神華集團是中國最大的煤炭生產商
8. 東風汽車公司--中國第三大汽車廠商
9. 深圳能源集團--中國南部供電企業,受到政府支持

去曼谷的一百個理由

尋日係BT既網頁中Download左一套吳君如主持的一個旅遊節目"去曼谷的一百個理由"。一直都知道曼谷多野玩多野食多野睇兼夾夠平，但一路都只限於耳閒，現在則有幸目睹，絕對比一路聽聞既更正!！好似入面介紹一間係62樓既露天餐廳，嘉亨灣270度完全100巴仙飽覽曼谷全夜境。個仲擁抱大地，天人合一既感覺完全令人忘然進入豁達既境界(開始語無倫次）......如此良辰美境再加上六星級既美食都只係位位三百大洋咁大把啫。邊位大哥大姐有興趣去泰國記得call埋我呀!!

黄耀明[明日之歌]
黃耀明的一切，彷彿與潮流、80年代有不可分割的關係. 究竟是黃耀明再次帶起80年代潮流，還是80年代已靜悄悄的回來了﹖全碟舊歌返唱, 有唔少返得幾出色. 好似" 一二三上海滩 (上海滩+万般情+上海滩龙虎斗) "混合版,"小时候 "迷幻版同埋蔡德才編曲既現代版"狮子山下".自己特別喜愛獅子山下, 人多唱真係特別有feel~

忽發奇想人人依家都鍾意懷舊,60年代,70年代,80 年代咁.50年後唔知我地會有d mud俾人地去懷舊呢??

飲食業術語
係第二個度見到, 又幾鬼盞鬼
唔少大家都好熟悉ga啦～

下火 = 皮蛋廋肉粥
擺尾 = 魚片粥 (艇仔粥？)
靚仔 = 白飯
靚仔化妝 = 白飯加豉油
吉水 = 清湯
細腩白底 = 細牛腩沙河粉
細蓉 = 雲吞麵
細食 = 淨雲吞
走青 = 唔要蔥
乾上 = 唔要湯
加底 = 加多一點飯或麵
扣底 = 減少飯或麵的分量
炒底 = 改白飯底做蛋炒飯
砂底 = 飯焦 (食煲仔飯時)

道家思想的投資智慧
人間世上一切概念
價值都是人所設定
價值判斷都是由比較而產生
而對立的關係是經常変動著的
所以價值判斷也是經常変動著

面對這些変動
我們一定要淡然處之
不要庸人自擾就可以

股價是主觀的
面對這些変動
不要庸人自擾
我們一樣要淡然處之

電盈(0008)
一波調低電盈(0008)評級至「遜於大市」，目標價降至4.5元，因其盈利增長雖符合預期，惟屬稅項減少及一次性投資收益所致。高盛認為電盈前景難以樂觀，大摩則指電盈營運數據疲弱，維持「減持」投資評級，目標價為5元，電盈股價中午收報5.25元，挫0.25元或4.6%。

冇息派,死.
有息派,都死.
電盈真係.......ai~
p.s. 今日先知曾智華之前原來買左勁多8號仔,仲要係28蚊個陣wor,真係大獲！！

盈科大衍地產
2個2買左一次，個時已經價低。
買左冇耐就跌，2個1又買左次。
冇耐再跌，今次仲金，見個9再買多次。
2個2跌到個9，需時2個月。

咁有信心買咁多次，因為相信佢有極大炒賣潛力。
個9升到2個1，需時2日。
今日432收市價，2個1。

小金井
朋友介紹，平曰夜晚去，唔太多人。好豪，兩人叫左三份定食，半打生蠔。定食有雜錦魚生，秋刀魚同埋金菇牛肉卷。配三文魚壽司2件，蘿蔔牛肉煮，飯或烏冬，面豉湯等等。質素幾好，份量又多，最緊要係夠平。六後特價48。最唔抵食係生蠔，D蠔完全唔肥美，價錢仲幾貴，成88蚊。下次去都係剩食定食算，又平又抵又好味。

地址:深水步東沙島街167E地下
電話:2729-6999

Coffee or Tea
劉德華隻新碟真係幾好聽，可能係今次d歌arm聽．好似藍亦邦作曲既”常言道”，”如果我有事”同埋佢自己作詞既 ”影帝無用”都好正～

影帝無用 (曲：蕭家發 詞：劉德華)
問到我 早已是兩屆影帝
用每一個表情 使你多悲淒
控制了觀眾 脆弱小的心靈
去令一切多麼璀爛綺麗

問到我 面對愛與惡交替
到底怎有可能 聲勢攀天梯
聽見記者發問 沒半句無禮
冷靜的說 一一解答各位

能演一切好東西
無論戲份再少都花卻了心計
為了幹活用半世 沒有一秒浪費
活著是沉迷
從來沒有空 去享受美麗 身邊的一切
誰盼望一人麻木了在影圈獻世

若問到我 願意再配上影帝
每篇精湛演詞 總覺得心虧
要訴說的意願 在最後枯萎
戲外一切 怎麼轉告各位

就算沒燈光照亮的天際
綻放著雙肩曲線的美麗
誰盼望一人麻木了在影圈獻世　

宜phone餐廳
六, 七十年代餐廳格局。見Openrice d 網友對此餐廳有不俗評價,故特與友人前往一試, 點知…
d 扒味道一般, 但配搭新鮮.好似鐡板牛柳配田螺 ($48), 之前真係未見過。
但當日服務態度惡劣,侍者毫無笑容。order出錯, 黑椒汁変蒜容汁,蒜容汁就変黑椒汁. 右唔問人個扒幾成熟, 結果個扒黎到生既一樣, 食扒咁耐都係第一次.~
扒跟牛油方包加凍飲都係50蚊鬆d, 係幾抵食。
老實講真係有小小失望, 希望下次有機會再試時情況會有所改善。

鄭和下西洋
近來對鄭和很有與趣。為宣揚明朝國威,一個明朝太監統領一隊可攻打任何一個國家既軍 隊, 聯同船員一同下西洋,故事已經夠引人入性。最近更有驚人發現, 原來發現美州新大陸第一人原來並非哥倫布, 是鄭 和。哥倫布那時手上的有關美州大陸的地圖原是鄭 和所繪製. 身為中國人實在值得引以為傲。歷史更會因此而改寫。鄭和下西洋致今近六百年,華人航海家翁以宣將沿住六百年前 明代鄭和下西洋航海路線 ，用八個月重溫當年海上旅程 。在此僅祝一帆風順,凱旋而歸~ 

「朗豪坊」
未開業已話題不絕的砵蘭街超級購物商場「朗豪坊」Langham Place，將於10月開幕。這個大型商場將雲集多個名牌，而I.T旗下的i.t、http://www.izzue.com、b+ab、it's Mickey、Arnold Palmer及double-park等品牌也會陸續進駐，並於10月舉行秋冬時裝展。

這個集智能商廈、5星級酒店及超潮大型商場的砵蘭街新地標，果然夠先聲奪人,相信砵蘭街黃色事業離黃昏不遠矣。

自知之明
歌手：藍奕邦 作曲：藍奕邦 填詞：藍奕邦 編曲：藍奕邦, 李漢金
 
沒有可愛面孔　不懂嘩眾取寵
未太懂去用言語誇張掩人耳目
一早知道沒那種資格
營造氣氛欺騙觀眾
但那青蛙亦有公主包容
 
沒有趣緻賣相　只得一對手掌
一邊唱一邊彈　平凡變得漂亮
沒有那個大志去當萬人迷
當了還覺得牽強
 
沒有想怎麼討好所有人
只知道安守我小小本份
不愛用半句埋怨博取一個憐憫
唯有專心做個知足的人
 
沒有咋舌技倆　都不必太緊張
醜小鴨跟天鵝　同樣發光發亮
沒有興趣為某君裝扮模樣
堆砌盛世來鋪張
 
沒有想怎麼討好所有人
只知道安守我小小本份
不愛用半句埋怨博取一個憐憫
從未厭棄過自己身份
 
就算我知音只一個人
給他去欣賞過仍是有幸
自己都知道還有那一些我沒有
唯有專心做個知足的人
 
我也不稀罕討好世人
之所以不需多修飾缺陷
不要護蔭更何況我不需要憐憫
從未怕看到這麼逼真
 
就算我知音只得這鋼琴
都不要緊反正我很開心
自己都知道沒有法子可以完美
唯有安心做個簡單的人
 
沒法逼你欣賞　給我尖叫鼓掌
但至少我就此發表清楚我立場

在當今亞洲幾個華人聚集的地方
香港：一切准許，除非法律禁止。
新加坡：一切禁止，除非法律准許。
台灣：一切准許，包括法律禁止。
中國大陸：一切禁止，包括法律准許。

成功要訣
My friend send it to me these day~
It remains me sth very important but simple which i have forgot long time ago!!

成功要訣 (做任何事):

K - Knowledge 知識

A - Attidue 態度

S - Skill 技巧

H - Habit 習慣

金域苑越南餐廳
啱啱係高登買完啦叭，仲未食晚飯，見呢間餐廳未幫襯過，就試呢間。
我同個fd叫左晚餐，有前菜主菜再跟個飯。
我叫左酸棘诲哲、越式牛柳粒再跟個紅飯。
我個fd就叫左蝦餅、香燒豬頸肉跟咖哩鈑。
我哋再叫左個特價小食蔗蝦一對。
蔗蝦幾好食，其他都oK。埋單百一，晚餐黎講算幾抵。我哋9点幾食到十点幾，番枱真係未停過，勁!

地址: 九龍深水步福榮街110號地下
電話: 23872722

盈科大衍地產發展(432)
小小超財技了得眾所周知，電盈（０００８）早排趁聯交所收緊借殼上市新例生效前，成功將地產業務「唧」入「殼王」陳國強上市王國中東方燃氣（０４３２）入面，最終達致電訊同地產業務分家功效。

東燃一朝飛上枝頭變鳳凰，成為電盈地產業務旗艦，「燃氣」個名似乎同地產扯唔上關係，改名乃遲早事。上月底，小小超終於對改名一事有定奪，決定將東燃改名為「盈科大衍地產發展」。據講，「大衍」呢兩個字係來自《易經》，意思除解作大變化之外，亦可解釋為繁盛、豐收同發展快速等意思。小小超改名都咁有心思，梗係希望公司生意愈做愈大，愈大愈繁盛啦！另外，小小超仲請有「蘭桂芳之父」之稱兼現任海洋公園主席盛智文，入Ｂｏａｒｄ擔任東燃非執行董事一職添。

東方燃氣（０４３２）本身已值2蚊, 但係加左電盈地產業務之後呢?理論上價值點都唔只值2蚊,就算係4蚊股都一d唔過份。但係依家佢既股價都係2蚊左近,真係E家唔買真係唔知等幾時!

陶傑講得好

節錄自今日生果報新聞版

7.1 大 遊 行 ， 一 之 為 甚 ， 其 當 可 再 ， 是 香 港 民 主 意 識 的 提 升 ， 對 九 月 選 情 又 注 入 了 不 可 預 知 的 變 數 活 力 。 更 重 要 的 是 港 人 的 民 主 訴 求 已 經 變 成 「 結 構 性 」 的 民 意 抗 爭 ， 而 不 再 是 一 時 的 意 氣 ， 派 糖 果 沒 有 用 了 ， 因 為 香 港 人 長 大 了 。

然 而 ， 中 國 需 要 制 訂 一 套 對 港 的 全 新 政 策 思 維 ， 拋 棄 君 臣 、 父 子 的 傳 統 思 維 包 袱 ， 視 香 港 人 為 博 弈 的 夥 伴 對 手 ， 放 下 身 段 ， 寬 容 異 見 ， 但 這 正 是 一 黨 專 政 的 終 極 盲 點 。

中晒!

堡獅龍（０５９２）
隨著香江經濟復甦，企業盈利能力紛紛好番，近排有唔少公司成績表現唔錯之外，仲派送豐厚，吸引食息買盤蜂湧而至大舉掃貨，刺激股價飛升。繼早前修身堂（８２００）、迪生創建（０１１３）、莎莎（０１７８）、麗盛（１００４）同隻堡獅龍（０５９２）等因績優兼派送佳被炒上後，今日（２日）再加埋隻先思行（０５９５）亦受同一個原因被掃上。除在炒息優息厚之外，迪生（０１１３）、莎莎（０１７８）同堡獅龍更加埋自由行因素，其中隻堡獅龍仲狂追落後，今日大彈近１８％，真誇張！

堡獅龍（０５９２）可謂苦盡甘來.由此可見一間公司如果係質素夠好既有進步既做到成績既,遲早一日會俾有心人炒高股價. 講緊既升幅唔係用巴仙而係用倍數黎計! 不過賺呢d錢先決條件係要好有耐性,當然唔少得要眼光獨到啦.好似今次隻堡獅龍咁,年頭買左(04年1月: 0.30-0.4)有幾發都唔洗多講,好可惜有唔少人係近日好消息洗腦之下依家先高追又唔識放既(1.8-2)通常都註定係悲劇收場.始終股價既升跌只係一個人為既數字遊戲..

佑威(627) VS bossini(592)
bossini(592)係12月發表之中期業績只賺3百幾萬
多得d參加"豉油行"既祖國同胞
昨天公報之全年業績卻升至1億幾
12月股價0.35, 到今天股價1.7

佑威(627)係12月中期業績賺3千幾萬
佢會係下個月中公報業績
有人話最保守佑威至少賺1.8億wor
但係現在股價同12月股價都沒咩上落, 都係0.42...

其實0.42已經係近年高位黎架啦
不過都值得諗諗既~

好開心, 真係好開心.
今日收到封e-mail. 原來係我degree course 個阿sir佢竟然話我份功課做得好,要send 俾其他同學仔睇俾佢地"觀摩"下wor. 真係發...夢都估唔到.今次真係~

好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心好開心^__^

聯婚

西式 ~~~~~~~~ 歐周聯婚
中國式 ~~~~~~ 莊香聯婚
果汁式 ~~~~~~ 陸寶聯婚
緊急式 ~~~~~~ 馬尚聯婚
糖黐豆式 ~~~~ 張胡聯婚
劇毒式 ~~~~~~ 劉黃聯婚
來賓式 ~~~~~~ 龔賀聯婚

草根式 ~~~~~~ 龍民聯婚(農民)
午餐式 ~~~~~~ 伍范聯婚
鼓樂震天式 ~~ 羅古聯婚
奉旨式 ~~~~~~ 魯馮聯婚
開胃式 ~~~~~~ 莊樊聯婚
不負責任式 ~~ 吳李聯婚
高貴式 ~~~~~~ 黃金聯婚

大開殺戒式 ~~ 湯朱聯婚or湯楊聯婚
百年歸老式 ~~ 宋鍾聯婚
動物園式 ~~~~ 洪朱聯婚or楊馬聯婚
身體式 ~~~~~~ 侯龍聯婚
賤人式 ~~~~~~ 毛梁聯婚
偷懶式 ~~~~~~ 佘王聯婚

香煙式 ~~~~~~ 洪萬聯婚
地下式 ~~~~~~ 施夏聯婚
古惑仔式 ~~~~ 江胡聯婚
水果式 ~~~~~~ 香招聯婚

排泄物式 ~~~~ 史廖聯婚
洗手間式 ~~~~ 柯史聯婚or柯廖聯婚
馬桶式 ~~~~~~ 莊史聯婚or莊廖聯婚
沖廁式 ~~~~~~ 柯袁聯婚

重有一個係好恐怖 : 就係 -
葉袁聯婚, 我親眼見過, 差D笑到訓街!!!!!

平安跌破招股價

今次平安(2318)一上市已經面對龐大沽壓，遭德意志證券亞洲有限公司狂質，真係發夢都冇諗過。即使保薦人高盛掛出場面壯觀既10億買盤(成版都係!)，但仍難保平保股價，25/6午市平保終於跌破招股價，收報10.3元。


(3455 = 高盛(亞洲)證券有限公司, 7180/3 7185/9 及 7190 = 德意志證券亞洲有限公司)

我抽到2手,依家策略將會係轉為長線投資。雖然佢市盈率高左d,但係佢既質素優於其他中資保險股。作為一個價值投資法既支持者,我對平安仍然充滿信心。

香港將會步入通脹時代

快餐店一直被視為零售業寒暑表，過去五年飽受通縮影響鮮有加價行動，但係原來已經有個別經營者靜靜起革命，小朋友至愛「麥記」麥當勞同香江快餐店鼻祖大家樂（０３４１）加價一成，大快活（００５２）正考慮相同舉動，而美心就話評估緊市場情況。

多家快餐店異口同聲咁話，內地食品價錢上升同美元疲弱，令到來貨平均上升兩成，尤其是食米同豬肉方面，所以逼不得已要加價。分析員表示，相信呢個趨勢好快會蔓延至其他零售業，估計到時困擾香江長達超過５年通縮將告終，並重新步入通脹時代。

步入通脹時代,零售股(e.g. 330, 393, 709,647),快餐股(e.g. 341, 52)都值得留意,買完平安有d錢剩, 要好好物色新既投資機會至得。

打工

如今打工甚淒涼 返工慘過去打仗
其實只係為兩餐 唔係打劫唔係搶
只望兩老能安樂 養妻活兒咁平常
究竟有乜咁哀傷 不如大家來參詳

搵工已經夠惆悵 見工更如入墳場
首先唔好太衰相 十八武藝要高強
天文地理電腦科 AQ EQ 加智商
多國語文要熟練 "今晚打老虎"夠響
考你乜叫甲骨文 唔係上市軟件商
JAVA可以邊度搵 唔響印尼係太陽

看更原來識雞腸 掃地都要寫文章
學士碩士唔馨香 因為博士都在場
人工一定唔理想 七仟左右已中上
十二個月無雙糧 兩年合約要裝香
半年之內有工返 已經算係好收場

開工應該喜洋洋 點知世態更炎涼
管理之名樣樣理 萬人之下一人上
資源增值好榜樣 以為發揮你所長
光管燒左等你換 影印食紙你當殃
電話唔通都關事 水廁唔通你清場
電腦壞左要識整 發現病毒要早響
食飯最多半個鐘 大小二便難舒暢
中港兩地四圍走 遲早去阿塞拜疆
仲要出街收爛賬 朝早做到午夜場

公司人事要攪好 唔係就李代桃僵
對付下屬要讚賞 對住上司要讚揚
對待同事要禮讓 對住老板扮羔羊
老細個仔問功課 資料搜集你擅長
芝麻小事難卸責 唔識都要頂硬上
上司老板夠無良 病都要做鬼體諒
同事犯錯有你份 仲要鬧你正粉腸
開會猶如打靶場 比人插到啪啪響
翻開肚皮睇全相 鬧完仲要拍手掌

工餘進修係妄想 回家食飯無相量
想話請假來休養 老細面似屎一樣
晚晚加班做七日 唔通個個嫌命長
日日返工似喪屍 十足幾年無沖涼
大假以為好安樂 手提電話日日響
運動要響公司做 逐箱"快勞"搬埋牆
老細生日當娛樂 週年聚餐齊歡唱
笑臉迎人裝模樣 當正自己做歡場

以上所講無誇張 全是打工眾生相
奉勸各位打工仔 積極求存為至上
年尾流流高危日 偷懶都係咪咁揚
香港打工係咁樣 大聲疾呼"吹X 漲"

......ai~

我要做Model

用一個字形容呢套戲: "爛"
用兩個字: "垃圾"
無聊, 硬滑稽, 仲衰過王晶D戲, 看完想嘔。
簡直恐怖,今時今日重拍呢重爛戲。
唯一真係好笑得詹瑞文酒樓拆賀禮個幕, 笑到 PK.

相比之下龍咁威真係好好多～

史上十三大謊言

網站：我們是免費的。
警察：我們是為人民服務的。
售貨小姐：這件衣服真的很適合你！！
地攤老闆：這件是最後一件，算你便宜啦
影視明星：我們只是朋友關係。
高官致詞：下面，我簡單地講兩句。
父母：我幫你把紅包存起來了。
太太：（出門前化妝時）馬上就好！馬上就好！
老公：（一面盯著別的女生）她哪有你漂亮？？？
食品包裝：保證不添加防腐劑。
政客：我一分錢都沒收。
男人：乖…不會痛的…
女生：我們還是可以當朋友的

大陸會攻打台灣嗎?
會，不過相信係08之後。今日閱報得悉江澤民將躍升十數位上將，得多人惴測他會否為任內攻打台灣做準備。不過我相信大陸o8年前都唔會攻打台灣，理由有三。

第一，大陸攻台必需要一個大藉口，好似阿扁宣佈台灣獨立。但係呢個情況美國係絕對唔會容許佢發生。發生左有起事美國都冇大條道理去插手。

第二，呢幾年大陸經濟快速增長，打仗肯定會對區內經濟產生嚴重甚至致命打擊。中國肯定更難圓富國之夢。再者台灣人對中國普遍反感。俾你強奪到佢既肉身，亦肯定不能奪取其心。到其時善後工作定必難辛。

第三，亦係最重要的一點，全世界都知08北京奧運，如果大陸攻台，無論成功失敗都好都勢必遭其他國家杯葛。中國咁辛苦爭個主辨權番黎又點會忍心將佢毀於一旦呢。

不過點講都好，江澤民係07就必須除下軍委主席職務。換轉你係江澤民丫，你想唔想係卸任之前做一件名垂千古既事先。你要知道呢個係佢最後机會。你唔做就肯定益左胡敢濤。返開中國歷史盡是一幕幕自相殘殺既血湦場面，希望今次係例外啦。

龍蝦
好仲意食龍蝦。一生人總共食過10次左近。試過上湯燴龍蝦，芝士焗龍蝦，咖哩炒龍蝦等等。每款龍蝦既味道都令我難以忘懷。我最仲意佢夠多肉，蝦身巳經夠多，蝦蚶就更加唔洗講。除左多肉有嚼頭外，D蝦殼入味重可以慢慢"算"，好正。不過芸芸咁多仲整法之中，我最仲意係芝±焗龍蝦，當然要加個伊麫底啦。d龍蝦既精華係不知不覺間滲哂入d伊麫入面，芝士既香，伊麫既滑再加上龍蝦肉既鮮，每啖都係至高享受。我要成為龍蝦專家，第一步就係學点揀点煮。九月我將會踏出重要一步。當我学有所成時定必為大家獻技~

銀行都有coupon攞?
有日同事俾左張Newway优惠券過我。睇落張优惠券個size成張银紙咁，即刻攞張紅衫魚出黎度下，点知真係fit到啱啱好。我講笑咁問佢係邊度噤出黎架，佢竞然答咪揸打攞。下,唔係掛? 原來依家揸打d提款机除左有錢噤之外都要資源增值出coupon幫銀行賺廣告費。D优惠券都有好多款下，有飲有食連修身都有。呢个構思真係一绝，HSBC同恆生應該好快會推出同樣服務~

商機系列之一"綠寶"
“綠寶帶俾你清新感受”過廿歲既人幾乎全部都記得既一句宣傳口號。我細細過好仲意飲緣寶。因為果汁先生嗰陣時好鬼貴。細細過時覺得好好飲，大個時就覺得甜得滯。雖然係咁，我仍然好仲意緣宝呢個品牌。佢標誌鮮橙配綠色，形象鮮明，設計有特色。而且耳熟能詳，又廣為人所認織。可惜既係绿宝近年巳经几乎绝迹。其實作为一个咁出名既品牌，发展潜力绝不至此。食住近年既复古风可乘勢推出一系列印有緣寶標誌既產品。睇阿sam D飛咁賣得就知d人幾懷念以前啦。若果成事既話不單掘到第一捅金(因為肯定獨市)，而且能再令綠寶呢个品牌再戰風雲。不過緣宝個條formula真係要改一改。

逆思考
好多人買六合彩都仲意買電腦飛。一來平，二來貪佢唔洗用腦，三來d number又夠random。好多人都覺得買random冧把先有機會中六合彩。但係通過逆思考，我決定做個實驗。以後每期六合彩我都會買。由於每期六合彩既号碼都係random咁抽出黎，所以我就相對咁買死一組number(10, 12, 19, 20 ,37, 46)，直至中左2獎以上為止先轉買新一組冧把。唔知点解我feel到咁買六合彩先至有机会中，仲係机会幾大個隻tim。唔貪心唔貪心，有生之年轉一次number就夠架啦...hehe~

Design club
同朋友慶祝完生日揾地方坐下，結果上左加連威老道一問上樓cafe~
開左唔夠2個月，環境幾寬敞，一定唔會有逼既感覺。去Hei就一流~
近窗有廂坐，可望街景，大梳化可坐成8個人，一班friend齊齊坐就最happy。
價錢中等。大約3o蚊杯drinks。D野飲味道唔錯，佢地改D飲品名尤其過癮。好似紅粉菲菲，少女情懷咁，男人老狗想飲都真係未必夠pork叫。
個度重有玩具玩，不過係oak魚牙醫嗰類智力遊戲，啤牌欠奉。
D waiter 幾nice,仲會同你一齊返tim, 講服務呢度都算超水準！讚！
最正係呢度仲未見有人食煙。總括黎講，４個字　--　好玩抵玩。

地址:尖沙咀加連威老道23號一樓
電話: 29973371

平安保險(2318)
國內第二大壽險公司平安保險(2318)公布，在全球發行13.8億股上市，每股定價介乎9.59元至11.88元，預計集資128.6億元。

發售股份中本港佔6,939.5萬股，備考全面攤薄市盈率介乎22.9至28.4倍，明日起接受公眾認購，星期四中午截止，將於本月24日掛牌。若以每手500股計是次招股入場費為6,000元。

平安招股是近期內最受期待的IPO，其招股價定在2004年預期盈利的22.9-28.4倍之間，大大高於中國人壽目前達18.8倍的市盈率(本益比)。部分市場人士表示平安的定價較高，儘管外界認為該公司的效率和管理均要好於中國人壽。

食粥食飯睇呢鋪~

買股票實賺只得一個方法
蒙牛(2319)首日掛牌，全日收報$4.875，較招股價高24%，收獲算唔錯。唔可以話係意料之內，只可以話今次算幾好彩。我一直認為認購新股贏面較從購買市場上既股票大。當然新既上市公司如果有優質管理層，公司資產优良同埋公司處於該行業既龍頭位置，贏面亦會較其他新股大。好似蒙牛咁，公司只係幾年歷史，業務及盈利已經唔知番左幾多番(唔係貪污返黎架bor)，依家仲不斷擴展緊。蒙牛亦處於大陸乳業第二位，僅次於龍頭大哥光明乳業。良好既紀錄令佢既股價更易得到支持。

不過事實係其實第一日升得咁勁，其中一個主因係因為蒙牛既保薦人摩根士丹利係市場上大手接貨。如果唔係股價好可能不升反跌，而上面d野雖然仍然係事實但係全部都會変成廢話。而邊個會知到保薦人會接貨呢?我相信係我有生之年都唔會知~

買股票實賺只得一個方法，就係要有確實既內幕消息。而邊個會知到d內幕消息呢?我只知道係我有生之年一樣都係唔會有機會知~ 不過我有方法令嬴面大d，就係睇多d分析多d。如果唔係你點會知電盈5蚊係叫抵買，德昌10蚊係鬼死咁貴!

巴黎架啡店
剛剛同D friend 係深水步食完飯 ，九點幾返歸略嫌太早，所以齊齊坐地鐵出旺角搵野搞。途中有人建議上依家好hit 既上樓coffee shop 飲杯野，一致讚成所以齊齊就係油麻地地鐵站近廟街出囗出，跟住就上左去附近既巴黎架啡店。

呢間野都幾耐歷史下，冇記錯第一間鋪好似開係Portland Street附近。個陣時starbucks都仲未係香港有分店，上樓架啡店更加寥寥可數。間店好細間，只係得大概十零個位，不過就好有親切感，感覺好自然同舒服，d 野唔係特別好食但係睇得出係用心去整。

今次呢間巴黎架啡店應該係其分店。有2層，由地下至2樓沿途既樓梯都掛左d好有歐陸風味既畫。上到去一樓間鋪全場爆滿，真係估唔到閑日都咁多人幫襯，上到2摟先搵到位坐。罩眼睇全場d客平均年齡肯定唔過20，全部少男少女。D位分幾仲，有4人卡位，6人圓枱，同埋可以坐成十幾人既軟林林大梳化(真係好想試下!)。近窗位更可欣賞彌敦道街景。冷氣夠勁，燈光柔和，音樂主要為外國pop music。d環境唔錯，係衰在勁多人煲煙。

我地叫左4杯飲品，因為人客太多人手太少，所以d野等足成粒仲至上。d食物質素認真麻麻。薄荷咖啡(廿幾蚊)竟然冇薄荷味，真係有D失望。不過個blueberry cheese cake算係有d驚喜。賣相雖然有d nnt皮nut骨但都算幾好味。

若果想搵處地方hei~下既呢度係幾好，不過對其他野就唔好要求太高啦。
PS: d waitress 都幾靚女架~

地址:旺角登打士街35號地下
電話:2697-7888

深水埗維記架啡粉麫
呢間食肆我相信好多人都聽聞過，撞到個係深水埗住但未聽過或食過維記既我相信同你中六合彩頭獎既機會差唔多。佢最出名既係潤牛麫同加央多。全香港有得食潤牛麪又整得好食嘅茶餐廳真係屈指可數。等左幾個字先有位，同個friend 坐低就即刻叫左:

潤牛麵 -- 出面唔多有得食唔係因為豬潤難處理，而係難整得好食。煮得稍為過火就un切得稍為厚D又唔爽。呢度D潤就真係不慍不火，恰到好處。爽趣，鮮嫩 ，超正。但係牛肉就得個字淋字，冇味！個面就用左8成茶餐廳都樂於採用(因為平)，出晒名難食既”大光麫”。所以個面又淋又唔爽口就預左架啦。不過都唔緊要，因為其實成碗麫最正係個湯底。個湯係用D潤滚出黎，滚到起晒沙，所以你会見到碗湯有好多粒粒同薑 屑係度浮下浮下。個豬潤湯好鮮甜無味精，必試!

咖央多 -- 好的式，係一塊中間擦左少少咖央既厚多，點左蛋漿後放上鐵板煎而唔係油炸。據知呢 度既咖央係由蛋再加牛油同糖打成，有別於一般罐頭椰醬咖央，所以好賣時就要等佢再整，未必即叫即有。方包就照西多士的做法，醮蛋再煎，好香口。

佢呢度有個幾唔好嘅特式就係無餐叫，全部野食都要散叫。你知啦D餐普遍黎講都抵食D架麻，可以吸引多D人黎幫襯。佢無餐食都可以日日坐無虛席，平日下午四點都坐滿，一個人去都要等位。呢D就係”食力”啦。佢地 d伙計落單唔用紙筆，只靠把口但係十分準確，好少落錯單，速度又快，我呢d老人痴呆真係佩服得五體投地。只可惜呢度太早收工，過左下午茶就無得食。D嘢唔算平。潤牛麫17，凍奶荼11，咖央多10。係深水涉食呢個價錢算貴架啦，不過只要係好食既，收貴少少又有mud所謂ar~

地址:深水步福榮街62號及66號地下及北河街165-167號地下D號
電話: 23876561

飛黃騰達 The Apprentice
明珠台逢星期六晚做.
超好睇～

Surviver西裝版. 參賽者有十幾人,有男有女,個個性格分明. 每集Donald Trump(New York大亨)都會踢走一個,佢既評判係主要觀察各人的合群性和肯唔肯承擔來判斷踢走邊個,直到踢到得番一個為止(亦即係winner). Winner可以直接出任Donald Trump其下公司既CEO. 簡單黎講即係一win左就可以坐和黄霍建寧嗰個位. Donald既特點係只以成績論英雄,從不理會過程,情況同現實一模一樣.

下集可以見到Queer Eye 五人組 tim.
熱切期待～

藏元
星期四晚同D friend食飯，諗爆頭最後決定去雅蘭中心地庫搵野食。印象中個度係一個似始創中心以前或者依家既西九靛龍中心頂層food court咁普通架啫，点知落到去mud 都变晒，個度依家大約有6間新既食肆，各式其色，有coffee shopヌ有馬來野，每間餐廳D裝修都幾新穎。我哋嗰晚就入左藏元呢間日式料理, 試左:

1. 牛油煮帶子 -- 幾香，帶子大隻，不過老實講用牛油煮嘅野煮得難食真係有D難度。
2. 魚生什菜沙律 -- 頗大碟，魚生算新鮮 ~
3. 什錦天婦羅 -- 4舊，2菜2蝦，D蝦幾大隻。
4. 芝士焗日式年糕 -- 自己小食，覺得幾特別，煙煙un un咁lor。
5. 清湯煮蜆 -- D蜆比較細隻，冇mud肉食，不過個湯汁幾好味，帶有小小酒香。

睇完個Menu，我個fd就發覺D食物都幾似和民，我自己都有同感。平心而論D野食都oK既，不過相比起和民，我主觀認為和民好似好DD。食個時發生左段小插曲，話說食到中段個陣黎錯左個三文魚刺身，小事一件叫waitress攞走就算la，点知攞走左都冇30秒就有個好似高級D嘅侍應埋黎好似失憶咁又問碟三文魚係未黎錯左，都已經開始覺得有D煩。最搞笑都算係之後竟然有個女經理行埋黎又再問多一次，我心諗依家搞到好似我地叫左D野食之後唔算數，食野為左開心啫，所以拿拿林答左佢打發佢走就算。點知之後仲搞野，碟清湯煮蜆食到一半，個侍應竟然埋黎問: “同你收左佢好唔好呀?”我同d friend 真係即刻呆左，個場已經唔係多人架啦，唔洗咁快趕客下化。呢間野D服務真係"好"到你估唔到~
地址:旺角彌敦道639號雅蘭中心地庫1層利佳餚內
電話:2380-0727